10 Myths: पालकांनो, लहान मुलांमधील कॅन्सरबाबत गैरसमज दूर करा, सगळ्याच गोष्टी खऱ्या नसतात!

कॅन्सर हा असा आजार आहे, त्याचे नाव ऐकताच लोक घाबरतात कारण तो जीवघेणा आहे. धक्कादायक बाब म्हणजे बहुतेक प्रकरणांमध्ये हा आजार उशिरा आढळून येतो आणि तोपर्यंत रुग्णांची स्थिती बिघडते. सामान्यतः लोकांचा असा विश्वास आहे की, कर्करोग हा बहुतेक प्रौढांमध्ये दिसून येतो असं नाही तर तो लहान मुलांमध्ये देखील होतो. म

वर्ल्ड हेल्थ ऑर्गनायझेशन (डब्ल्यूएचओ) नुसार, जगभरातील मुलांमध्ये दररोज 1000 हून अधिक कर्करोगाच्या केसेस दिसतात. उच्च उत्पन्न असलेल्या देशांमध्ये जेथे चांगल्या सुविधा आणि उपचार उपलब्ध आहेत, सुमारे 80 टक्के मुले बरे होतात, परंतु कमी आणि मध्यम उत्पन्न असलेल्या देशांमध्ये, केवळ 30 टक्के मुले बरे होतात. या आजाराबाबत जागरूकता निर्माण करण्यासाठी दरवर्षी 15 फेब्रुवारी रोजी 'आंतरराष्ट्रीय बाल कर्करोग दिन' साजरा केला जातो. अशावेळी लहान मुलांना होणाऱ्या कर्करोगाबाबत 10 गैरसमज आहेत. त्याबद्दल डॉ. किंजल पटेल, आण्विक ऑन्कोपॅथॉलॉजिस्ट, न्यूबर्ग सेंटर फॉर जीनोमिक सेंटर यांनी माहिती दिली आहे.  

डॉक्टर काय सांगतात? 

डॉ. किंजल पटेल, आण्विक ऑन्कोपॅथॉलॉजिस्ट, न्यूबर्ग सेंटर फॉर जीनोमिक सेंटर यांनी आंतरराष्ट्रीय बाल कर्करोग दिनानिमित्तम महत्त्वाची माहिती शेअर केली आहे. त्या म्हणतात की, लहान मुलांना होणारा कर्करोग ही एक अतिशय विनाशकारी बाब आहे. जो दरवर्षी जगभरातील हजारो कुटुंबांना प्रभावित करतो. या आजाराबाबत अजूनही असंख्य गैरसमज आहेत. ज्या गैरसमजांमुळे अनेकांना वेगवेगळ्या संकंटांचा सामना करावा लागतो. त्या मुलांचंच नाही तर संपूर्ण कुटुंबाच भविष्य उद्ध्वस्त होतात.  त्यामुळे पुढे लहान मुलांच्या कर्करोगाबाबत समाजातील 10 गैरसमज जाणून घेणार आहोत. 

गैरसमज: बालपणातील कर्करोग नेहमीच आनुवंशिक असतो?
वास्तविकता: बालपणातील कर्करोगाची फक्त काही टक्केवारी अनुवांशिक कर्करोगाशी जोडलेली असते. मात्र अनेक प्रकरणे अशी आहेत ज्यामध्ये आनुवंशिकता हा मुद्दा नसतो. 

गैरसमज: कर्करोग असलेल्या मुलांचे केस नेहमीच गळतात?
वास्तविकता: कर्करोगाच्या उपचारादरम्यान केस गळणे सामान्य आहे. उपचार पद्धतींवर अवलंबून काही मुलांना काही प्रमाणात केस गळतीचा अनुभव येऊ शकतो किंवा मुळीच नाही.

गैरसमज: लहान मुलांचा कर्करोग संसर्गजन्य आहे का?
वास्तविकता: कर्करोग संसर्गजन्य नाही. शारीरिक संपर्कातून, भांडी वाटून घेणे किंवा आजार असलेल्या एखाद्याच्या सान्निध्यात राहून त्याचा प्रसार होऊ शकत नाही.

गैरसमज: लहान मुलांचा कर्करोग नेहमीच प्राणघातक असतो?
वास्तविकता: उपचारातील प्रगतीमुळे, बालपणीच्या कर्करोगासाठी जगण्याचे प्रमाण गेल्या काही वर्षांत लक्षणीयरीत्या सुधारले आहे. आज, कर्करोगाने ग्रस्त सुमारे 80% मुले विशिष्ट निओप्लाझममध्ये निदान झाल्यानंतर पाच वर्षे किंवा त्याहून अधिक वर्षे जगतात.

गैरसमज: लहान कर्करोग फक्त मोठ्या मुलांना प्रभावित करतो? असं काही आहे का? 
वास्तविकता: कर्करोग कोणत्याही वयात होऊ शकतो, बालपणापासून किशोरावस्थेपर्यंत. त्यामुळे कर्करोगाची लागण होण्याची कोणतीही ठराविक वयोमर्यादा नाही. 

गैरसमज: लहान मुलांचा कर्करोग टाळता येतो का?
वास्तविकता: कॅन्सरमध्ये काही पर्यावरणीय विषारी पदार्थांच्या संपर्कात येण्यासारखे प्रतिबंध करण्यायोग्य जोखीम घटक असू शकतात, परंतु बालपणातील अनेक कर्करोगांना कोणतेही ज्ञात कारण नसते आणि ते टाळता येत नाही.

गैरसमज: लहान मुलांचा कर्करोगाची उपचार पद्धत प्रौढ कर्करोग उपचार समान असते का?
वास्तविकता: मुलांचे शरीर अजूनही वाढत आहे आणि विकसित होत आहे. म्हणून त्यांचे कर्करोग उपचार प्रोटोकॉल प्रौढांसाठी वापरल्या जाणाऱ्यापेक्षा वेगळे असतात. बालरोग कर्करोगाचे साइड इफेक्ट्स कमी करण्यासाठी आणि परिणामांना अनुकूल करण्यासाठी उपचार तयार करतात.

गैरसमज: कर्करोगावर मात केलेल्या मुलांच आयुष्य निरोगी असतं का? 
वास्तविकता: ज्या मुलांना कर्करोगाची लागण झालेली असते त्यांना भविष्यात आरोग्यविषयक आव्हानांचा सामना करावा लागतो. ज्यामध्ये शारीरिक समस्या, थकवा आणि भावनिक अडचणी येतात. त्यांना सतत वैद्यकीय सेवा आणि काळजी घेणे आवश्यक आहे.