लग्नाच्या बातम्यांदरम्यान कतरिना कैफकडून हा फोटो शेअर, चर्चा एकच

मुंबई : सध्या सोशल मीडियावर कतरिना कैफ आणि विकी कौशल यांच्या लग्नाच्या बातम्या मोठ्या प्रमाणात व्हायरल होत आहेत. सोशल मीडियावर दोघांच्या जोडीचा बोलबाला आहे. दरम्यान, कतरिना कैफने नुकताच तिच्या अधिकृत इंस्टाग्राम अकाउंटवर साडीतील एक फोटो शेअर केला आहे. आता या फोटोंवर चाहत्यांच्या तीव्र प्रतिक्रिया पाहायला मिळत आहेत. एक चाहता तिला तिच्या लग्नाची तारीख विचारत आहे, तर दुसरा चाहता तिच्या लूकचं कौतुक करताना दिसत आहे.

कतरिना कैफने फोटो शेअर केले आहेत
कतरिना कैफने नुकतेच तिच्या इंस्टाग्रामवर साडीतील फोटो शेअर केले आहेत. लाइट पिंक कलरच्या फ्लोरल नेट साडीमध्ये कॅटचा लूक पाहण्यासारखा आहे. त्याचबरोबर खुले केस आणि न्यूड मेकअप तिच्या सौंदर्यात भर घालत आहेत.

View this post on Instagram

चाहत्यांच्या हृदयावर राज्य करणाऱ्या कतरिनाचा हा लूक पाहून चाहते जोरदार कमेंट करत आहेत. यावर एका यूजरने कमेंट करत लिहिलंय की, तुम्ही लग्नासाठी तयार आहात का? त्याचवेळी, आणखी एक युजर्स म्हणाला, लग्नानंतर कुठे जाण्याचा प्लॅन आहे. कतरिना आणि विकीच्या लग्नाची चाहत्यांमध्ये खूप उत्सुकता आहे.