Home
/हेल्थ
/केक खाण्याचे शौकीन असाल तर सावधान! Red Velvet सह 12 केकमुळे कॅन्सर होण्याची भीती? सरकारचा अहवाल

केक खाण्याचे शौकीन असाल तर सावधान! Red Velvet सह 12 केकमुळे कॅन्सर होण्याची भीती? सरकारचा अहवाल

Cake Causes Cancer : सरकारचा एक धक्कादायक अहवाल समोर आला आहे. ज्यामध्ये तुमचा आवडते 12 केकमुळे कॅन्सर होण्याची भीती वर्तविण्यात आलीय.

Written ByNeha Choudhary

Published: Oct 06, 2024, 12:22 PM IST|Updated: Oct 06, 2024, 01:03 PM IST

join share

केक खाण्याचे शौकीन असाल तर सावधान! Red Velvet सह 12 केकमुळे कॅन्सर होण्याची भीती? सरकारचा अहवाल

Image Credit: Cake Causes Cancer Government reports that 12 cakes with Red Velvet black forest are dangerous

Cake colour is harmful for body : दिल चाहता है या चित्रपटातील एक संवाद आहे, ज्यात अमीर खान म्हणतो केक खाण्यासाठी ते कुठेही जाऊ शकतात. केक हा आपल्या आयुष्यातील एक भाग झाला आहे. वाढदिवसपासून छोट्या मोठ्या आनंदात केक कापणे ही एक प्रथा झाली आहे. अगदी छोट्या छोट्या आनंदात केक आणून सेलिब्रेशन केलं जातं. असं शौकीन पण आहे काही कारण नसताना केक खायला त्यांना आवडतात. पण थांबा हा केक तुमच्यासाठी आरोग्यासाठी हानिकारक ठरु शकतो. एका अहवालानुसार तुमचा आवडीचा चॉकलेट केक... पाईन अ‍ॅप्पल केक...ब्लू बेरी... रेड वेल्वेट केक.. ब्लॅक फॉरेस्ट केक यामुळे कॅन्सर होण्याची भीती वर्तविण्यात आलीय. (Cake Causes Cancer Government reports that 12 cakes with Red Velvet black forest are dangerous)

कॅन्सरच्या केकपासून सावध राहा!

हा धक्कादायक अहवाल कर्नाटकच्या अन्न सुरक्षा आणि गुणवत्ता विभागाने दिलाय. बेकरीमध्ये तयार होणाऱ्या अनेक केकमध्ये कर्करोगाच्या घटकांचा समावेश असल्याचा अहवाल दिलाय. कर्नाटक सरकारचे म्हणणंय की, एकूण 235 केक नमुन्यांपैकी 223 सुरक्षित असल्याचा दिसून आलं. मात्र 12 केकमध्ये धोकादायक पातळीवर कृत्रिम रंग असल्याचे आढळले आहे. बंगळुरूमधील अनेक बेकरींच्या केकवर केलेल्या सर्व चाचण्यांमध्ये, 12 वेगवेगळ्याप्रकारच्या केकमध्ये, विशेषत: रेड वेल्वेट केक आणि ब्लॅक फॉरेस्ट केकमध्ये कर्करोग निर्माण करणारे पदार्थ आढळून आले आहेत.

कोणते आहेत ते घटक?

तज्ज्ञांच्या मते, केकमध्ये अनेक प्रकारचे रंग वापरले जातात, जसे की अल्लुरा रेड, सनसेट यलो एफसीएफ, पॉन्सो 4आर (स्ट्रॉबेरी रेड), टारट्राझिन (लेमन यलो) आणि कार्मोइसिन (मारून) सुरक्षित पातळीपेक्षा जास्त वापरल्यास, ते केवळ कर्करोगाचा धोका वाढवत नाही तर मानसिक आणि शारीरिक आरोग्यावर देखील त्याचा मोठ्या परिणाम होतो.

तज्ज्ञांच्या मते केकमध्ये प्रिझर्वेटिव्ह आणि घातक रसायने असतात. यामध्ये रंगांचा भरपूर वापर केला आहे. याशिवाय त्यात प्रिझर्व्हेटिव्ह आणि घातक रसायने वापरली जातात जी संपूर्ण शरीरासाठी अत्यंत घातक ठरतात. त्याचे दुष्परिणाम माहीत असूनही बेकरी विकत आहेत.

(Disclaimer - वरील माहिती सामान्य संदर्भांवरून घेण्यात आली आहे. 'झी २४ तास' याची खातरजमा करत नाही. यामधून कोणत्याही प्रकारच्या उपचाराचा दावा केला गेलेला नाही. कुठलीही लक्षणं जाणवल्यास डॉक्टरांचा सल्ला घ्या.)

Add Zee News as a Preferred Source

TAGS:

About the Author

Neha Choudhary

नेहा चौधरी या 'झी 24 तास डिजीटल'मध्ये सिनियर सब एडिटर (वरिष्ठ उपसंपादक) पदावर कार्यरत आहे. त्यांना पत्रकारिता क्षेत्रातील 20 वर्षांचा अनुभव आहे. इलेक्ट्रॉनिक आणि ऑनलाइन मीडियामध्ये प्रदीर्घ अनुभव आहे. त्यांनी पत्रकाराची सुरुवात रिपोर्टर म्हणून देशोन्नती वृत्तपत्रातून केली. राजकारणापासून मनोरंजनापर्यंत बातम्यांचा आढावा त्यांनी घेतला. 2006 मधील मुंबई लोकल ट्रेन बॉम्बस्फोट हल्ला, 26/11 मुंबई हल्ला, प्रमोद महाजन हत्या अशा अनेक घटनांचे कव्हरेज त्यांनी केलं आहे. त्यानंतर ई टीव्ही मराठीमध्येही रिपोर्टर म्हणून काम केलं. त्यानंतर मी मराठी, साम मराठी, जय महाराष्ट्र, न्यूज 18 लोकमतमध्ये अनेक वर्ष त्यांनी आऊटपूटमध्ये रनडाउन प्रोड्यूसर म्हणून काम केलं. आता त्या 'झी 24 तास डिजीटल'मध्ये कार्यरत आहेत. इथे त्या राजकारण, गुन्हेगारीपासून मनोरंजनापर्यंत ग्रामीण भागातील बातम्यांमध्ये आपलं योगदान देतात. त्यासोबत सोशल मीडियावरील व्हायरल आणि ट्रेंडिंगवरही त्या लिखाण करतात. तर आरोग्य, लाइफस्टाइल या बातम्यांमध्ये विशेष रुची आहे. तर गेल्या 2 वर्षांपासून त्यांनी ज्योतिष आणि धर्म यावर काम करत आहेत. त्यांनी हस्तरेषाशास्त्र, वास्तु आणि फेंगशुईसह वैदिक ज्योतिष, अंकशास्त्र आणि टॅरोचाही पुस्तकाच वाचन आणि तज्ज्ञांनी बोलून लोकांना माहितीपूर्ण बातम्या देतात. सण, उत्सवाचे धार्मिक आणि वैज्ञानिक महत्त्व याची त्या त्यांचा बातम्यांमधून समतोल राखतात. त्यांच्या मोकळ्या वेळेत त्यांना धार्मिक ग्रंथांच वाचन तसंच प्रवास, संगीताची आवड आहे.