કહાની એ લોહિયાળ ટેસ્ટ મેચની, જ્યારે લોહીલુહાણ હાલતમાં હોસ્પિટલ પહોંચ્યા ભારતના બેટ્સમેનો

Cricket History: ક્રિકેટની રમત ભલે ઈંગ્લેન્ડમાં બની હોય પણ તેના પર રાજ બીજા લોકોએ કર્યું. ક્રિકેટના પ્રારંભથી વેસ્ટ ઈન્ડિંઝે તેના પર રાજ કર્યું. જ્યારે ત્યાર બાદ પહેલીવાર ભારતે વેસ્ટ ઈન્ડિઝને પછાડ્યું. પણ શું તમને એ કિસ્સો ખ્યાલ છે જ્યારે એક બાદ એક ભારતના બેટ્સમેનોએ મેદાન છોડીને લોહીલુહાણ હાલતમાં હોસ્પિટલમાં દાખલ થવું પડ્યું હતું. અને તેનું કારણ હતું વેસ્ટ ઈન્ડિઝની ટીમ.

ભારતીય ક્રિકેટ ટીમે ડોમિનિકામાં પ્રથમ ટેસ્ટમાં વેસ્ટ ઈન્ડિઝને એક દાવ અને 141 રનથી હરાવીને 2 મેચની શ્રેણીમાં 1-0ની લીડ મેળવી લીધી છે. હવે ભારતીય ટીમ 20 જુલાઈથી ક્વીન્સ પાર્ક ઓવલ ખાતે રમાનારી બીજી ટેસ્ટ મેચ જીતીને શ્રેણી કબજે કરવા માંગશે. પ્રથમ મેચમાં ટીમ ઈન્ડિયાની બોલિંગ અને બેટિંગ સામે વેસ્ટ ઈન્ડિઝની ક્રિકેટ ટીમ ટકી શકી ન હતી અને ભારતે આસાનીથી મેચ પર કબ્જો કરી લીધો હતો.

પરંતુ, એક સમય એવો હતો જ્યારે વેસ્ટ ઈન્ડિઝની ઘાતક બોલિંગ સામે ભારતીય ખેલાડીઓનો કોઈ રન નોંધાયો ન હતો અને આવી જ એક મેચ વર્ષ 1976માં રમાઈ હતી, જ્યારે ટીમ ઈન્ડિયાના 3 બેટ્સમેન ઈજાગ્રસ્ત થઈને હોસ્પિટલ પહોંચ્યા હતા. આજે અમે તમને તે મેચની સંપૂર્ણ કહાણી જણાવીએ છીએ.

ટીમ ઈન્ડિયાના બેટ્સમેનોએ ઈતિહાસ રચી દીધો હતો-
આ ઘટના ત્યારે બની જ્યારે વેસ્ટ ઈન્ડિઝ ક્રિકેટ ટીમનો ક્રિકેટ જગતમાં એકતરફી શાસન હતું અને સારા સારા બેટ્સમેન તેમની બોલિંગ સામે ધ્રૂજતા હતા. પરંતુ, તે સમયગાળામાં પણ, ભારતીય ટીમે વેસ્ટ ઈન્ડિઝને જોરદાર ટક્કર આપી હતી. ટીમ ઈન્ડિયા ચાર મેચોની ટેસ્ટ શ્રેણીની પ્રથમ મેચ એક ઈનિંગ અને 97 રનથી હારી ગઈ હતી. આ પછી ટીમ ઈન્ડિયાએ બીજી મેચમાં વેસ્ટ ઈન્ડિઝને 241 રન પર રોકીને 5 વિકેટે 402 રન બનાવ્યા હતા. ત્યારબાદ વેસ્ટ ઈન્ડિઝની ટીમ કોઈક રીતે આ મેચ ડ્રો કરવામાં સફળ રહી હતી. આ પછી, ત્રીજી મેચમાં પણ ટીમ ઈન્ડિયાએ બેટિંગ કરી અને 406 રનનો લક્ષ્યાંક હાંસલ કર્યો અને ઐતિહાસિક ટેસ્ટ જીત નોંધાવી. આ જીત સાથે ટીમ ઈન્ડિયાએ શ્રેણીમાં 1-1થી બરાબરી કરી લીધી હતી અને તેના કારણે વેસ્ટ ઈન્ડિઝના વર્તમાન કેપ્ટન ક્લાઈવ લોઈડ સંપૂર્ણપણે નારાજ થઈ ગયા હતા.

