વડાપ્રધાને વિદ્યાર્થીઓને આપી પરીક્ષાનો ડર ભગાવવાની ટિપ્સ

નવી દિલ્હી : 10માં અને 12માં ધોરણની બોર્ડ પરીક્ષાઓને થોડા અઠવાડિયા જ બાકી છે. વડાપ્રધાન નરેન્દ્ર મોદી આજે શાળાના વિદ્યાર્થીઓ સાથે પરીક્ષા સંબંધિત જુદા જુદા વિષયો પર ચર્ચા કરવાનો નિર્ણય લીધો હતો. આ ચર્ચા દરમિયાન તેમણે વિદ્યાર્થીઓના પ્રશ્નોના જવાબ પણ આપવાનું નક્કી કર્યું છે. 

વડાપ્રધાન નરેન્દ્ર મોદીએ વિડીયો કોન્ફરન્સિંગ મારફતે દિલ્હી સ્થિત તાલકટોરા સ્ટેડિયમમાં પરિચર્ચા સત્રમાં ભાગ લીધો છે. આ કાર્યક્રમમાં મોટી સંખ્યામાં વિદ્યાર્થીઓ ભાગ લઈ રહ્યાં છે. આ પરિચર્ચાનું શિર્ષક 'મેકિંગ એક્ઝામ ફન: ચેટ વિથ પીએમ મોદી' રાખવામાં આવ્યું છે.

Prime Minister Narendra Modi to hold 'Pariksha Par Charcha', an interactive session with students at #Delhi's Talkatora Stadium, other students across the nation are also participating in the session through video conferencing pic.twitter.com/8BJp0sktM3

— ANI (@ANI) February 16, 2018

સીબીએસઈ દ્વારા સ્કૂલોને કાર્યક્રમને લાઈવ ટેલિકાસ્ટ કરવાની વ્યવસ્થા કરવાની અને વિદ્યાર્થીઓની ઉપસ્થિતિ સુનિશ્ચિત કરવાનો આદેશ આપવામાં આવ્યો છે. આ કાર્યક્રમમાં લગભગ 10 વિદ્યાર્થીઓ-વિદ્યાર્થીઓને પીએમ મોદીને સીધો પ્રશ્ન પૂછવાનો અવસર મળશે. પીએમ મોદી માયગાવ ડોટ ઈનથી પસંદગીના કેટલાક સવાલોના જવાબ પણ આપશે.

