Car Tips: વરસાદની સિઝનમાં કારમાંથી આવતી સ્મેલથી છો પરેશાન! તો મફતમાં આ રીતે મેળવો છૂટકારો

Car Tips- How To Get Rid Of Smell: વરસાદની મોસમમાં કારને લગતી અનેક પ્રકારની સમસ્યાઓ સામે આવે છે, આ સમસ્યામાંથી એક સમસ્યા છે કેબિનની અંદરથી આવતી સ્મેલ.. ખરેખર, શું થાય છે કે જ્યારે તમે વરસાદની મોસમમાં ભીના શૂઝ સાથે કારમાં બેસો છો, ત્યારે ચંપલ સાથે આવેલું પાણી તેની મેટમાં જાય છે અને પછી તે કારના કાર્પેટ સુધી પહોંચે છે. જેના કારણે કારમાં સ્મેલ આવે છે. એ જ રીતે ઘણી વખત વરસાદમાં છત્રી લાવીને ગાડીમાં બેસીએ છીએ. તે છત્રીમાંથી પાણી કાર્પેટ સુધી પણ પહોંચે છે. તેનાથી  સ્મેલ આવે છે. 

તમારી કારની કાર્પેટ બહાર કાઢો અને તેને તડકામાં રાખો જેથી મેટ સુકાઈ જાય. આ સાથે કારના ગેટ પણ ખોલો જેથી સ્મેલ ઉડી જાય. ઓછામાં ઓછા એક કે બે કલાક માટે કારને આ રીતે છોડી દો. 

પછી કેબિનમાં પહેલા જેવી સ્મેલ નહીં આવે. આ એકદમ મફત રીત છે, જેના દ્વારા તમે કારના કેબિનની સ્મેલને દૂર કરી શકો છો. આ સિવાય સારી સુગંધ જોઈતી હોય તો તમે કાર પરફ્યુમનો ઉપયોગ પણ કરી શકો છો. બજારમાં ઘણા પ્રકારના કાર પરફ્યુમ ઉપલબ્ધ છે.