सुर्यवंशी सिनेमातील मोठी चुक एका IPSने पकडली, उत्तर देत अक्षय कुमार म्हणाला...

मुंबई : रोहित शेट्टी दिग्दर्शित सूर्यवंशी हा चित्रपट या वर्षाच्या अखेरीस प्रदर्शित होणार आहे. अक्षय कुमारने चित्रपटाच्या प्रदर्शनाची तारीख एका फोटोसह शेअर केले आहे, या फोटोत त्या चित्रपटाचा दिग्दर्शक आणि त्या चित्रपटाशी संबंधीत तीन स्टार पोलीस तुम्ही पाहू शकता. यामध्ये दिग्दर्शक रोहित शेट्टीसह 'सूर्यवंशी' अक्षय, 'सिंघम' अजय देवगण आणि 'सिंबा' रणवीर सिंह या सगळ्यांनी सोशल मीडियावर लक्ष वेधून घेतले आहे. त्याचवेळी, आयपीएस अधिकारी आर के विज यांनी या फोटोतील मोठी चूक समोर आणली आहे, त्यानंतर अक्षय कुमारनेही आयपीएसच्या या मुद्दयावरती उत्तर दिले.

आगामी ऍक्शन-पॅक ड्रामाच्या रिलीज डेटबद्दल बोलताना, अक्षय कुमारने त्याच्या सोशल मीडिया हँडलवर सह कलाकार आणि चित्रपटाच्या दिग्दर्शकासह एक फोटो शेअर केला. तीन अभिनेते पोलीस गणवेशात होते, रणवीर सिंग एका डेस्कवर बसला होते आणि अजय देवगण, अक्षय कुमार आणि रोहित शेट्टी त्यांच्या शेजारी उभा होता.

जेव्हा वरिष्ठ आयपीएस अधिकारी आर के विज यांनी हे चित्र पाहिले तेव्हा त्यांनी प्रतिक्रिया व्यक्त केली की, हे कायद्याची अंमलबजावणी करणाऱ्या संस्थेच्या सन्मानाशी ते जुळत नाही. हरियाणाच्या एसएसपी डीजीपीने ट्वीट केले, "इन्स्पेक्टर साहेब बसले आहेत आणि एसपी साहेब उभे आहेत, ऐसी नहीं होता है."

त्यानंतर यावर अक्षय कुमारने स्पष्ट केले की, हा फक्त पडद्यामागील फोटो आहे आणि चित्रपटाचे शूटिंग करताना नियम आणि प्रोटोकॉलचे पालन करण्याबाबत ते अत्यंत काळजी घेत आहेत. अभिनेत्याने पुढे लिहिले की, "आमच्या महान पोलीस दलांना विनम्र, आशा आहे की चित्रपट पाहताना तुम्हाला आवडेल."

अक्षयच्या ट्विटनंतर, आयपीएस अधिकाऱ्याने रिट्विट केले आणि सांगितले की त्यांनी "हलक्या मनाने" म्हणजेच मस्करीत असे म्हटले आहे. तसेच त्यांनी अक्षय कुमारने त्यांना दिलेल्या प्रतिक्रियेचे कौतुक केले आहे. पुढे पोलिस अधिकारी म्हणाले, "मी निश्चितपणे हा चित्रपट पाहिन."