Asia Cup 2023: 31 ઓગસ્ટથી થશે એશિયા કપનો પ્રારંભ, જોવા મળશે ભારત-પાકિસ્તાનની ટક્કર

નવી દિલ્હીઃ Asia Cup 2023 Date and Venue: એશિયા કપ 2023ની શરૂઆત 31 ઓગસ્ટથી થશે. આ ટૂર્નામેન્ટ 17 સપ્ટેમ્બર સુધી રમાશે. ભારત, પાકિસ્તાન, શ્રીલંકા, બાંગ્લાદેશ, અફઘાનિસ્તાન અને નેપાળ વચ્ચે ટૂર્નામેન્ટની 13 મેચ રમાશે. આ વખતે ટૂર્નામેન્ટનું આયોજન હાઇબ્રિડ મોડલ હેઠળ રમાશે. ટૂર્નામેન્ટની ચાર મેચ પાકિસ્તાનમાં રમાશે. આ સિવાય બાકીની નવ મેચનું આયોજન શ્રીલંકામાં થશે. 

50 ઓવરના ફોર્મેટમાં રમાશે એશિયા કપ
આ વર્ષે એશિયા કપ 50 ઓવરના ફોર્મેટમાં રમાશે. નોંધનીય છે કે આ વર્ષે વનડે વિશ્વકપ પણ રમાવાનો છે. તેને ધ્યાનમાં રાખી એશિયન ક્રિકેટ કાઉન્સિલે એશિયા કપનું આયોજન 50 ઓવરના ફોર્મેટમાં કરવાનો નિર્ણય લીધો છે. ટૂર્નામેન્ટમાં પ્રથમ રાઉન્ડમાં બે ગ્રુપમાં ત્રણ-ત્રણ ટીમ રહેશે. ત્યારબાદ સુપર-4 રાઉન્ડ રમાશે. સુપર-4 રાઉન્ડના અંતે ટોપની બે ટીમો વચ્ચે ફાઈનલ રમાશે. 

Asia Cup 2023 will be held from 31st August to 17th September 2023 and will see the elite teams from India, Pakistan, Sri Lanka, Bangladesh, Afghanistan, and Nepal, compete in a total of 13 exciting ODI matches.
The tournament will be hosted in a hybrid model with four matches… pic.twitter.com/uRs0vT7Ei7

— ANI (@ANI) June 15, 2023

વિવાદનો આવ્યો અંત
એશિયા કપને લઈને લાંબા સમયથી ચાલી રહેલા વિવાદનો હવે સંપૂર્ણ અંત આવી ગયો છે. તેનું આયોજન બે દેશમાં થશે. પાકિસ્તાનમાં ચાર મેચ રમાશે. બાકી 9 મેચ શ્રીલંકામાં રમાશે. એશિયા કપની આ એડિશનમાં બે ગ્રુપ હશે. આ વખતે એશિયા કપનું આયોજન પાકિસ્તાનમાં થવાનું હતું. પરંતુ ભારતીય ટીમ પાકિસ્તાનના પ્રવાસે ન જવાની હોવાથી હાઇબ્રિડ મોડલ પસંદ કરવામાં આવ્યું છે.