बाळाला पहिल्यांदाच आंबा खायला देणार आहात? डॉक्टरांनी सांगितलेल्या पद्धतीमुळे मिळेल डबल पोषण

उन्हाळा आला आहे आणि चाहुल लागते ती आंबा या फळाची. उन्हाळा कितीही त्रासदायक असला तरीही त्यासोबत येणारा आंबा हा आल्हाददायक असतो. प्रत्येक पालकांना वाटत असते की, आपल्या बाळाने आंबा खायला हवा. आंबा केवळ चवीलाच चांगला नाही तर पोषक तत्वांनीही भरपूर आहे. मोठ्यांना फक्त आंब्याची चव आवडते पण मुलांनाही हा फळांचा राजा आवडतो. मोसमी फळ असल्याने आंब्याचा समावेश लहान मुलांच्या आहारातही केला जातो, पण लहान मुलांना किंवा तान्हुल्याला आंब्याचे फळ कसे खायला द्यावे हे तुम्हाला माहीत आहे का?

बालरोगतज्ञ डॉ. पवन मांडविया यांनी त्यांच्या इंस्टाग्रामवर एक व्हिडिओ शेअर केला आहे. ज्यामध्ये लहान मुलांना आंबा कसा खायला द्यायचा हे सांगणारा आहे. तुम्हीही तुमच्या मुलाला आंबे खायला दिलेत तर डॉक्टरांनी सांगितल्याप्रमाणे हे नक्की जाणून घ्या.

View this post on Instagram

A post shared by Dr Pawan Mandaviya (@drpawan_clinic)

आंब्यामुळे जुलाब 

डॉक्टर पवनने शेअर केलेल्या व्हिडिओमध्ये एक आई तिच्या मुलाला उपचारासाठी घेऊन आली आहे. डॉक्टरांनी तिला विचारले की, मुलाला आंबा दिला का आणि त्यानंतर त्याला जुलाब झाले. तर मुलाच्या आईचे उत्तर होते की हो, तिने मुलाला आंबे खाऊ घातले होते, त्यानंतर त्याची तब्येत बिघडली.

डॉक्टरांचे उत्तर 

त्यावर डॉक्टरांनी पाण्यात आंबा भिजवून मुलाला खायला दिले का, अशी विचारणा केली. या प्रश्नावर महिलेने आंबा न भिजवता खाऊ घातल्याचे सांगितले. डॉक्टरांनी सांगितले की, आंब्यामध्ये फायटिक ऍसिड असते ज्यामुळे मुलाच्या शरीरात उष्णता वाढते. त्यामुळे मुलाला जुलाब होण्याचा धोका असतो.

आंबा खायला देण्याची पद्धत 

मुलांना आंबा खायला देण्याच्या पद्धतीबाबत डॉ.पवन म्हणाले की, तुम्ही हे फळ पाण्यात टाका आणि काही वेळ ठेवा. यामुळे आंब्यामध्ये असलेल्या फायटिक ऍसिडचे प्रमाण मोठ्या प्रमाणात कमी होईल आणि मुलाच्या शरीराला इजा होणार नाही. तुम्ही आंबा पाण्यात भिजवून रेफ्रिजरेटरमध्येही ठेवू शकता. यामुळे बाळाला जुलाब किंवा इतर कोणतीही गॅस्ट्रोइंटेस्टाइनल समस्या होणार नाही.

आंब्यातील पोषणतत्त्व 

क्लीव्हलँड क्लिनिकच्या मते, आंब्यामध्ये भरपूर जीवनसत्त्वे, खनिजे आणि फायबर असतात. यामध्ये कॅलरीज कमी असतात. एक कप चिरलेल्या आंब्यामध्ये 99 कॅलरीज आणि 2.6 ग्रॅम फायबर असते. त्यात 67% व्हिटॅमिन सी, 20% कॉपर, 10% व्हिटॅमिन ए आणि 10% व्हिटॅमिन ई असते. याशिवाय आंब्यामध्ये फॉलिक ॲसिड, मॅग्नेशियम, पोटॅशियम, व्हिटॅमिन बी6 आणि व्हिटॅमिन के असते.