5 મેના સમાચાર

5 મેના સમાચાર News

દીવમાં ખુલી દારૂની દુકાનો, ખૂલતા જ લાગી લાંબી લાઈનો... 
Coronavirus
દીવમાં ખુલી દારૂની દુકાનો, ખૂલતા જ લાગી લાંબી લાઈનો... 
4 મેથી કેન્દ્ર સરકાર દ્વારા તમામ રાજ્યોમાં દારૂની દુકાનો ખોલવાની પરમિશન આપવામાં આવી હતી. આ નિર્ણયથી 40 દિવસો બાદ અનેક રાજ્યોમાં દારૂની દુકાનો ખૂલી હતી. 4 મેના રોજ દુકાનો ખૂલતા જ અનેક રાજ્યોમાં દારૂનુ રેકોર્ડબ્રેક વધારો થયો છે. ત્યારે ગુજરાતમાં પણ એક સ્થળે દારૂની દુકાનો ખૂલી ગઈ છે. ગુજરાતના ત્રણ કેન્દ્રશાસિત પ્રદેશો આવેલા છે. જેમાંથી એક દીવમાં પણ દારૂની દુકાનો ખૂલી ગઈ છે. 42 દિવસ બાદ આખરે દીવમાં વાઈન શોપ ખુલ્લી મૂકવાના આદેશ થયા છે.
May 5,2020, 17:51 PM IST
અમારે તો કોણ સગું ને કોણ વ્હાલુ...? કોરોના દર્દી-તબીબોના આ શબ્દો ઘણુબધુ કહી જાય છે..
Coronavirus
અમારે તો કોણ સગું ને કોણ વ્હાલુ...? કોરોના દર્દી-તબીબોના આ શબ્દો ઘણુબધુ કહી જાય છે..
અમારે તો સગું શુ...અને કોણ વહાલુ..? જે ગણો એ આ આ સ્ટાફ જ છે. સિવિલ હોસ્પિટલના પરિસરમાં કોવિડ હોસ્પિટલમાં સારવાર લઈ રહેલા દર્દીઓ પૈકી એક દર્દીના આ શબ્દો ઘણું બધું કહી જાય છે. કોરોનાના સંકટ વચ્ચે કોવિડ ડેઝિગ્નેટેડ સિવિલ હોસ્પિટલમાં 1125 કોરોના વોરિયર્સ સતત 24 કલાક ખડેપગે અવિરત સેવા બજાવે છે. કોઈના બાળકો નાના છે. કોઈના પરિવારમાં તકલીફ છે. પણ સેવા જ તેમનો ધર્મ.... કદાચ આ જ અભિગમને પગલે દર્દીઓ એમ માને છે કે આ જ અમારા સગાવ્હાલા છે. 
May 5,2020, 16:40 PM IST
અમદાવાદના આ Exclusive દ્રશ્યો તમને હચમચાવી દેશે, એક અફવાથી ભેગા થયા 3000 શ્રમિકો
Coronavirus
અમદાવાદના આ Exclusive દ્રશ્યો તમને હચમચાવી દેશે, એક અફવાથી ભેગા થયા 3000 શ્રમિકો
અમદાવાદમાં 4000થી વધુ કોરોનાના કેસ છે. સતત વધતા કેસો વચ્ચે લોકડાઉનનુ ચુસ્તપણે અમલ કરવુ બહુ જ જરૂરી બની ગયું છે. ત્યારે પરપ્રાંતિયો પોતાના વતનમાં જવા માટે બહુ જ ઉતાવળા બની ગયા છે. સરકારની વારંવારની અપીલ છતાં અમદાવાદની સોનીની ચાલી ખાતે એકસાથે 3 હજારથી વધુ શ્રમિકો ઉમટી પડ્યા હતા. માત્ર એક અફવા અને એકસાથે 3000 શ્રમિકો બેગ ભરીને રસ્તા પર આવી ગયા હતા. ZEE 24 કલાકના આ એક્સક્લુઝિવ દ્રશ્યોમાં તમે જોઈ શકો છો કે કેવી રીતે સોશિયલ ડિસ્ટન્સિંગની ઐસી કી તૈસી કરીને શ્રમિકો ઉમટી પડ્યા છે. 
May 5,2020, 17:34 PM IST
અમદાવાદના 21થી વધુ શાકભાજીવાળાઓને કોરોના, બધા એક જ વિસ્તારના...
