दाक्षिणात्य सुपरस्टार थलैवा रजनीकांत यांच्यासह सेटवरील ८ जणांना कोरोना

कोरोनाच्या वाढत्या फैलावामुळे सध्या सर्वत्र भीतीचं वातावरण आहे. कित्येक महिन्यांपासून देशावर असलेलं

Updated: Dec 24, 2020, 11:20 PM IST
दाक्षिणात्य सुपरस्टार थलैवा रजनीकांत यांच्यासह सेटवरील ८ जणांना कोरोना title=

मुंबई : कोरोनाच्या वाढत्या फैलावामुळे सध्या सर्वत्र भीतीचं वातावरण आहे. कित्येक महिन्यांपासून देशावर असलेलं कोरोनाचं संकट अद्यापही टळलेलं नाही. दरम्यान दाक्षिणात्य सुपरस्टार थलैवा रजनीकांत यांच्या अन्नाथे या चित्रपटाच्या सेटवर ८ जणांना कोरोनाचा संसर्ग झाल्याचं समोर आलं आहे. त्याचसोबत आता रजनीकांतदेखील क्वारंटाइन झाल्याचं सांगण्यात येत आहे.

हैदराबाद येथील रामोजी फिल्मसिटीमध्ये १४ डिसेंबरपासून हे चित्रीकरण सुरु होतं. मात्र, सेटवर ८ जण करोना पॉझिटिव्ह आढळल्यानंतर हे चित्रीकरण थांबवण्यात आलं आहे.

“चित्रपटाच्या सेटवर उपस्थित लोकांपैकी ८ जणांना कोरोनाची लागण झाली आहे. त्यामुळे हे चित्रीकरण थांबवण्यात आलं आहे. तसंच रजनीकांत हे हैदराबादमध्ये क्वारंटाइन होतील किंवा चेन्नईलादेखील परत येऊ शकतात”, असं रजनीकांत यांचे प्रवक्ते रियाज अहमद यांनी सांगितलंय.