પ્રોગ્રામની હાઇલાઇટ્સ

• EQ જીવનને નવી દિશા આપે છે
• IQ અને EQનું સંતુલન સફળતા માટે જરૂરી  છે
• ફોક્સ ત્યારે જ કરી શકાય છે જ્યારે ડિફોક્સ કરાયું હોય 
• પરીક્ષા વખતે મનગમતી પ્રવૃત્તિ કરી શકાય, હા...પરિસ્થિતિ પ્રમાણે સમયગાળો બદલાવી શકાય
• કરફ્યુ લાદવાથી પરિણામ નથી લાવી શકાતું
• પરીક્ષા વખતે અને ખાસ કરીને બોર્ડની પરીક્ષા વચ્ચે કરફ્યુનો માહોલ સર્જાઈ જતો હોય છે
• હંમેશા પંચમહાભૂતથી સંપર્ક જાળવી રાખવો જોઈએ
• જેટલું મહત્વ એકાગ્રતાનું છે એટલું જ ડિફોક્સ થવાનું છે
• ચોવીસ કલાક સતત પરીક્ષાનું ટેન્શન કરવું યોગ્ય નથી
• પરીક્ષા અને માર્ક જીવન નથી
• બીજાના બાળક સાથે ક્યારેય પોતાના બાળકની સરખામણી  ન કરો
• હું અભિભાવકોને કહેવા માગુ છું કે બાળકના અભ્યાસને સોશિયલ સ્ટેટસ ન બનાવો
• ખબર હોય છે કે ક્યું કામ કોની પાસેથી કઈ રીતે કરાવી શકાય છે
• ભારતનું બાળક જન્મજાત પોલિટીશીયન હોય છે
• માતા-પિતા સારા મૂડમાં હોય ત્યારે તેમની સાથે સંવાદ કરવો જોઈએ
• માતા-પિતાએ પોતાના અધુરા સપના બાળકો પાસેથી પુરા કરવાને બદલે તેમને પસંદગીનો અભ્યાસ કરવાની તક આપવી જોઈએ
• માતા-પિતાનો દૃષ્ટિકોણ સમજશો તો સમજદારીના દરવાજા ખુલશે અને અભ્યાસ સરળતાથી બનશે
• માતા-પિતાની નિષ્ઠા પર ક્યારેય શંકા ન કરવી જોઈએ
• પ્રતિસ્પર્ધામાં ઉતરવાથી તણાવ અનુભવાય છે
• જાત સાથે સ્પર્ધા કરવાથી સફળતાની નવી ઉંચાઇને સર કરશો
• પોતાની જાત સાથે જ સ્પર્ધા કરો
• લોકોને તમારી સાથે સ્પર્ધામાં આવવા દો
• કોઈની સાથે પ્રતિસ્પર્ધા નથી કરવી 
• દિમાગમાંથી એ કાઢી નાંખો કે કોઇ તમારી પરીક્ષા લે છે. કોઇ તમને માર્ક આપવાનું છે. કોણ છે તમારૂ ભવિષ્ય નક્કી કરનાર
• તમે જ જાતે જ તમારૂ ભવિષ્ય નક્કી કરી રહ્યા છો. તમારી પાસે આત્મવિશ્વાસ ન હોય તો કંઇ ન થાય માટે આત્મવિશ્વાસ રાખો અને પરીક્ષા આપો
• આપણો દેશ વિવિધતાથી સભર છે. હું એમની ભાષામાં જવાબ નથી આપી શકતો એ મારી મર્યાદા છે. હું એ બાળકોની ક્ષમા ચાહું છું જો બની શકે તો એમની ભાષામાં એમને સમજાવી શકાય.
• અભ્યાસ કરતી વખતે માનસિકતા ઓનલાઇન જ ઓવી જોઈએ, ઓફલાઇન નહીં હોય
• વર્તમાનમાં જીવવાની આદત એકાગ્રતાને જાળવવામાં મદદ કરે છે
• ભૂતકાળનું મહત્વ છે પણ એને  બોજ ન બનાવવો જોઈએ
• એકાગ્રતાન જાળવી રાખવાનું મહત્વનો રસ્તો યોગ છે
• જો અભ્યાસ મન, શરીર અને આત્માનું જોડાણ કરીને એકાગ્ર કરીને કરાય તો કોઈ સમસ્યા જ નહીં થાય
• જે વસ્તુઓમાં માત્ર બુદ્ધિ નહીં પણ હૃદય જોડાઈ જાય છે એ જીવનનો હિસ્સો બની જાય છે
• સમસ્યા યાદશક્તિની નથી, અમુક પળ વર્ષો સુધી એકદમ તાજી રહે છે
• પોતાની જાત સાથે સંવાદ સાધવાથી ધીમેધીમે એકાગ્રતાના વિષયો વધારે વ્યાપક બનાવી શકાય છે
• દરેક વિદ્યાર્થી જાતની તપાસ કરે કે કઈ બાબતોમાં તેઓ એકાગ્રતા અનુભવે છે
• દરેક વ્યક્તિ દિવસમાં એક બે કામ કરતી વખતે ભારે એકાગ્રતાની અનુભૂતિ કરે છે
• એકાગ્રતા જાળવવી બહુ અઘરી નથી
• પોતાની જાતને સતત ચકાસવાથી આત્મવિશ્વાસ આવે છે
• લાંબું ભાષણ સાંભળવાથી પણ આત્મવિશ્વાસ નથી આવતો
• આત્મવિશ્વાસ કોઈ જડીબુટ્ટી નથી
• આત્મવિશ્વાસ વગર મહેનત પ્રભાવી નથી
• વિદ્યાર્થી સામાન્ય રીતે સરસ્વતીજીની પૂજા કરે છે પણ પરીક્ષાના દિવસે હનુમાનજીની પૂજા કરે છે
• સ્વામી વિવેકાનંદ કહેતા કે અહં બ્રહાસ્મિ એટલે કે જાત પર બ્રહ જેવો વિશ્વાસ હોવો જોઈએ
• ગમે તેટલી મહેનત કરી હશે પણ આત્મવિશ્વાસ નહીં હોય તો સમસ્યા ઉભી થશે
• પીએમએ વિદ્યાર્થીઓને કહ્યું હું છું તમારો દોસ્ત
• તમામ મિત્રોને નમન કરું છું, વડાપ્રધાને કરી શરૂઆત
• બાળકોએ ડાન્સ પર્ફોમન્સ સાથે કરી કાર્યક્રમની શરૂઆત