Ram Mandir: રામ યંત્ર પર સ્થાપિત થશે રામલ્લાની મૂર્તિ, જાણો રામ યંત્રનું શું છે મહત્વ

Ram Mandir: અયોધ્યાના રામ મંદિરમાં રામલ્લાની પ્રાણ પ્રતિષ્ઠા આજે થવા જઈ રહી છે. રામ ભક્તો વર્ષોથી અયોધ્યામાં રામ મંદિરની સ્થાપનાની રાહ જોઈ રહ્યા હતા. આજે રામ જન્મભૂમિ તેનું ગૌરવ પ્રાપ્ત કરશે. રામ મંદિરમાં રામલલ્લાની પ્રાણ પ્રતિષ્ઠા માટે દેશ-વિદેશથી લોકો અયોધ્યા પહોંચી ગયા છે. આ શુભ અવસર પર અયોધ્યાને ફૂલોથી શણગારવામાં આવી છે.

તમને જણાવી દઈએ કે રામલલાની મૂર્તિ સ્થાપિત કરવાનો સમય 12:29 મિનિટ અને 08 સેકન્ડથી 12:30 મિનિટ અને 32 સેકન્ડનો છે એટલે કે શુભ સમય માત્ર 84 સેકન્ડનો છે. ગર્ભગૃહમાં રામ યંત્ર પર રામલલ્લાની મૂર્તિ સ્થાપિત કરવામાં આવશે. મૂર્તિ પહેલા મંદિરના ગર્ભગૃહમાં રામ યંત્રની સ્થાપના કરવામાં આવી હતી.

આ પણ વાંચો: Ram Mandir: જાણો રામલ્લાની નવી મૂર્તિની પ્રાણ પ્રતિષ્ઠા પછી જૂની મૂર્તિનું શું થશે ?

શું છે રામ યંત્ર?

હિંદુ ધર્મમાં દરેક દેવી-દેવતાઓનું એક યંત્ર હોય છે. એ જ રીતે ભગવાન શ્રી રામનું યંત્ર પણ એક યંત્ર છે, જેને સ્થાપિત કર્યા પછી જ મૂર્તિની સ્થાપના થશે. એવું માનવામાં આવે છે કે તેનાથી વાતાવરણ શુદ્ધ અને શુભ રહે છે. કોઈપણ યંત્રનો ઉપયોગ દેવી-દેવતાઓને પ્રસન્ન કરવા માટે કરવામાં આવે છે.

આ પણ વાંચો: અયોધ્યામાં પહેલા કોણે અને ક્યારે બનાવ્યું રામ મંદિર? કેવું હતું પહેલું રામ મંદિર ?

રામ યંત્ર કેવું છે?

રામ યંત્રનો આકાર ચોરસ છે અને તેની ચારે બાજુ વિશેષ મંત્રો લખેલા છે. રામ યંત્રમાં 8 કમળની પાંખડીઓ અને 6 ત્રિકોણ હોય છે. બીજ મંત્ર જેને રામ રક્ષા મંત્ર પણ કહેવાય છે તે મધ્યમાં લખાયેલો છે. મંદિરમાં ભોજપત્ર પર બનેલું રામ યંત્ર સ્થાપિત છે. રામ યંત્ર બનાવવા માટે દાડમની કલમ અને કેસરની શાહી જરૂરી હોય છે.

આ પણ વાંચો: પ્રાણ પ્રતિષ્ઠાના દિવસે ઘરે કરો આ આ શક્તિશાળી સ્ત્રોતનો પાઠ, શ્રીરામ દુર કરશે સંકટ

ઘરમાં રામ યંત્ર સ્થાપિત કરવાથી થતા લાભ

ઘરમાં રામ યંત્ર સ્થાપિત કરવાથી ઘરમાં સમૃદ્ધિ વધે છે અને સુખ શાંતિ રહે છે. પરિવારના સભ્યો પ્રેમથી રહે છે અને કોઈ સમસ્યા થતી નથી. આ સિવાય વેપારના સ્થળે રોજ રામ યંત્રની પૂજા કરવાથી વેપારમાં પ્રગતિ થાય છે અને ધન-ધાન્યની કમી નથી રહેતી.

(Disclaimer: અહીં આપેલી માહિતી સામાન્ય માહિતી પર આધારિત છે. ZEE24kalak તેની પુષ્ટિ કરતું નથી.)