કેબિનેટ મંત્રી જવાહર ચાવડાના નિવેદનથી પત્રકાર જગતમાં ભારે રોષ જોવા મળી રહ્યો છે. આહિર સમાજના એક સંમેલનમાં જવાહર ચાવડાએ એવું નિવેદન આપ્યું હતું કે, પત્રકારોમાં સૌથી મોટો પ્રશ્ન હતો કે આ કોંગ્રેસમાંથી ભાજપમાં શું કામ ગયા, હજી પત્રકારો પુછે છે શેના માટે ગયા, તમને શું વાંધો હતો. મેં કીધું વાંધો તારા બાપને કાંઇ હતો જ નહીં અહીંયા. જવાહર ચાવડાના આ પ્રકારના નિવદેનને લઇને પત્રકારોમાં રોષ જોવા મળી રહ્યાં છે. ત્યારે એક કેબિનેટ મંત્રી તરીકે જવાહર ચાવડા દ્વારા આ પ્રકારનું નિવદેન આપતા સોશિયલ મીડિયામાં ટીકાઓ થઇ રહી છે.