મેચના પહેલા દિવસે ભારતની શાનદાર બેટિંગ-
હવે ચાર મેચોની શ્રેણીનો નિર્ણય છેલ્લી મેચમાં થવાનો હતો, જે 21 એપ્રિલ 1976ના રોજ સબીના પાર્કમાં શરૂ થઈ હતી. આ મેચમાં વેસ્ટ ઈન્ડિઝે ટોસ જીતીને પ્રથમ બોલિંગ કરવાનો નિર્ણય લીધો હતો અને ભારતીય બેટ્સમેનોએ પાછલી મેચોની જેમ ફરી એકવાર શાનદાર શરૂઆત કરી હતી. ટીમ ઈન્ડિયાના ઓપનર સુનીલ ગાવસ્કર અને અંશુમાન ગાયકવાડે મળીને પ્રથમ વિકેટ માટે 136 રન જોડ્યા હતા. આ પછી વેસ્ટ ઈન્ડિઝના બોલરો પહેલા દિવસે કોઈ વિકેટ લઈ શક્યા ન હતા અને પહેલા દિવસે ટીમ ઈન્ડિયાએ એક વિકેટ ગુમાવીને 175 રન બનાવ્યા હતા.

કેરેબિયન બોલરોએ બીજા દિવસે ડર્ટી ટ્રીક કરી હતી-
પહેલા દિવસે મજબૂત સ્થિતિમાં પહોંચ્યા બાદ ભારતીય બેટ્સમેનોએ પણ સારી શરૂઆત કરી હતી અને ટીમ ઈન્ડિયાને 205ના સ્કોર પર બીજો ફટકો પડ્યો હતો, જ્યારે મોહિન્દર અમરનાથ 39 રન બનાવીને આઉટ થયો હતો. આ પછી કેરેબિયન બોલરોએ ગંદી યુક્તિ રમી અને કેપ્ટન ક્લાઈવ લોઈડની ટીમે બોડીલાઈન બોલિંગની ખતરનાક વ્યૂહરચના બનાવી. એટલે કે વેસ્ટ ઈન્ડિઝના બોલરોએ ટીમ ઈન્ડિયાના ખેલાડીઓને ઈજા પહોંચાડવાનું શરૂ કર્યું. આ પછી ગુંડપ્પા વિશ્વનાથ માત્ર 8 રન બનાવીને આઉટ થયો હતો.

ટીમ ઈન્ડિયાના 3 ખેલાડીઓ હોસ્પિટલ પહોંચ્યા-
ત્રણ વિકેટ ગુમાવ્યા બાદ પણ ટીમ ઈન્ડિયાના બેટ્સમેનો ક્રિઝ પર ઉભા હતા, પરંતુ ત્યારે અંશુમન ગાયકવાડને ડાબા કાન પર વાગ્યો હતો અને તે 81 રન બનાવીને રિટાર્ડ થયા. તેમણે આગામી 2 દિવસ હોસ્પિટલમાં પસાર કરવા પડ્યા. એ જ રીતે માઈકલ હોલ્ડિંગે બ્રિજેશ પટેલના ચહેરા પર બોલ વગાડ્યો. તે 14 રન બનાવ્યા બાદ રિટાયર હર્ટ થઈ ગયો હતો. બ્રિજેશ પટેલની ઈજા એટલી ઊંડી હતી કે તેના મોં પર ટાંકા પણ લેવા પડ્યા હતા. આ પહેલા 8 રન બનાવીને આઉટ થયેલા ગુંડપ્પા વિશ્વનાથને પણ ઈજા થઈ હતી અને તેને હોસ્પિટલમાં જવું પડ્યું હતું.

