തിരുവനന്തപുരം: ഹിന്ദി ഭാഷയെ സംബന്ധിച്ചു നടക്കുന്ന വിവാദം തികച്ചും അനാവശ്യമെന്ന് മുതിര്ന്ന ബിജെപി നേതാവ് ഒ. രാജഗോപാല്.
ഹിന്ദി ദിനത്തിലെ അമിത് ഷായുടെ പരാമര്ശം വിവാദമാക്കാന് ഇതര രാഷ്ട്രീയ പാര്ട്ടികള് ശ്രമിക്കുകയാണെന്നും അദ്ദേഹം മാധ്യമങ്ങളോട് പറഞ്ഞു.
ബിജെപി ദേശീയ അദ്ധ്യക്ഷന് അമിത് ഷാ, ഹിന്ദി ഭാഷാ ദിനത്തില് നടത്തിയ ട്വീറ്റിനെതിരെ കേരളത്തില് പ്രതിഷേധം ശക്തമാകുന്നതിനിടെയാണ് രാജഗോപാല് രംഗത്തെത്തിയിരിക്കുന്നത്.
ഒരു രാജ്യം, ഒരു ഭാഷ വാദം മാതൃഭാഷയെ സ്നേഹിക്കുന്ന മനുഷ്യന്റെ ഹൃദയവികാരത്തിനു നേരെയുള്ള യുദ്ധപ്രഖ്യാപനമാണെന്ന് മുഖ്യമന്ത്രി പിണറായി വിജയന് പ്രതികരിച്ചിരുന്നു. ഭാഷയുടെ പേരില് സംഘപരിവാര് പുതിയ സംഘര്ഷ വേദി തുറക്കുകയാണെന്നും പിണറായി വിജയന് ആരോപിച്ചു.
ഭാഷാടിസ്ഥാനത്തില് രാജ്യത്തെ വിഭജിനാണ് ബിജെപി ശ്രമിക്കുന്നതെന്ന് പ്രതിപക്ഷ നേതാവ് രമേശ് ചെന്നിത്തലയും പറഞ്ഞു.