Coronavirus
અમદાવાદના 21થી વધુ શાકભાજીવાળાઓને કોરોના, બધા એક જ વિસ્તારના...
અમદાવાદમાં કોરોનાના સંક્રમિત વિસ્તારોનું પ્રમાણ ધીરે ધીરે વધી રહ્યું છે. વધુને વધુ વિસ્તારો કોરોનાની ઝપેટમાં આવી રહ્યાં છે. શાકભાજી વેચનારા ફેરિયાઓ કોરોનાના મોટા વાહક બન્યા છે, ત્યારે અમદાવાદમાં ફરી એકવાર ફેરિયાઓ ચર્ચામાં આવ્યા છે. અમદાવાદના હાટકેશ્વર ભાઈપુરાના હરિપુરા વોર્ડમા એક સાથે 21થી વધારે શાકભાજીવાળા ફેરિયાઓને કોરોના પોઝિટિવ આવ્યો છે. આ રિપોર્ટ આવતકા જ તંત્ર હરકતમાં આવ્યું છે. ઉચ્ચ અધિકારીઓ પોલીસ કાફલા સાથે હરિપુરા આવીને તેઓને ક્વોરેન્ટાઈન કરવાની તજવીજ હાથ ધરાઈ હતી. 
May 5,2020, 15:02 PM IST
ગુજરાત સરકારની અપીલ, પરપ્રાંતિયો વતન જવાની ઉતાવળ ન કરે, બીજી ટ્રેનો વધારાશે
Coronavirus
ગુજરાત સરકારની અપીલ, પરપ્રાંતિયો વતન જવાની ઉતાવળ ન કરે, બીજી ટ્રેનો વધારાશે
રાજ્યમાં હાલ લોકડાઉન વચ્ચે પરપ્રાંતિયો અને શ્રમિકોનો મુદ્દો ચગ્યો છે. આવામાં પરપ્રાંતિયો અને શ્રમિકોને સુવિધા અંગે સીએમઓના સચિવ અશ્વિનીકુમારે જણાવ્યું કે, અમદાવાદથી બહાર જવા માટે ત્રણ અને યુપી જવા માટે ચાર ટ્રેનો એમ મળીને કુલ 7 ટ્રેનનો અમદાવાદથી ગઈ છે. સુરતથી કુલ 10 ટ્રેન આજે રવાના થવાની છે. ઓરિસ્સા જવા માટે સુરતથી કુલ 8 ગઈ છે. આમ, કુલ ૨૩ ટ્રેનના માધ્યમથી 28 હજાર જેટલા પરપ્રાંતિયોને ગુજરાતથી મોકલવામાં આવ્યા છે. આજે બીજી 12 ટ્રેન રવાના થશે. વિરમગામથી યુપીની પણ ટ્રેન આજે રવાના થશે. અમદાવાદથી પણ બે ટ્રેનો રવાના થશે. ગુજરાતમાંથી પરપ્રાંતિયો માટે કુલ ૩૫ ટ્રેનો જશે. ગુજરાતમાંથી સવા ત્રણ લાખ પરપ્રાંતિયો ટ્રેન અને બસમાં જવા નીકળ્યા છે. મુખ્યમંત્રીએ પરપ્રાંતિયોને અપીલ કરી જે પણ શ્રમિક જવા માગે છે તેને મોકલવામાં આવશે, પણ તેઓ ધીરજ રાખે. હજુ પણ ટ્રેન ની સંખ્યા વધારવામાં આવશે. 
May 5,2020, 14:43 PM IST
કોરોના હોવાનો વહેમ કે શંકા હોય તે લોકો માટે મ્યુ. કમિશનરે કરી મોટી વાત
Coronavirus
કોરોના હોવાનો વહેમ કે શંકા હોય તે લોકો માટે મ્યુ. કમિશનરે કરી મોટી વાત
અમદાવાદ (Ahmedabad) માં કોરોનાના કેસના અપડેટ્સ અંગે મ્યુનિસિપલ કમિશનર વિજય નહેરા (Vijay Nehra) એ જણાવ્યું કે, હાલ કોરોનાની કોઈ દવા કે વેક્સીનેશન નથી, જે પોઝિટિવ થાય તેઓની સારામાં સારી કેર થાય તે જરૂરી છે. હાલ અમદાવાદ શહેરોમાં એક્ટિવ કેસો 3101 થયા છે. દોઢ મહિનામાં પહેલી વાર એક્ટિવ કેસનો ગ્રોથ રેટ 5 ટકાથી ઓછો થયો છે. જે 30થી 31 ટકાનો વધારો થતો હતો, તે ઘટી રહ્યો છે. આજે 5 ટકાથી નીચે ગ્રોથ રેટ થયો છે. મેના અંત સુધી તેને ઝીરો ટકા સુધી લઈ જવુ છે. જેથી કોરોનાને માત આપી શકાય. ગઈકાલે 79 જેટલા લોકો સાજા થઈને ઘરે થયા હતા, આમ અત્યાર સુધી 691 લોકો રિકવર થયા છે. 