કેપ્ટન બિશન સિંહ બેદીએ ઇનિંગ ડિકલેર કરી-
ક્લાઈવ લોયડ એન્ડ કંપનીની હરકતો જોઈને ટીમ ઈન્ડિયાના વર્તમાન કેપ્ટન બિશન સિંહ બેદીએ પોતાના ખેલાડીઓને બચાવવા માટે અહીં જ ઈનિંગ ડિકલેર કરવાનું વધુ સારું માન્યું અને ટીમ ઈન્ડિયાએ 306 રનમાં 6 વિકેટ ગુમાવ્યા બાદ પોતાનો પ્રથમ દાવ ડિકલેર કર્યો. આ પછી ટીમ ઈન્ડિયાના બોલરોએ વેસ્ટ ઈન્ડિઝને 391 રનમાં રોકી દીધું અને પ્રથમ દાવના આધારે 85 રનથી પાછળ પડી ગઈ. આ દરમિયાન કેપ્ટન બિશન સિંહ બેદી અને ભાગવત ચંદ્રશેખરને પણ ફિલ્ડિંગ દરમિયાન ઈજા થઈ હતી.

ટીમ ઈન્ડિયાએ બીજી ઈનિંગમાં માત્ર 97 રન બનાવ્યા હતા-
અંશુમન ગાયકવાડની ઈજા બાદ સુનીલ ગાવસ્કરે દિલીપ વેંગસરકર સાથે મળીને ટીમ ઈન્ડિયા માટે ઈનિંગની શરૂઆત કરી હતી, પરંતુ ગાવસ્કર કંઈ અદ્ભુત કરી શક્યા નહોતા અને માત્ર 2 રન બનાવીને પેવેલિયન પરત ફર્યા હતા. આ પછી દિલીપ વેંગસરકરે મોહિન્દર અમરનાથ સાથે મળીને દાવને સંભાળવાનો પ્રયાસ કર્યો અને બીજી વિકેટ માટે 63 રન જોડ્યા. 68 રનના કુલ સ્કોર પર દિલીપ વેંગસરકર 21 રન બનાવીને આઉટ થયો હતો. આ પછી મદન લાલ 97ના સ્કોર પર 8 રન બનાવીને આઉટ થયો હતો. આ પછી મોહિન્દર અમરનાથ 97ના સ્કોર પર 60 રન બનાવીને પેવેલિયન પરત ફર્યો હતો જ્યારે એસ વેંકટરાઘવન ખાતું પણ ખોલી શક્યો ન હતો.

ટીમ ઈન્ડિયાના આ 5 ખેલાડીઓ ઘાયલ થયા છે-
97 રનમાં 5 વિકેટ પડી ગયા બાદ ટીમ ઈન્ડિયાના અન્ય ખેલાડીઓ મેદાનમાં ઉતરી શક્યા નહોતા, કારણ કે 5 ખેલાડીઓ ઈજાગ્રસ્ત હતા અને બેટિંગ કરવાની સ્થિતિમાં નહોતા. જેમાંથી ઓપનર અંશુમન ગાયકવાડ, બ્રિજેશ પટેલ અને ગુંડપ્પા વિશ્વનાથ બેટિંગ દરમિયાન ઈજાગ્રસ્ત થયા હતા. તે જ સમયે, કેપ્ટન બિશન સિંહ બેદી અને ભાગવત ચંદ્રશેખર ફિલ્ડિંગ દરમિયાન ઘાયલ થયા હતા. આ રીતે ટીમ ઈન્ડિયાના 5 બેટ્સમેન ગેરહાજર માનવામાં આવ્યા હતા અને ટીમ ઈન્ડિયા 97 રનમાં ઓલઆઉટ થઈ ગઈ હતી.

વેસ્ટ ઈન્ડિઝે 13 રનનો ટાર્ગેટ સરળતાથી મેળવી લીધો હતો-
ટીમ ઈન્ડિયા 97 રનમાં ઓલઆઉટ થયા બાદ વેસ્ટ ઈન્ડિઝ ક્રિકેટ ટીમને મેચ જીતવા માટે માત્ર 13 રનનો ટાર્ગેટ મળ્યો હતો જે કેરેબિયન ટીમે માત્ર 1.5 ઓવરમાં જ હાંસલ કરી લીધો હતો. આ રીતે, ભારતીય ક્રિકેટ ટીમ 10 વિકેટથી મેચ હારી ગઈ અને 4 મેચની શ્રેણી પણ 1-2થી હારી ગઈ.