अंड्याच्या कवचाचे हे फायदे तुम्हाला माहित आहेत का?

मुंबई : अंडे फोडल्यावर त्याचे कवच आपण टाकून देतो. पण अंड्याचे कवचही फायदेशीर ठरते. त्याचे काही उपयोग आहेत. पण कदाचित ते आपल्याला माहित नाहीत म्हणूनच विचार न करता अंडे फोडून झाल्यावर कवचाला आपण केराची टोपली दाखवतो. पण हे आहेत अंड्याच्या कवचाचे फायदे... कदाचित तुम्हाला माहित नसतील...

• अंड्याच्या कवचापासून किडे किटाणू दूर पळून जातात. 
• कपड्यांची चमक टिकवून ठेवण्यासाठी अंड्याचा कवच वापरु शकता. त्यासाठी लहान बादलीत दोन चमचे अंड्याच्या कवचाची पावडर घाला. त्यात रात्रभर कपडे भिजवत ठेवा. दुसऱ्या दिवशी कपडे धुतल्यावर त्यावर वेगळीच चमक दिसेल.
• फळे आणि भाज्यांवर काही काळाने किडे घोंगावू लागतात. अशावेळी अंड्याचे कवच फोडून ते भाज्या, फळांजवळ ठेवा. किडे दूर होतील.
• मेणबत्ती म्हणून तुम्ही अंड्याच्या कवचाचा प्रयोग करु शकता. त्यासाठी अंडे फोडून त्याच्या कवचात मेण भरा आणि त्यावर वात लावा. दिसायलाही ते फार सुंदर दिसते.
• मांजरी घरात घाण करत असतील तर अंड्याचे कवच तुमच्या मदतील येईल. जिथे मांजरी जातात तेथे अंड्याचे कवच फोडून टाका. याचा परिणाम तुम्हाला लवकरच जाणवेल.
• अंड्याच्या कवचाची पावडर चेहऱ्याला लावल्यास त्वचा टवटवीत दिसेल. त्वचेचा कोरडेपणा कमी होईल.
• त्वचेची आग होत असेल किंवा खाज येत असल्यास अंड्याचे कवच वापरा.