May 5,2020, 13:00 PM IST
સુરતના રત્ન કલાકારોને વતન મોકલવાને લઈને લેવાયો મહત્વનો નિર્ણય
Coronavirus
સુરતના રત્ન કલાકારોને વતન મોકલવાને લઈને લેવાયો મહત્વનો નિર્ણય
સુરતના રત્ન કલાકારો માટે પણ સારા સમાચાર આવ્યા છે. રત્ન કલાકારો (dimond workers) ને સૌરાષ્ટ્ર મોકલવા મુદ્દે આજે મહત્વની બેઠક યોજાઈ હતી. જેમાં સુરત (Surat) માં ફસાયેલા રત્ન કલાકારોને કઈ રીતે સૌરાષ્ટ્ર મોકલી શકાય તે અંગે ચર્ચા વિચારણા થઈ હતી. ત્યારે બેઠકમાં નિર્ણય લેવાયો કે, આવતીકાલથી રત્ન કલાકારોને સુરત મોકલવા માટે રજિસ્ટ્રેશન કરાશે. તેમજ પરમ દિવસથી બસોને રવાના કરાશે. ગુરુવારથી લકઝરી બસો દ્વારા રત્ન કલાકારોને લઈ જવાશે. જે માટે આવતીકાલે રજિસ્ટ્રેશન કરાશે, કલેક્ટરની મંજૂરી બાદ જ રત્ન કલાકારો વતન જઈ શકશે. જે-તે ગામમાં મજૂરોનું લિસ્ટ તૈયાર કરાશે. આ લિસ્ટ ગ્રામ પંચાયત બાદ તાલુકામાં મોકલાશે. ઉલ્લેખનીય છે કે, સુરતમાં કામ કરતા મોટાભાગના રત્ન કલાકારો સૌરાષ્ટ્રના વિવિધ જિલ્લાના રહેવાસી છે, જેઓએ પોતાના વતન જવા માટે માંગ કરી હતી. 
May 5,2020, 12:23 PM IST
પરપ્રાંતિયોને લઈને આજે સુરતથી 9 ટ્રેનો દોડશે
Coronavirus
પરપ્રાંતિયોને લઈને આજે સુરતથી 9 ટ્રેનો દોડશે
સુરતમાં કોરોના (Coronavirus) ના કેસનો આંકડો 706 પર પહોંચી ગયો છે. પરંતુ હાલ સુરત (Surat) માં લોકડાઉનમાં ફસાયેલા પરપ્રાંતિયોની હાલત સૌથી વધુ કફોડી બની છે. સુરતમાંથી પરપ્રાંતિયો (migrants) ને પોતાના વતન પરત મોકલવા માટે ખાસ ટ્રેન દોડાવાઈ રહી છે, તો બસોનું પણ આયોજન કરાયું છે. ત્યારે આજે સુરતથી સૌથી વધુ 9 ટ્રેન પરપ્રાંતિયોને લઈને વિવિધ રાજ્યોમાં જવા રવાના થશે. આજે ઊત્તરપ્રદેશ, ઓરિસ્સા, ઝારખંડ રાજ્યોમાં જવા માટે કુલ 9 ટ્રેન નીકળશે. 
