स्वागत नही करोगे! 'या' दिवशी पाहता येणार सलमानची 'दबंग'गिरी
चुलबुल पांडे येतोय प्रेक्षकांच्या भेटीला...
)
मुंबई : सलमान खानच्या 'दबंग ३' या आगामी चित्रपटाच्या प्रदर्शनाबाबत चाहत्यांमध्ये कमालीची उत्सुकता आहे. अखेर खुद्द सलमाननेच 'दबंग ३'च्या तारखेबाबत खुलासा केला आहे. सलमानचा 'दबंग ३' ख्रिसमसच्या दिवशी प्रदर्शित होणार असल्याचं बोललं जात होतं. परंतु याच्या प्रदर्शनाची तारिख निश्चित करण्यात आली नव्हती. आता सलमानने येत्या २० डिसेंबरला चित्रपट प्रदर्शित होणार असल्याचं सांगितलं आहे. आतापर्यंत केवळ हिंदी भाषेत प्रदर्शित होणारा हा चित्रपट आता चार भाषांमध्ये प्रदर्शित होणार आहे.
'दबंग ३'चं दिग्दर्शन प्रभूदेवा यांनी केलं आहे. तर सलमान खान आणि अरबाज खान प्रोडक्शन हाउस 'दबंग ३'ची निर्मिती करत आहेत. 'दबंग ३' २०१२ मध्ये आलेल्या 'दबंग' चित्रपटाचा सिक्वल आहे. 'दबंग ३' हिंदीसह तेलुगू, तमिळ आणि कन्नड भाषेमध्येही प्रदर्शित होणार आहे.
सलमानने बुधवारी दिग्दर्शक प्रभूदेवा यांच्यासह एक फोटो शेअर करत, चुलबुल पांडे २० डिसेंबरला प्रेक्षकांच्या भेटीला येणार असल्याचं सांगितलं.
Chulbul Pandey coming to you on 20th Dec in hindi, kannada, tamil and telugu! #Dabangg3 @arbaazSkhan @sonakshisinha @saieemmanjrekar @PDdancing @KicchaSudeep @nikhil_dwivedi @SKFilmsOfficial @saffronbrdmedia @kjr_studios @SureshProdns #GlobalCinemasLLP @AChowksey pic.twitter.com/LHJ68DWEUd
— Salman Khan (@BeingSalmanKhan) August 21, 2019
'दबंग ३'मध्ये सलमानसोबत पुन्हा एकदा 'रज्जो'च्या रुपात सोनाक्षी सिन्हा भूमिका साकारणार आहे. याशिवाय चित्रपटातून अरबाज खान, माही गिल, पंकज त्रिपाठी, महेश मांजरेकर, मौनी रॉय, वारिना हुसैनदेखील प्रेक्षकांच्या भेटीला येणार आहे.
अभिनेते आणि निर्माते महेश मांजरेकर यांची मुलगी सई या चित्रपटातून बॉलिवूडमध्ये पदार्पण करत आहे.
आता 'दबंग'प्रमाणेच 'दबंग ३' प्रेक्षकांच्या पसंतीस उतरणार का? हे पाहणं महत्त्वाचं ठरणार आहे.