Box Office Collection Day 3 : तिसऱ्या दिवशी '83'ची सर्वाधिक कमाई, आकड्यात वेगाने वाढ

मुंबई : सध्या चित्रपटगृहांमध्ये एकापाठोपाठ एक बिग बजेट चित्रपट प्रदर्शित होत आहेत. 'स्पायडरमॅन' आणि 'पुष्पा द राइज'नंतर आता रणवीर सिंगचा '83' हा मोठा चित्रपट 24 डिसेंबरला थिएटरमध्ये रिलीज झाला आहे. चित्रपटातील कलाकारांचे सर्वांनीच कौतुक केले, मात्र चित्रपटाची सुरुवात फारशी खास झाली नाही.

हा चित्रपट 1983 च्या क्रिकेट विश्वचषकात भारताच्या विजयावर आधारित आहे. चित्रपट पाहिल्यानंतर प्रेक्षकांच्या नजरा आता चित्रपटाच्या कलेक्शनकडे लागल्या आहेत.  83 चे बजेट 270 कोटी रुपये असल्याचे सांगितले जात आहे.

तिसऱ्या दिवशी मोठी कमाई 

83 चित्रपटाच्या ओपनिंगबद्दल बोलायचे झाले तर पहिल्या दिवशी या चित्रपटाने 12.64 कोटींची कमाई केली होती. दुसरीकडे, चित्रपटाच्या दुसऱ्या दिवसाच्या कलेक्शनबद्दल सांगायचे तर, 83 ने शनिवारी 16.95 कोटींचा व्यवसाय केला.

त्याचवेळी या चित्रपटाच्या तिसर्‍या कलेक्शनची प्रेक्षकांमध्ये उत्सुकता आहे. वीकेंडला या चित्रपटाने 17 कोटींचा व्यवसाय केल्याचा अंदाज वर्तवला जात आहे. म्हणजेच चित्रपटाची एकूण कमाई 46.59 कोटी रुपये आहे. हा आलेख पाहता हा चित्रपट वेग पकडेल असा अंदाज वर्तवला जात आहे.

चित्रपटातील मुख्य पात्र 

रणवीर सिंग आणि दीपिका पादुकोणचा '83' हा चित्रपट 1983 च्या विश्वचषकातील भारताच्या विजय गाथेवर आधारित आहे. येत्या 24 डिसेंबरला हा चित्रपट मोठ्या पडद्यावर प्रदर्शित होणार आहे.

या चित्रपटात रणवीर सिंग कपिल देव यांच्या भूमिकेत दिसणार असून दीपिका पादुकोण कपिल देव यांच्या पत्नी रोमीच्या भूमिकेत दिसणार आहे. याशिवाय चिराग पाटील, दिनकर शर्मा, साहिल खट्टर यांसारखे इतर कलाकारही महत्त्वाच्या भूमिकेत दिसले.