May 5,2020, 12:32 PM IST
અમદાવાદના 5 બ્રિજ બંધ કરાતા સુભાષબ્રિજ પર ટ્રાફિક જામ, એમ્બ્યુલન્સ પણ ફસાઈ
Coronavirus
અમદાવાદના 5 બ્રિજ બંધ કરાતા સુભાષબ્રિજ પર ટ્રાફિક જામ, એમ્બ્યુલન્સ પણ ફસાઈ
અમદાવાદ શહેરમાં કોરોના (Coronavirus) ને પ્રસરતો અટકાવવા માટે પૂર્વ અને પશ્ચિમ વિસ્તારોને જોડતા પાંચ બ્રિજ અવરજવર માટે સંપૂર્ણપણે બંધ કરાયા છે. ત્યારે અમદાવાદ (Ahmedabad) ના 5 બ્રિજ બંધ કરાતા સમગ્ર ટ્રાફિક સુભાષબ્રિજ તરફ ડાયવર્ટ થયો છે. આ કારણે અમદાવાદના સુભાષબ્રિજ સર્કલ ખાતે વહેલી સવારથી જ ટ્રાફિક જામના દ્રશ્યો સર્જાયા હતા. જેને કારણે જરૂરી કામ સાથે નીકળેલા લોકોને ભારે હાલાકીનો સામનો કરવો પડ્યો હતો, તો બ્રિજ તરફ બિનજરૂરી કામથી નીકળેલા લોકોને તંત્ર દ્વારા દંડ ફટકાવામાં આવ્યો હતો. 
May 5,2020, 12:25 PM IST
બાળકોને હાથમાં તેડી, બિસ્તરા-પોટલા ઉંચકી ગોધરા રેલવે સ્ટેશનથી પરપ્રાંતિયોઓ વતન જવા ન
Coronavirus
બાળકોને હાથમાં તેડી, બિસ્તરા-પોટલા ઉંચકી ગોધરા રેલવે સ્ટેશનથી પરપ્રાંતિયોઓ વતન જવા ન
હાલ સમગ્ર રાજ્યમાં વતન જવાની માંગ સાથે પરપ્રાંતિયો (migrants)એ હોબાળો મચાવ્યો છે અને કેટલીક જગ્યાએ તો હિંસાના બનાવો પણ બન્યા છે. ત્યારે પંચમહાલ (panchmahal) માં વસવાસ કરતા શ્રમિકો માટે જિલ્લા વહીવટી તંત્ર દ્વારા આયોજન સાથે 1200થી વધુ પરપ્રાંતિય શ્રમિકોને ખાસ શ્રમિક ટ્રેન મારફતે વતન પહોંચાડવામાં આવ્યા હતા.
May 5,2020, 10:03 AM IST
કોરોનાના વિસ્ફોટ પર બેસેલા અમદાવાદમાં રોજ નવા 250થી વધુ કેસ આવી રહ્યાં છે
Coronavirus
કોરોનાના વિસ્ફોટ પર બેસેલા અમદાવાદમાં રોજ નવા 250થી વધુ કેસ આવી રહ્યાં છે
લોકડાઉનના 42મા દિવસે પણ અમદાવાદ (Ahmedabad) માં કોરોનાનો કહેર યથાવત છે. કુલ કેસોની સંખ્યા 4 હજારને પાર થઈ ગઈ છે. જેમાં હાલ 3200થી વધુ એક્ટિવ પોઝિટિવ કેસ શહેરમાં છે. આમ, કોરોના (Coronavirus) ના વિસ્ફોટ પર બેસેલા અમદાવાદમાં દરરોજ 250 જેટલા કોરોનાના નવા પોઝિટિવ કેસો નોંધાઈ રહ્યાં છે. અમદાવાદ કોર્પોરેશને (AMC) જાહેર કરેલા આંકડાઓ મુજબ, અમદાવાદના સેન્ટ્રલ ઝોનમાંથી 79, સાઉથ ઝોનમાંથી 50, નોર્થ ઝોનમાંથી 43, ઈસ્ટ ઝોનમાંથી 27, વેસ્ટ ઝોનમાંથી 23, સાઉથ વેસ્ટ ઝોનમાં 15 અને નોર્થ વેસ્ટ ઝોનમાંથી 14 કોરોનાના કેસો નોંધાયા છે. શહેરમાં વધી રહેલા સંક્રમણને જોતા અમદાવાદના 48માંથી 10 વોર્ડનો રેડ ઝોનમાં સમાવેશ કરાયો છે. જેમાં જમાલપુર, ખાડિયા, દરિયાપુર, શાહપુર, અસારવા, દાણીલીમડા, બહેરામપુરા, મણિનગર, સરસપુર અને ગોમતીપુર વોર્ડનો રેડ ઝોનમાં સમાવેશ થાય છે. સેન્ટ્રલ ઝોનના 5, સાઉથ ઝોનના 3, નોર્થ ઝોનનો 1, ઈસ્ટ ઝોનનો 1 વોર્ડ હાલ રેડ ઝોનમાં સામેલ છે.
May 5,2020, 9:03 AM IST

Trending news