राम चरणच्या 'गेम चेंजर'चा ढासू टीझर रिलीज, कियारा अडवाणी हटके भूमिकेत, तुम्ही पाहिला का?

Ram Charan : साउथचा सुपरस्टार अभिनेता राम चरण आणि कियारा अडवाणी यांचा बहुप्रतिक्षित चित्रपट 'गेम चेंजर'चा टीझर रिलीज झाला आहे. हा टीझर 1 मिनिट 31 सेकंदाचा आहे. यामध्ये जबरदस्त अॅक्शन सीन्स दाखवण्यात आले आहेत. त्यासोबतच वेगवेगळ्या लोकेशन्सची झलक देखील दाखवण्यात आली आहे. 'गेम चेंजर' राम चरण हा ती वेगवेगळ्या भूमिकेत दिसणार आहे. तर कियारा अडवाणी ही हटके भूमिकेत दिसणार आहे. 

सध्या सोशल मीडियावर 'गेम चेंजर' चित्रपटाच्या टीझरची जोरदार चर्चा सुरु आहे. कारण 3 वर्षांच्या प्रतीक्षेनंतर या चित्रपटाचा टीझर रिलीज झाला आहे. या टीझरने प्रेक्षकांची चित्रपटाबद्दलची उत्सुकता आणखी वाढवली आहे. 

'गेम चेंजर'चा टीझर रिलीज

'गेम चेंजर'च्या टीझरमध्ये अभिनेता राम चरण हा दमदार अॅक्शनमध्ये दिसत आहे. त्याला पाहून त्याचे चाहते देखील प्रचंड खूश झाले आहेत. या चित्रपटात राम चरणसोबत कियारा अडवाणी देखील दिसणार आहे. तिच्या हटके भूमिकेने सर्वांचे लक्ष वेधून घेतले आहे. टीझरमध्ये कियाराचे पात्र मनोरंजक वाटत आहे. त्यासोबत बॉलिवूड आणि दाक्षिणात्य जोडीला पाहण्यासाठी चाहते देखील प्रचंड उत्सुक झाले आहेत. सोशल मीडियावर 'गेम चेंजर'च्या टीझर व्हायरल होत आहे. तसेच हा टीझर पाहून चाहते राम चरणचं कौतुक देखील करत आहेत. 

'गेम चेंजर' या दिवशी होणार प्रदर्शित 

RRR चित्रपटानंतर राम चरणचा आगामी चित्रपटाची चाहते गेल्या अनेक दिवसांपासून वाट पाहत होते. अशाचत राम चरण आणि कियारा अडवाणी यांच्या 'गेम चेंजर' चित्रपटाचा टीझर रिलीज झाला आहे. टीझरने चाहत्यांची चित्रपटाबद्दलची उत्सुकता आणखी वाढवली आहे. हा चित्रपट 10 जानेवारी 2025 रोजी सर्वत्र थिएटरमध्ये प्रदर्शित होणार आहे. या दिवशी मकर संक्रांतीचा खास मुहूर्त आहे. त्यामुळे पुन्हा एकदा राम चरण प्रेक्षकांच्या मनावर राज्य करण्यासाठी तयार झाला आहे.