હવે થયો ન્યાય ! પુત્રના મોતનો ન્યાય ન મળ્યો, હવે પિતાએ 7 વખતના ધારાસભ્યને હરાવ્યા

Chhattisgarh election 2023: છત્તીસગઢ વિધાનસભા ચૂંટણીમાં ઘણી બેઠકો પર અણધાર્યા પરિણામો સામે આવ્યા છે. આવી જ એક બેઠક સાજા વિધાનસભા બેઠક છે. બેમેટારા જિલ્લામાં આવતી આ બેઠક ગયા એપ્રિલમાં સમાચારોમાં આવી હતી જ્યારે બે સમુદાયો વચ્ચે કોમી રમખાણો થયા હતા. હવે આ રમખાણોમાં મૃત્યુ પામેલા 24 વર્ષીય યુવક ભુવનેશ્વરના પિતા ઈશ્વર સાહુ ભાજપની ટિકિટ પર જીત્યા છે. ખાસ વાત એ છે કે ઈશ્વર વ્યવસાયે મજૂર છે. સરપંચની ચૂંટણીની વાત તો છોડો, વિધાનસભાની ચૂંટણીમાં ઊભા રહેવાનું તો તેમણે ક્યારેય વિચાર્યું પણ નહોતું.

કોંગ્રેસના શક્તિશાળી મંત્રીને હરાવ્યા
પુત્રના અવસાન બાદ ઈશ્વર સાહુને ન્યાય ન મળ્યો ત્યારે લોકોની સલાહ પર તેમણે જાતે જ સમગ્ર વ્યવસ્થામાં ફેરફાર કરવાનો નિર્ણય લીધો અને તેની શરૂઆત ઘરેથી કરી અને વિધાનસભાની ચૂંટણીમાં ઉભા રહ્યા. તેમના પ્રચારમાં ભાજપે પણ તેમને સાથ આપ્યો હતો. 

ભાજપે તેમને સાજા વિધાનસભા બેઠક પરથી પોતાના ઉમેદવાર તરીકે જાહેર કર્યા. પ્રચાર દરમિયાન સાંપ્રદાયિક હિંસામાં માર્યા ગયેલા તેમના પુત્ર ભુનેશ્વરની તસવીર સાથે ઈશ્વર સાહુનો ફોટો સોશિયલ મીડિયા પર વાયરલ થયો હતો. જેના કારણે તેમને લોકોની સહાનુભૂતિ મળી અને તેમણે કોંગ્રેસના શક્તિશાળી મંત્રી અને સાત વખતના ધારાસભ્ય રવિન્દ્ર ચૌબેને ચૂંટણીમાં લગભગ પાંચ હજાર મતોથી હરાવ્યા.

બુરાઇ પર અચ્છાઇની જીત
ચૂંટણી જીત્યા બાદ સજા બેઠક પરથી ચૂંટણી જીતેલા ઈશ્વર સાહુએ કહ્યું કે આ બુરાઈ પર સત્યની જીત છે. તેમણે કહ્યું, ચૂંટણી પ્રચાર દરમિયાન મારું સ્લોગન પણ હતું કે 'હવે સહન નહીં કરીએ, બદલીને રહીશું' તેમણે કહ્યું કે તેમની લડાઈ ગુંડાગીરી, ભ્રષ્ટાચાર અને અન્યાય સામે છે. તેઓ તેમના મતવિસ્તારના વિકાસ અને લોકોના કલ્યાણ માટે કામ કરશે. તમને જણાવી દઈએ કે છત્તીસગઢમાં કુલ 33 જિલ્લા છે, જેમાંથી કુલ 90 વિધાનસભા સીટો છે. ચૂંટણી પરિણામોમાં ભાજપે 54 અને કોંગ્રેસે 35 બેઠકો પર જીત મેળવી છે.