મોદીએ ઋતિકની ટ્વીટ કરી રી-ટ્વીટ, લખ્યું, 'રાકેશ રોશન ફાઈટર છે, ઝડપથી સાજા થશે'

નવી દિલ્હીઃ હજુ વર્ષની શરૂઆત થઈ છે ત્યાં બોલિવૂડમાંથી એક દુઃખદ સમાચાર આવ્યા છે. વરિષ્ઠ અભિનેતા, દિગ્દર્શક અને નિર્માતા એવા રાકેશ રોશનને ગળાનું કેન્સર થયું છે અને તેઓ હાલ ઈલાજ કરાવી રહ્યા છે. રાકેશના પુત્ર ઋતિક રોશને ટ્વીટર અને ઈન્સ્ટાગ્રામ પર તેના પિતાની તબિયત અંગેની માહિતી શેર કરી હતી. ઋતિક રોશનની આ ટ્વીટ બાદ વડા પ્રધાન નરેન્દ્ર મોદીએ તેને રિટ્વીટ કરીને રાકેશ રોશનના સારા સ્વાસ્થ્યની કામના કરી છે. 

પીએમ મોદીએ ઋતિક રોશનની ટ્વીટને રિટ્વીટ કરતા લખ્યું છે કે, "ડિયર ઋતિક રોશન, મને રાકેશ રોશનની તબિયત અંગે જાણવા મળ્યું. તેઓ એક ફાઈટર છે અને ઝડપતી સાજા થઈ જશે."

Dear Hrithik, praying for the good health of Shri Rakesh Roshan Ji. He is a fighter and I am sure he will face this challenge with utmost courage. @RakeshRoshan_N https://t.co/Z0IaYSS4A4

— Narendra Modi (@narendramodi) January 8, 2019

ઋતિક રોશને ઈન્સ્ટાગ્રામ પોસ્ટ પર પિતા રાકેશ રોશન સાથેનો એક ફોટો પોસ્ટ કરતા લખ્યું છે કે, "મેં આજે મારા પિતા પાસે એક પ્રોમિસ માગી હતી કે તેઓ સર્જરીના દિવસે પણ વર્કઆઉટ મિસ નહીં કરે. તેઓ મારી જિંદગીમાં સૌથી મજબૂત લોકોમાંના એક છે. થોડા દિવસ પહેલા જ અમને ખબર પડી છે કે ડેડને પ્રાથમિક સ્ટેજનું કેન્સર થયું છે. જોકે, તેઓ તેની સામે લડવા માટે તૈયાર છે. એક પરિવાર તરીકે અમે નસીબદાર છીએ કે અમને તેમના જેવો એક લીડર મળ્યો છે."

Asked my dad for a picture this morning. Knew he wouldnt miss gym on surgery day. He is probably the strongest man I know. Got diagnosed with early stage squamous cell carcinoma of the throat a few weeks ago, but he is in full spirits today as he proceeds to battle it. As a family we are fortunate and blessed to have a leader like him. . Love you Dad.

A post shared by Hrithik Roshan (@hrithikroshan) on Jan 7, 2019 at 7:46pm PST

બોલિવૂડમાં કેન્સરની બિમારી
ઉલ્લેખનીય છે કે, ગયા એક વર્ષમાં બોલિવૂડના અનેક કલાકારોને કેન્સર થયું છે. સૌથી પહેલા અભિનેતા ઈરફાન ખાને પોતાને કેન્સર થયું હોવાનું સોશિયલ મીડિયામાં જાહેર કર્યું હતું. ત્યાર બાદ તેમની તબિયત અંગે સોશિયલ મીડિયા પર અનેક લોકોએ દુઆઓ માગી હતી. 

ત્યાર બાદ અભિનેત્રી સોનાલી બેન્દ્રેને પણ કેન્સર થયું હતું. તેણે ન્યૂયોર્કમાં ઈલાજ કરાવ્યો હતો અને હિંમતપૂર્વક આ બિમારીનો સામનો કર્યો હતો. આ સાથે જ તે પોતાના ઈલાજના વિવિધ તબક્કાના ફોટો શેર કરીને પણ પોતાની હિંમતને જાળવી રહી છે. 

છેલ્લા કેટલાક સમયથી દિગ્ગજ અભિનેતા ઋષિ કપૂર પણ ન્યૂયોર્કમાં છે અને તેઓ એક બિમારીનો ઇલાજ કરાવી રહ્યા છે. જોકે, તેમની બિમારી અંગે હાલ ખુલાસો થયો નથી, પરંતુ નવા વર્ષે તેમના પત્ની નીતુના એક કેપ્શનમાં આ બાબત તરફ ઈશારો કરાયો હતો.