गुडन्यूज....! कतरिना आणि विकी कौशलच्या चाहत्यांसाठी आनंदाची बातमी

मुंबई : बॉलिवूडमधील सर्वात प्रेमळ जोडपं विकी कौशल आणि कतरिना कैफ अनेकदा चर्चेत असतात. गेल्या वर्षी डिसेंबरमध्ये दोघांचं लग्न झालं. तेव्हापासून दोघंही अनेकदा एकत्र स्पॉट झाले आहेत. मात्र, खऱ्या आयुष्यात एकत्र आल्यानंतर चाहते या दोघांना ऑनस्क्रीन एकत्र पाहण्याची वाट पाहत होते. आता चाहत्यांची प्रतीक्षा संपली आहे.

अलीकडेच या जोडप्याचे काही फोटो सोशल मीडियावर व्हायरल होत आहेत. ज्यामध्ये दोघंही पहिल्यांदा एकत्र स्क्रीन शेअर करताना दिसणार आहेत. विकी आणि कतरिना आता एका प्रोजेक्टसाठी एकत्र आले आहेत. ज्याचे फोटो सोशल मीडियावर प्रचंड व्हायरल होत आहेत. दोघंही कोणत्याही चित्रपटासाठी नव्हे तर एका जाहिरातीसाठी एकत्र आले असले तरी, ज्यांचे फोटोशूटचे फोटो सोशल मीडियावर व्हायरल होत आहेत.

चाहत्यांनी भरभरून प्रेम केलं
सोशल मीडियावर शेअर केलेल्या फोटोंमध्ये हे कपल एकमेकांसोबत वेगवेगळ्या पोज देताना दिसत आहे. या दोघांना ऑनस्क्रीन एकत्र पाहण्यासाठी चाहते खूपच उत्सुक झाले आहेत. या जोडप्याच्या फोटोंच्या कमेंट सेक्शनमध्ये एका युजरने लिहिलं आहे की, 'एका सेकंदासाठी मला वाटलं की हे फोटो संपादित केले गेले आहे, अरे देवा हे दोघं एकत्र खूप छान दिसत आहेत', तर दुसर्‍या युजर्सने लिहिलं आहे की, 'आशा आहे की, तुम्हाला एकत्र चित्रपटात पाहण्यासाठी.' याशिवाय इतर अनेक यूजर्सनी या जोडप्याच्या फोटोंवर हार्ट इमोजी शेअर केले आहेत.

या जोडप्याच्या वर्क फ्रंटबद्दल बोलायचं झालं तर, सध्या कतरिना तिच्या आगामी 'फोन भूत' चित्रपटाच्या प्रमोशनमध्ये व्यस्त आहे. या चित्रपटात ती अभिनेत्री सिद्धांत चतुर्वेदी आणि ईशान खट्टरसोबत दिसणार आहे. याशिवाय प्रियांका चोप्रा आणि आलिया भट्टसोबत फरहान अख्तरचा 'जी ले जरा' देखील अभिनेत्रीच्या आगामी चित्रपटांच्या यादीत आहे.

दुसरीकडे, विकी कौशल लवकरच मेघना गुलजारच्या 'साम बहादूर' आणि विजय कृष्ण आचार्यच्या 'द ग्रेट इंडियन फॅमिली' या चित्रपटात दिसणार आहे. याशिवाय शशांक खेतानचा 'गोविंदा नाम मेरा' हा सिनेमाही त्याच्या पाइपलाइनमध्ये आहे. या चित्रपटात बॉलिवूड अभिनेत्री भूमी पेडणेकर आणि कियारा अडवाणी मुख्य भूमिकेत दिसणार आहेत.