ચીનના આકાશમાં અચાનક દેખાયા 7 સૂરજ, લોકો ચોંકી ગયા...જાણો એવું તે શું થયું

ચીનના ચેંગદુ શહેરમાં આકાશમાં '7 સૂરજ' જોવા મળ્યા. ચેંગદુના આકાશમાં આ આશ્ચર્યજનક અને રહસ્યમય કુદરતી ઘટના જોવા મળી. જેમાં શહેર એક કે બે નહીં પરંતુ સાત સાત સૂરજથી રોશન થયા. 18 ઓગસ્ટના રોજ લેવાયેલો આ વીડિયો ચીની સોશિયલ મીડિયા સાઈટ વીબો પર શેર કરાયો અને પછી દુનિયાભરમાં વાયરલ થઈ ગયો. આ વીડિયોમાં આકાશમાં 7 સૂરજ જોઈ શકાય છે. જેમાંથી એક વાદળો પાછળ છે અને બાકીના બધાની ચમક અને તીવ્રતા તથા રંગનું તાપમાન અલગ અલગ છે. એક મિનિટ સુધી લોકોને આકાશમાં આ નજારો જોવા મળ્યો. 

ડિમ સન ડેઈલી એચકેના એક રિપોર્ટ મુજબ આ વીડિયો ચેંગદુના એક સ્થાનિક રહીશે ઉતાર્યો. આ વ્યક્તિએ કહ્યું કે આકાશમાં આ રહસ્યમય દ્રશ્ય લગભગ એક મિનિટ સુધી જોવા મળ્યું. આ ઉપરાંત અનેક લોકોએ જોયું અને તેની તસવીરો પણ લીધી. સ્થાનિક લોકોમાં આ ઘટના ખુબ ચર્ચાનો વિષય બની. 

કેવી રીતે દેખાયા સાત સૂરજ
આકાશમાં એક કરતા વધુ સૂરજ કેવી રીતે જોવા મળે. જેના પર રિપોર્ટ કહે છે કે લાઈટ રિફ્લેક્શનમાં ઓપ્ટિકલ ઈલ્યુઝન આ ઘટનાનું કારણ બન્યું છે. આકાશમાં વધારાના છ સૂરજ આપણા સૂર્ય મંડળમાં કોઈ જાદુથી પ્રગટ થયા નથી પરંતુ આ  ઘટના લાઈટ રિફ્રેક્ટિંગ અને લેયર્ડ ગ્લાસથી રિફ્લેક્શનના કારણે થનારી એક સામાન્ય ઓપ્ટિકલ ભ્રમ સાથે જોડાયેલી છે. 

ડિમ સન ડેઈલી એકએ સિચુઆન સોસાયટી ફોર એસ્ટ્રોનોમી એમેચ્યોરના ઉપાધ્યક્ષ જેંગ યાંગ સાથે આ અંગે વાત કરી. તેમણે આ પ્રકારે એકથી વધુ સૂરજ દખાવવાની વાત પર કહ્યું કે કાંચની પ્રત્યેક પરત એક વધુ આભાસી છબી બનાવે છે. ક્યારેક ક્યારેક કાંચ એક જ ફલકની સાથે પણ આભાસી છબીઓની સંખ્યા દેખાવવાના આધાર પર અલગ અલગ કોણ પર અલગ હોઈ શકે છે. આ જ કારણ છે કે કેવા અનેક સૂર્ય એક 'સૂર્ય'થી બીજા સુધી સીધા અને ધૂંધળા જોવા મળે છે.