अखेर सत्य समोर : रश्मिका पडली या व्यक्तीच्या प्रेमात, सगळ्यांसमोर दिली प्रेमाची कबुली

मुंबई : अभिनेत्री रश्मिका मंदान्ना सतत कोणत्या ना कोणत्या कारणामुळे चर्चेत असते. नुकत्याच प्रदर्शित झालेल्या 'पुष्पा' या चित्रपटात रश्मिका मुख्य भूमिकेत दिसली होती. या चित्रपटाला प्रेक्षकांचा उदंड प्रतिसाद मिळाला असून या चित्रपटाने बॉक्स ऑफिसवर 300 कोटींहून अधिक कमाईही केली आहे. मात्र, मीडिया रिपोर्ट्सनुसार, रश्मिका सध्या अभिनेता विजय देवरकोंडासोबतच्या नात्यामुळे चर्चेत आहे.

साऊथ स्टार विजय देवरकोंडा आणि नॅशनल क्रश रश्मिका मंदान्ना हे सध्या चर्चेचा भाग आहेत. दोघंही प्रोफेशनल लाईफमुळे नव्हे तर वैयक्तिक आयुष्याबाबत चर्चेचा भाग ठरले आहेत. रिपोर्ट्सनुसार दोघंही एकमेकांना डेट करत आहेत.

प्रोफेशनल लाईफप्रमाणेच साऊथ मधील अभिनेता विजय देवरकोंडा त्याच्या वैयक्तिक आयुष्यासाठी नेहमी चर्चेत असतो. लाखो मुली या अभिनेत्यावर फिदा आहेत मात्र त्याचं नाव रश्मिका मंदान्नासोबत जोडलं गेलं आहे. अनेक दिवसांपासून हे कपल एकमेकांना डेट करत असल्याचा दावा केला जात आहे. 

रश्मिका आणि विजय देवरकोंडा यांच्या नात्याच्या बातम्या बऱ्याच दिवसांपासून समोर येत आहेत. या अंदाजांमध्ये रश्मिकाचा एक व्हिडिओ सोशल मीडियावर मोठ्या प्रमाणात व्हायरल होत आहे. या व्हिडिओमध्ये ती कोणाला तरी प्रपोज करताना दिसत आहे.

खरंतर अभिनेत्रीचा एक व्हिडिओ व्हायरल होत आहे. या व्हिडिओमध्ये तिचा एक चाहता अभिनेत्रीला विचारतो की, तेलुगुमध्ये मुलीला प्रपोज कसं करायचं? हा प्रश्न ऐकून अभिनेत्री हसू लागते. यानंतर ती तिच्या फॅनला विचारते आये हाय… क्या बात है… कुणी आहे का? यानंतर रश्मिका तिच्या चाहत्याला तेलुगू भाषेत प्रपोज करायला शिकवते. ती तेलुगुमध्ये काही शब्द बोलते. यावर तिचा चाहता तुला तेच म्हणतो आणि रश्मिका स्माईल देते.

वर्क फ्रंटबद्दल बोलायचं झालं तर, विजय देवरकोंडा शेवटचा 'लिगर' चित्रपटात दिसला होता. या चित्रपटात त्याच्यासोबत अनन्या पांडे दिसली होती. हा चित्रपट करण जोहरच्या प्रोडक्शन हाऊस अंतर्गत तयार करण्यात आला होता पण बॉक्स ऑफिसवर हा चित्रपट  फ्लॉप झाला. त्याचबरोबर रश्मिकाने 'गुडबाय' या चित्रपटातून बॉलिवूडमध्ये पदार्पण केलं आहे.

अभिनेत्रीच्या कामाबद्दल सांगायचे तर नुकताच तिचा मिशन मजनू हा चित्रपट प्रदर्शित झाला. OTT प्लॅटफॉर्म Netflix वर हा चित्रपट पाहता येईल. मिशन मजनूमध्ये अभिनेत्रीसोबत सिद्धार्थ मल्होत्रा ​​मुख्य भूमिकेत दिसला होता. चित्रपटाचे दिग्दर्शन शंतनू बागची यांनी केलं आहे. रश्मिका लवकरच रणबीर कपूरसोबत अॅनिमल या चित्रपटात दिसणार आहे.