नागा चैतन्य करतोय या अभिनेत्रीला डेट? समोर आलेल्या फोटोमुळे चर्चेला उधाण

मुंबई  : अभिनेत्री सामंथा रुथ प्रभू ही टॉलिवूडची प्रसिद्ध अभिनेत्री आहे. कायमच सामंथा तिच्या पर्सनल आयुष्यामुळे चर्चेत असते. नागा आणि सामंथाची जोडी सिनेसृष्टीतील सगळ्यात लोकप्रिय जोडीपैकी एक होती. मात्र समंथा रुथ प्रभूपासून विभक्त झाल्यानंतर नागा चैतन्य आयुष्यात पुढे गेला आहे. अभिनेत्री शोभिता धुलिपालासोबतच्या त्याच्या डेटिंगच्या बातम्या गेल्या काही दिवसांपासून चर्चेत आहेत. दरम्यान, नागा चैतन्य आणि शोभिता धुलिपाला यांचा एकत्र फोटो व्हायरल होत आहे. वृत्तांवर विश्वास ठेवायचा झाला तर नागा चैतन्य आणि शोभिता धुलिपाला युरोपमध्ये सुट्टी घालवत आहेत. 

अद्यापतरी शोभिता धुलिपाला आणि नागाने त्यांच्या नात्याबद्दल अधिकृतपणे काहीही सांगितलं नसलं तरी, नुकतेच हे दोघं परदेशात सुट्टी घालवण्यासाठी गेले होते. ज्याचचे फोटो सध्या सोशल मीडियावर व्हायरल होत आहेत.  समोर आलेल्या फोटोमुळे या दोघांच्या डेटींगच्या बातम्यांना आणखी उधाण आलं आहे.

Naga Chaitanya and Sobhita spotted in Europe at a wine tasting few days ago 
byu/Eternal-Wisdom-9999 inBollyBlindsNGossip

शोभिता धुलिपाला-नागा चैतन्यचा नवा फोटो व्हायरल 
व्हायरल होत असलेल्या शोभिता धुलिपाला किंवा नागा चैतन्यच्या ताज्या फोटोमध्ये ते दोघेही युरोपमध्ये वाईन टेस्टिंग सेशनचा आनंद घेताना दिसत आहेत.  सोशल मीडियावर व्हायरल झालेल्या या या फोटोवर चाहतेही जोरदार कमेंट करत आहेत.  

2021 मध्ये नागा चैतन्य त्याची पत्नी समंथा रुथ प्रभूपासून विभक्त झाल्यानंतर, शोभिता धुलिपालाला डेट करत असल्याच्या अफवा पसरल्या होत्या. नागा चैतन्य आणि समंथा रुथ प्रभू यांनी दोन वर्षांहून अधिक काळ डेट केल्यानंतर 2017 मध्ये लग्न केलं. मात्र 2021 मध्ये दोघांनी वेगळे होण्याची घोषणा करुन त्यांच्या चाहत्यांना धक्का दिला. नोव्हेंबर २०२२ मध्ये शेफ सुरेंद्र मोहनसोबत नागा चैतन्यचा फोटो समोर आला होता. हा फोटो लंडनमध्ये काढण्यात आल्याचे सांगण्यात येत आहे. या फोटोमध्ये बॅकग्राउंडमध्ये एक महिला बसली होती, जिला चाहत्यांनी शोभिता धुलीपाला म्हटले होते.