IPL 2023: ફોર્મમાં પાછી ફરી MI, હૈદરાબાદને ઘર આંગણે 14 રને હરાવ્યું

MI Vs SRH: આઈપીએલની 35મી મેચ સનરાઈઝર્સ હૈદરાબાદ અને મુંબઈ ઈન્ડિયન્સ વચ્ચે રમાઈ. આ મેચમાં હૈદરાબાદે ટોસ જીતીને બોલિંગનો નિર્ણય લીધો. પહેલા બેટિંગ કરતા મુંબઈ ઈન્ડિયન્સે નિર્ધારિત 20 ઓવરમાં 5 વિકેટ ગુમાવીને 192 રન કર્યા. જવાબમાં હૈદરાબાદની ટીમ 19.5 ઓવરમાં 178 રનના સ્કોર પર ઓલઆઉટ થઈ ગઈ. આ સાથે જ મુંબઈ ઈન્ડિયન્સે પોતાની જીત જાળવી રાખતા આ મેચ 14 રને જીતી લીધી. 

મેચની પહેલી ઈનિંગમાં મુંબઈ તરફથી કેમરન ગ્રીને સૌથી વધુ 64 રન કર્યા. આ દરમિયાન તેણે 160ની સ્ટ્રાઈક રેટથી બેટિંગ કરી અને 6 ચોગ્ગા અને 2 છગ્ગા માર્યા. આ ઉપરાંત તિલક વર્માએ પણ શાનદાર બેટિંગ કરી અને 17 બોલમાં 37 રન કર્યા. ત્યારબાદ હૈદરાબાદ તરફથી મયંક અગ્રવાલ અને હેનરિક  ક્લાસેને ટીમને લક્ષ્યાંક મેળવવામાં મદદ તો કરી પણ જીત અપાવી શક્યા નહીં. 

મુંબઈ ઈન્ડિયન્સે એક ફેરફાર કર્યો હતો. જ્યારે હૈદરાબાદની ટીમ કોઈ પણ ફેરફાર વગર ઉતરી હતી. આ જીત સાથે જ મુંબઈ ઈન્ડિયન્સ પોઈન્ટ ટેબલમાં છઠ્ઠા નંબરે પહોંચી ગઈ છે. જ્યારે સનરાઈઝર્સ હૈદરાબાદ 9માં સ્થાને પહોંચી છે. આ મેચ હૈદરાબાદના રાજીવ ગાંધી ઈન્ટરનેશનલ સ્ટેડિયમ ખાતે રમાઈ હતી.