ફિફા વર્લ્ડ કપ : આ વખતે ઓક્ટોપસ નહીં આ બિલાડી બતાવશે કોણ બનશે ચેમ્પિયન

નવી દિલ્હી : રૂસમાં 14 જૂનથી શરૂ થનાર ફિફા વર્લ્ડ કપ આડે હવે ગણતરીના જ દિવસો બાકી છે. ફૂટબોલ ફિવર વધી રહ્યો છે ત્યારે આ વખતે ચેમ્પિયન કોન બનશે? એ ચર્ચાઓ તેજ બની છે. જોકે એનો ખુલાસો 15 જુલાઇએ થશે. જ્યારે બે સર્વ શ્રેષ્ઠ ટીમો આમને સામને હશે. ફૂટબોલના ધૂરધંરોનુ માનવું છે કે, આ વખતે જર્મની ચેમ્પિયન બનશે તો કેટલાકનું એવું માનવું છે કે સ્પેન, ફ્રાંસ અને બ્રાઝિલ પણ હોટ છે. 

આ સંજોગોમાં આ વખતે ચેમ્પિયન કોણ બનશે, એ વાતની ભવિષ્યવાણી કરવી કઠીન છે. પરંતુ આ વખતે એવું કોઇ છે કે જે અગાઉથી જ જણાવી દે છે કે આ વખતે ફૂટબોલ ચેમ્પિયન કોણ બનશે. જી, હા... યાદ કરો 2010નો ફૂટબોલ વર્લ્ડ કપ. એ સમયે ઓક્ટોપસ બાબાએ સટીક ભવિષ્યવાણી કરી બતાવ્યું હતું કે સ્પેન ચેમ્પિયન બનશે અને થયું પણ એવું જ. જોકે આ વખતે ઓક્ટોપસ બાબા તો નથી પરંતુ એક બિલાડી આ વખતે જીતની ભવિષ્યવાણી કરનાર છે. 

પ્રથમ લીગમાં 48 મેચ રમાશે. અંતિમ 16 માટે 8 મેચ રમાશે. 8 ટીમો ક્વાર્ટર ફાઇનલમાં સ્થાન પામશે. ત્યાર બાદ સેમી ફાઇનલ અને પછી 15મી જુલાઇએ ફાઇનલ મેચ રમાશે. આ મેચમાં નક્કી થશે કે ચેમ્પિયન કોણ બનશે. પરંતુ આ પહેલા Achilles નામની બિલાડી ભવિષ્યવાણી કરશે કે કઇ ટીમ આ વખતે ચેમ્પિયન બનશે. 

સફેદ બિલાડી સેંટ પીટરબગ્રના હર્મિટેજ મ્યુઝિયમમાં રહે છે. અત્યારે એ ખાસ પ્રકારની તાલિમ લઇ રહી છે. ફિફા વર્લ્ડ કપ શરૂ થતાં આ ભવિષ્યવાણી કરશે. જોકે એની ઉપર મોટી જવાબદારી હશે. કારણ કે 2010માં પોલ ઓક્ટોપસે સટીક ભવિષ્ય વાણી કરી હતી. એના માટે આ પ્રથમ વખત નથી. અગાઉ 2017માં કન્ફડેરેશન કપમાં પણ આ બિલાડીએ ભવિષ્યવાણી કરી હતી. 

આ બિલાડી સાંભળતી નથી...
Achilles નામની આ સફેદ બિલાડી સાંભળી શકતી નથી. એનો સીધો અર્થ એ થયો કે તે સરળતાથી એનું ધ્યાન ભટકાવી શકાય એમ નથી. ભવિષ્યવાણી માટે મેચ પૂર્વે બે ટીમોના પ્રતિક માટે બે બોલ એના આગળ ફેંકવામાં આવશે. જેના પર ટીમોના ફ્લેગ હશે.