मुहूर्त ठरला ! या दिवशी Farhan Akhtar गर्लफ्रेंडसोबत अडकणार विवाहबंधनात

मुंबई : बॉलिवूड अभिनेता फरहान अख्तर गर्लफ्रेंड शिबानी दांडेकरसोबत सात फेरे घेण्याच्या तयारीत व्यस्त आहे. दोघेही गेल्या चार वर्षांपासून रिलेशनशिपमध्ये आहेत. आता दोघंही आपलं नातं दुसऱ्या टप्प्यावर नेण्याचा विचार करत आहेत.

वृत्तानुसार, 21 फेब्रुवारीला रजिस्टर लग्न करणार असल्याचं बोललं जात आहे. त्यांचा लग्न सोहळा मार्च महिन्यात होणार आहे. फरहान आणि शिबानी हे दोघेही बॉलिवूड इंडस्ट्रीचे लाडके जोडपे मानले जातात.

या जोडप्याच्या जवळच्या सूत्राने सांगितले की दोघेही लग्नासाठी तयार आहेत. दोघेही काही दिवसांपासून लग्नाबाबत एकमेकांशी बोलत होते. 21 फेब्रुवारीला त्यांच्या नात्याला नवे वळण मिळणार आहे. दोघेही एकमेकांसोबत सात फेरे घेतील. फरहान आणि शिबानी दोघेही अनेकदा सार्वजनिक ठिकाणी एकत्र स्पॉट झाले आहेत.

कोरोनाचा वाढता धोका आणि बॉलीवूडमधील अनेक सेलिब्रिटींना कोरोनाचा फटका बसत असल्याचे पाहून फरहान आणि शिबानीने आपले वैवाहिक जीवन जवळीक ठेवण्याचा निर्णय घेतला आहे.

फरहान आणि शिबानीने आता जवळचे नातेवाईक आणि कुटुंबीयांच्या उपस्थितीत लग्न करण्याचा निर्णय घेतला आहे. शिबानी आणि फरहानने लग्नासाठी एक 5 स्टार हॉटेल देखील बुक केले आहे.

रिपोर्टमध्ये सांगण्यात आले आहे की शिबानी आणि फरहान देखील इतर सेलिब्रिटी कपल्सप्रमाणे सब्याचसीचे डिझायनर आउटफिट घालतील. तिने लग्नासाठी पेस्टल रंगाचे पोशाख निवडले आहेत. लवकरच फरहान अख्तर 'जी ले जरा' या चित्रपटाद्वारे दिग्दर्शनात पदार्पण करणार आहे.

View this post on Instagram

या चित्रपटात प्रियांका चोप्रा, आलिया भट्ट आणि कतरिना कैफ मुख्य भूमिकेत दिसणार आहेत. या चित्रपटाचे शूटिंग 2022 च्या उत्तरार्धात सुरू होणार आहे. तो पुढील वर्षी प्रदर्शित होईल.