Bus Accident: തലപ്പാറയിൽ KSRTC ബസ് താഴ്ചയിലേക്ക് മറിഞ്ഞ് അപകടം; നിരവധി പേർക്ക് പരിക്ക്

Accident In Malappuram: സർവീസ്‌ റോഡിലൂടെ പോകുകയായിരുന്ന ബസ്‌ പത്തടിയിലേറെയുള്ള താഴ്ചയിലേക്ക് മറിയുകയാണ് ഉണ്ടായത്. പരിക്കേറ്റവരെ തിരൂരങ്ങാടി താലൂക്ക്‌ ആശുപത്രിയിൽ പ്രവേശിപ്പിച്ചിട്ടുണ്ട്.

മലപ്പുറം: തലപ്പാറയിൽ കെഎസ്‌ആർടിസി ബസ്‌ താഴ്ചയിലേക്ക്‌ മറിഞ്ഞ്‌ 20 ലേറെ പേർക്ക്‌ പരിക്കേറ്റതായി റിപ്പോർട്ട്. വെള്ളിയാഴ്ച രാത്രി 11 മണിയോടെ മലപ്പുറത്തായിരുന്നു അപകടം. അപകടത്തിൽ പെട്ടത് കോഴിക്കോട്‌ ഭാഗത്തുനിന്നും എറണാകുളത്തേക്ക്‌ പോകുകയായിരുന്ന ബസാണ്‌.

സർവീസ്‌ റോഡിലൂടെ പോകുകയായിരുന്ന ബസ്‌ പത്തടിയിലേറെയുള്ള താഴ്ചയിലേക്ക് മറിയുകയാണ് ഉണ്ടായത്. പരിക്കേറ്റവരെ തിരൂരങ്ങാടി താലൂക്ക്‌ ആശുപത്രിയിൽ പ്രവേശിപ്പിച്ചിട്ടുണ്ട്. ഇവരുടെ പരിക്കുകൾ ​ഗുരുതരമല്ലെന്നാണ് വിവരം. ബസ്‌ അമിതവേഗത്തിലായിരുന്നെന്നാണ് യാത്രക്കാർ പറയുന്നത് . പിറകിൽ വന്ന ബസ്സിലെ യാത്രക്കാരുടേയും നാട്ടുകാരുടേയും നേതൃത്വത്തിലായിരുന്നു രക്ഷാപ്രവർത്തനം നടന്നത്.