AIIMS એ ઓટોપ્સી રિપોર્ટની સૌથી મોટી ખામી ગણાવી, જાણો શું કહ્યું?

એમ્સના એક સૂત્રએ જણાવ્યું કે ડો.સુધીર ગુપ્તાની અધ્યક્ષતાવાળી ફોરેન્સિક બોર્ડે પોતાનો નિર્ણાયક રિપોર્ટ સીબીઆઈને સોંપી દીધો છે. સૂત્રએ કહ્યું કે એજન્સી સામે રજુ  કરાયેલા આ નિર્ણાયક રિપોર્ટમાં ડોક્ટરોએ કૂપર હોસ્પિટલના પોસ્ટમોર્ટમ રિપોર્ટમાં હળવા પ્રકાશ તરફ પણ ઈશારો કર્યો છે. 

14 જૂનની રાતે કૂપર હોસ્પિટલના ત્રણ ડોક્ટરોએ મળીને સુશાંતના મૃતદેહનું પોસ્ટમોર્ટમ કર્યું હતું. આ સૂત્રએ આગળ જણાવ્યું કે ડોક્ટરોએ જ્યાં અભિનેતાના પેટમાં મળી આવેલા એક તત્વને લઈને ઊભી થયેલી અનિશ્ચિતતા અંગે ચિંતા વ્યક્ત કરી છે ત્યાં રિપોર્ટમાં મોતનો સમય ન નોંધવા અંગે પણ સવાલ ઉઠાવ્યો છે. જો કે ઝેરથી અભિનેતાનું મૃત્યુ થયું તે એંગલને ડોક્ટરોએ સંપૂર્ણ રીતે ફગાવ્યો છે.   

પેટમાંથી મળી આવેલી ચીજો પર ડોક્ટરોએ એટલા માટે તપાસ હાથ ધરી જેથી કરીને તેમને જાણવા મળે કે સુશાંતે 13-14 જૂનની રાતે શું ખાધુ હતું અને સવારે તેણે નાશ્તામાં શું ખાધુ હતું. આ બાજુ સીબીઆઈએ આ  રિપોર્ટ પર એકદમ મૌન જાળવ્યું છે. આ બધા વચ્ચે ડો.સુધીર ગુપ્તાએ એક નિવેદનમાં કહ્યું કે એમ્સના મેડિકલ બોર્ડે સીબીઆઈને આ કેસમાં ખુબ જ સ્પષ્ટ અને અંતિમ મેડિકો-લીગલ મત સોંપ્યો છે. સીબીઆઈને અપાયેલા રિપોર્ટ અંગે કશું કહી શકાય નહીં અને કોઈની સાથે શેર કરી શકાય નહીં. કારણ કે મામલો 'વિચારાધીન' છે.