ટીમ ઈન્ડિયાની પસંદગી કરવામાં થઈ ગઈ BCCIથી ચૂક? વિન્ડીઝના પ્રવાસે મોંઘી પડશે આ ત્રણ ભૂલ

નવી દિલ્હીઃ વેસ્ટઈન્ડિઝના પ્રવાસ પર બે ટેસ્ટ અને ત્રણ વનડે મેચની સિરીઝ માટે ભારતીય ટીમની જાહેરાત કરી દેવામાં આવી છે. આ પ્રવાસ માટે ટીમ ઈન્ડિયામાં કેટલાક મોટા ફેરફારોની જાહેરાત કરવામાં આવી છે. જ્યારે સિનિયર બેટ્સમેન ચેતેશ્વર પૂજારાને ટીમમાંથી બહાર કરવામાં આવ્યો છે, તો રુતુરાજ ગાયકવાડ અને યશસ્વી જયસ્વાલ જેવા યુવા ખેલાડીઓને તક મળી છે. આ સાથે જ સંજુ સેમસન અને ઉમરાન મલિક જેવા ખેલાડીઓની પણ વાપસી થઈ છે.

જો કે, ટીમની પસંદગી સાથે, બીસીસીઆઈએ કેટલાક એવા નિર્ણયો લીધા જે ખૂબ જ આશ્ચર્યજનક છે. બોર્ડના આ નિર્ણયોમાં અજિંક્ય રહાણેને વાઈસ-કેપ્ટન બનાવવા ઉપરાંત બે એવી ભૂલો પણ થઈ છે જે ટીમ ઈન્ડિયાને વેસ્ટ ઈન્ડિઝ પ્રવાસ પર ભારે પડી શકે છે.

અજિંક્ય રહાણેને વાઇસ કેપ્ટન બનાવાયો
અજિંક્ય રહાણેને વેસ્ટ ઈન્ડિઝ સામેની બે ટેસ્ટ મેચની શ્રેણી માટે વાઇસ કેપ્ટન બનાવવામાં આવ્યો છે. રહાણેએ તાજેતરમાં વર્લ્ડ ટેસ્ટ ચેમ્પિયનશિપની ફાઇનલમાં વાપસી કરી હતી. આવી સ્થિતિમાં તેને વાઈસ કેપ્ટન બનાવવાનો નિર્ણય ખૂબ જ આશ્ચર્યજનક છે. 35 વર્ષીય રહાણે ભલે ડોમેસ્ટિક ક્રિકેટમાં રન બનાવીને ટીમ ઈન્ડિયામાં પોતાની જગ્યા બનાવી લે, પરંતુ જો ભવિષ્યની વાત કરીએ તો બીસીસીઆઈએ એવા ખેલાડીને વાઈસ-કેપ્ટન તરીકે નિયુક્ત કરવા જોઈએ જે આગળ જઈને રોહિત શર્માનો અનુગામી બની શકે.

રોહિત શર્મા વર્તમાનમાં ટીમનો કેપ્ટન છે. તેની ઉંમર પણ 36 વર્ષ છે. તે જ સમયે, રહાણેની કારકિર્દી પણ તેના અંતિમ તબક્કામાં છે. આવી સ્થિતિમાં યુવા ખેલાડીને વાઇસ કેપ્ટન બનાવવામાં ન આવે તે ખૂબ જ આશ્ચર્યજનક છે.

અર્શદીપ વનડે ટીમમાં કેમ નથી?
ડાબોડી ફાસ્ટ બોલર જયદેવ ઉનડકટને વેસ્ટ ઈન્ડિઝ સામેની વનડે શ્રેણી માટે ટીમમાં સામેલ કરવામાં આવ્યો છે. ડોમેસ્ટિક ક્રિકેટમાં તેનું પ્રદર્શન ખૂબ જ મજબૂત રહ્યું છે પરંતુ ડાબોડી ફાસ્ટ બોલર અર્શદીપ સિંહને ટીમમાં સામેલ ન કરવાનો નિર્ણય આશ્ચર્યજનક હતો. અર્શદીપ માત્ર 24 વર્ષનો છે. આવી સ્થિતિમાં, તે સારી તક હતી કે તેને વેસ્ટ ઈન્ડિઝ જેવી નબળી ટીમ સામે ચમકવાની તક મળે જેથી ટીમ ઈન્ડિયા પાસે આ વર્ષે યોજાનાર વર્લ્ડ કપ માટે વિકલ્પ મળી શકે.

કુલદીપ યાદવને સ્થાન મળ્યું નથી
ચો કુલદીપ યાદવને બોર્ડર-ગાવસ્કર ટ્રોફી માટે ભારતની ટેસ્ટ ટીમમાં સામેલ કરવામાં આવ્યો હતો. બીજી તરફ રવિચંદ્રન અશ્વિન, અક્ષર પટેલ અને રવિન્દ્ર જાડેજાને વેસ્ટ ઈન્ડિઝ પ્રવાસ પર ટીમમાં જગ્યા મળી છે. આ ત્રણેય બોલિંગની સાથે બેટિંગ કરવાની ક્ષમતા ધરાવે છે, પરંતુ ટીમમાં રિસ્ટ સ્પિનર ​​હોવો જરૂરી છે. આવી સ્થિતિમાં કુલદીપ યાદવની જગ્યા પણ બની શકે છે. જોકે, આવું થયું નથી.

વેસ્ટ ઈન્ડિઝના પ્રવાસ માટે ટેસ્ટ ટીમ
રોહિત શર્મા (કેપ્ટન), શુભમન ગિલ, રુતુરાજ ગાયકવાડ, વિરાટ કોહલી, યશસ્વી જાયસવાલ, અજિંક્ય રહાણે, કેએસ ભરત, ઈશાન કિશન, આર અશ્વિન, જાડેજા, શાર્દુલ ઠાકુર, અક્ષર પટેલ, મોહમ્મદ સિરાજ, મુકેશ કુમાર, જયદેવ ઉનડકટ અને નવદીપ સૈની. 

વનડે ટીમ
રોહિત શર્મા, શુભમન ગિલ, રુતુરાજ ગાયકવાડ, વિરાટ કોહલી, સૂર્યકુમાર યાદવ, સંજૂ સેમસન, ઈશાન કિશન, હાર્દિક પંડ્યા, શાર્દુલ ઠાકુર, જાડેજા, અક્ષર પટેલ, યુઝવેન્દ્ર ચહલ, કુલદીપ યાદવ, જયદેવ ઉનડકટ, મોહમ્મદ સિરાજ, ઉમરાન મલિક, મુકેશ કુમાર.