Richest Beggar: ભલભલા ધનિકોને પાછળ પાડી દે તેવો આ ભિખારી, સંપત્તિ એટલી બધી કે...વિચારી પણ ન શકો

રસ્તામાં તમે ભિખારીઓને રોજ રસ્તા પર ઊભેલા જોયા હશે. જ્યારે તમારી કાર સિગ્નલ પર પાર્ક થાય છે, ત્યારે આ ભિખારીઓ તમારી કારની બારી ખખડાવે છે અને તમારી પાસેથી ભીખ માંગે છે. અમે અને તમે તેમના વાટકામાં કેટલીક ચિલ્લર મૂકતા હશો. ગરીબ-ભિખારી બદલામાં તમનેને આશીર્વાદ આપીને જતા રહે છે. પરંતુ શું તમે ક્યારેય વિચાર્યું છે કે તમારી સામે વાટકો લઈને ઉભો રહેલો ભિખારી તમારા કરતા અનેક ગણો અમીર હોઈ શકે છે. તેની માસિક આવક તમારી આવક કરતાં બમણી અથવા તેનાથી પણ વધુ હોઈ શકે છે. ના, તેમને જોઈને આપણા મનમાં ક્યારેય આ વિચાર આવતો નથી. તો ચાલો હવે તમારી આ ગેરસમજ દૂર કરીએ.

વિશ્વનો સૌથી ધનિક ભિખારી
આજે અમે તમને એક એવા ભિખારી વિશે જણાવવા જઈ રહ્યા છીએ જે દુનિયાનો સૌથી અમીર ભિખારી છે. આ ભિખારી પાસે કરોડોની સંપત્તિ છે. તેની પાસે ઘર છે, કાર છે, પોતાનો બિઝનેસ છે અને નોંધપાત્ર બેંક બેલેન્સ છે. પરંતુ આ પછી પણ તે શેરીમાં ભીખ માંગે છે. આવો જાણીએ દુનિયાના સૌથી અમીર ભિખારી વિશે. આ ભિખારીનું નામ ભરત જૈન છે. ભરત જૈન મુંબઈમાં રહે છે. ભીખ માંગીને તેની કમાણી એટલી છે કે ભણેલા-ગણેલા લોકો પણ એટલી કમાણી કરી શકતા નથી. તેમની પાસે લગભગ સાડા સાત કરોડ રૂપિયાની સંપત્તિ છે.

મુંબઈમાં ફ્લેટ અને બે દુકાનનો માલિક
ભરત ભીખ માંગીને મહિને 75 હજાર રૂપિયા કમાય છે. ઘણા લોકોનું આ સપનું હોય છે કે મુંબઈ જેવી જગ્યાએ તેમનું પોતાનું ઘર હોય, આ માટે તેઓ જીવનભર મહેનત કરે છે, તેમ છતાં તેઓ તેમનું સપનું પૂરું કરવામાં અસમર્થ હોય છે. જ્યારે ભરત પાસે મુંબઈમાં 2 BHK ફ્લેટ છે જેની કિંમત 1.2 કરોડ રૂપિયા છે. આ સિવાય ભરત બે દુકાનનો પણ માલિક છે જે તેણે થાણે વિસ્તારમાં ખોલી છે. તે આ દુકાનોમાંથી દર મહિને 50,000 રૂપિયા ભાડું પણ લે છે. ભરત તેના આખા પરિવાર સાથે રહે છે. જેમાં તેના પિતા, એક ભાઈ, પત્ની અને તેમના 2 બાળકો જેઓ મુંબઈની સારી શાળાઓમાં અભ્યાસ કરે છે.