Narendra Modi: മിഷൻ കേരളം; പ്രധാനമന്ത്രി കൊച്ചിയിലെത്തി

കൊച്ചി: ദ്വിദിന സന്ദര്‍ശനത്തിന്റെ ഭാഗമായി പ്രധാനമന്ത്രി നരേന്ദ്ര മോദി കൊച്ചിയില്‍ എത്തി. നെടുമ്പാശേരി വിമാനത്താവളത്തില്‍ എത്തിയ പ്രധാനമന്ത്രിയ്ക്ക് വമ്പൻ സ്വീകരണമാണ് ലഭിച്ചത്. പ്രധാനമന്ത്രിയ്ക്ക് അഭിവാദ്യമര്‍പ്പിക്കാന്‍ പ്രവര്‍ത്തകരുടെ നീണ്ട നിര തന്നെ കൊച്ചിയിലുണ്ട്. പ്രധാനമന്ത്രിയുടെ സന്ദർശനവുമായി ബന്ധപ്പെട്ട് കൊച്ചിയിൽ കനത്ത സുരക്ഷയാണ് ഏർപ്പെടുത്തിയിരിക്കുന്നത്. 

ഇന്ന് രാത്രി 8 മണിയോടെ കൊച്ചിയില്‍ പ്രധാനമന്ത്രി റോഡ് ഷോ നടത്തും. കെപിസിസി ജംഗ്ഷന്‍ മുതല്‍ ഗസ്റ്റ് ഹൗസ് വരെ ഒന്നേകാല്‍ കിലോ മീറ്ററോളമാണ് റോഡ് ഷോ. റോഡ് ഷോ പൂർത്തിയാക്കിയ ശേഷം പ്രധാനമന്ത്രി ഇന്ന് ഗസ്റ്റ് ഹൌസിൽ തങ്ങും. തുടർന്ന് നാളെ രാവിലെ അദ്ദേഹം സുരേഷ് ഗോപിയുടെ മകളുടെ വിവാഹ ചടങ്ങിൽ പങ്കെടുക്കാനായി ഗുരുവായൂരിലേയ്ക്ക് പോകും. 

ALSO READ: പ്രധാനമന്ത്രി നരേന്ദ്ര മോദി നാളെ ഗുരുവായൂരിൽ; ഒരുക്കങ്ങൾ പൂർത്തിയായി

ഗുരുവായൂര്‍ ശ്രീകൃഷ്ണ കോളേജ് ഹെലിപാഡില്‍ ഇറങ്ങുന്ന പ്രധാനമന്ത്രി ഭരണകൂടത്തിന്റെ ഔദ്യോഗിക സ്വീകരണവും ബി.ജെ.പി.നേതാക്കളുടെ വരവേല്‍പ്പും കഴിഞ്ഞ് 7.30 ന് ഗുരുവായൂര്‍ ശ്രീവത്സം ഗസ്റ്റ് ഹൗസില്‍ എത്തും. 7.40ന് അദ്ദേഹം ഗുരുവായൂർ ക്ഷേത്രത്തിലേക്ക് എത്തും. ദർശനം നടത്തിയ ശേഷം വിവാഹ ചടങ്ങിൽ പങ്കെടുക്കും. വിവാഹം കഴിഞ്ഞ് ഒമ്പതിന് മോദി തൃപ്രയാര്‍ ക്ഷേത്രത്തിലേയ്ക്ക് പോകും. പിന്നീട് കൊച്ചയിലേക്ക് മടങ്ങും. ഉച്ചയ്ക്ക് പന്ത്രണ്ടോടെ ഷിപ് യാര്‍ഡിലെ പരിപാടിയില്‍ പങ്കെടുത്ത ശേഷം ഒന്നരയ്ക്ക് മറൈന്‍ ഡ്രൈവില്‍ ബിജെപി പ്രവര്‍ത്തകരുടെ സമ്മേളനത്തില്‍ പ്രധാനമന്ത്രി പ്രസംഗിക്കും.

ഏറ്റവും പുതിയ വാർത്തകൾ ഇനി നിങ്ങളുടെ കൈകളിലേക്ക്... മലയാളത്തിന് പുറമെ ഹിന്ദി, തമിഴ്, തെലുങ്ക്, കന്നഡ ഭാഷകളില്‍ വാര്‍ത്തകള്‍ ലഭ്യമാണ്. ZEE MALAYALAM App ഡൗൺലോഡ് ചെയ്യുന്നതിന് താഴെ കാണുന്ന ലിങ്കിൽ ക്ലിക്കു ചെയ്യൂ...ios Link - https://apple.co/3hEw2hy 

ഞങ്ങളുടെ സോഷ്യൽ മീഡിയ പേജുകൾ സബ്‌സ്‌ക്രൈബ് ചെയ്യാൻ X (Twitter), Facebook ലിങ്കുകളിൽ ക്ലിക്കുചെയ്യുക. ഏറ്റവും പുതിയ വാര്‍ത്തകൾക്കും വിശേഷങ്ങൾക്കുമായി സീ മലയാളം ന്യൂസ് ടെലഗ്രാം ചാനല്‍ സബ്‌സ്‌ക്രൈബ് ചെയ്യൂ. അപ്ഡേറ്റുകൾ അറിയാൻ സീ മലയാളം ന്യൂസ് വാട്സാപ്പ് ചാനൽ സബ്‌സ്‌ക്രൈബ് ചെയ്യൂ.