भारताचा गोल्डन बॉय नीरज चोप्रा कसा ठेवतो स्वतःला फिट...जाणून घ्या नीरजचा डाएट प्लॅन

Neeraj chopra diet plan :  भारताचा गोल्डन बॉय नीरज चोप्राने अमेरिकेतील यूजीन येथे झालेल्या जागतिक अ‍ॅथलिट्स चॅम्पियनशिपच्या अंतिम फेरीत भालाफेकमध्ये रौप्य पदक जिंकले आहे. नीरजसारखे इतर खेळाडू मैदानात स्वतःला तंदुरुस्त आणि उत्साही ठेवण्यासाठी कसा आहार घेतात हे तुम्हाला माहिती आहे का?

 नीरज रोज 3 हजार ते 3500 कॅलरीज आहारात घेतो.  एनर्जी पातळी राखण्यासाठी आहारात कार्बोहायड्रेट्स आणि प्रथिनांचा मोठ्या प्रमाणात समावेश केला जातो.  नीरज चोप्रा त्याच्या आहारासोबतच फिटनेसकडे विशेष लक्ष देतो आणि त्याच्या नाश्त्यात ब्राऊन ब्रेड आणि ऑम्लेट नक्कीच असतो.  तो फॅट-फ्री खाण्यास प्राधान्य देतो, म्हणून तो बहुतेकदा सॅलड आणि फळं खातो, जेणेकरून शरीरात ऊर्जा टिकून राहते.  त्याला भूक लागल्यावर आणि सरावाच्या दरम्यान फ्रुट ज्युस प्यायला आवडतं. 

अ‍ॅथलिट्सच्या नाश्त्यामध्ये केळी, पालक, मशरूम, कांदे आणि सॅल्मन यांसारख्या प्रथिने आणि कर्बोदकयुक्त पदार्थांचा समावेश असतो.

नीरज हाय प्रोटीन लंच-डिनर घेतो

केवळ नीरजच नाही तर इतर खेळाडूही दुपारच्या जेवणात प्रथिनेयुक्त आहारावर अधिक लक्ष केंद्रित करतात.  ग्रिल चिकन ब्रेस्ट, सॅल्मन फिश आणि ग्रिल अंडी खातो. नीरज चोप्राच्या आवडत्या पदार्थाबद्दल सांगायचे तर, त्याला भाजी बिर्याणी, गोल गप्पा आणि घरगुती चुरमा खायला आवडते, परंतु त्याच्या दैनंदिन दिनचर्यामध्ये तो गोड खाणे टाळतो.  

 नीरजची कसरत

 हेल्दी डाएट व्यतिरिक्त, तो हार्डकोर वर्कआउट्स देखील करतो, ज्यामध्ये स्ट्रेंथ ट्रेनिंग व्यतिरिक्त धावणे, चढणे आणि पायऱ्या उतरणे आणि वजन उचलणे यांचा समावेश आहे.

जलतरणपटू 

ऑलिम्पिक स्टार जलतरणपटू मायकेल फेल्प्सने त्याच्या ऑलिम्पिक प्रशिक्षणादरम्यान दररोज 12,000 कॅलरी मिळतील असा आहार घेतला होता.  त्याच वेळी, सरासरी, पुरुष जलतरणपटूला दररोज 8-10 हजार कॅलरीज आवश्यक असतात.  महिला जलतरणपटूंमध्ये, हे प्रमाण 4-6 हजार आहे.  याचे कारण असं की पोहण्याच्या वेळी ऍथलीटचे शरीर मोठ्या प्रमाणात कॅलरीज बर्न करते.
 जलतरणपटूच्या आहारात 55-60 % कर्बोदके तसेच 20-25 टक्के फॅट्स आणि 15-25 टक्के प्रथिने असतात.

धावपटू (ट्रॅक आणि फील्ड)

 लांब पल्ल्याच्या धावपटूंना जलतरणपटूंपेक्षा जास्त कॅलरी लागतात.  दररोज एका पुरुष खेळाडूला 5-10 हजार कॅलरीज आणि महिला खेळाडूंना 4-6 हजार कॅलरीज लागतात.  त्याच वेळी, कमी अंतराच्या धावपटूंच्या आहारातील कॅलरीजचे प्रमाण थोडं कमी असतं.  ऍथलीट किंवा जलतरणपटूंच्या आहारात प्रथिने, संपूर्ण धान्य, फॅट्स, फळे आणि भाज्या महत्त्वाच्या आहेत.  जगातील सर्वात वेगवान धावपटू उसेन बोल्टने सांगितल्याप्रमाणे, तो नाश्त्यात अंड्याचे सँडविच खातो.  दुपारच्या जेवणात तो पास्ता आणि मांसाहार घेतो. रात्रीच्या जेवणात डंपलिंग्ज आणि  चिकन आणि भाज्या खातो.

जिम्नॅस्टिक्स

 कर्बोदके, कमी फॅट्स, पुरेशी प्रथिनं देखील जिम्नॅस्टिक आहारात आवश्यक आहेत.  जिम्नॅस्टिक्ससाठी दररोज किमान 2000 कॅलरीज आवश्यक असतात.  शरीरातील ऊर्जेची पातळी राखण्यासाठी जिम्नॅस्ट दिवसभरात अनेक वेळा थोडं थोडं जेवण खातात.  
दोन वेळा ऑलिम्पिक सुवर्णपदक विजेती गॅबी डग्लसनुसार ती नाश्त्यात दलिया,केळी आणि चहा घेते.  दुपारच्या जेवणात ती चिकनसोबत बदाम, ग्रील्ड शतावरी आणि डार्क चॉकलेट खाते.  त्याच वेळी, ती रात्री ग्रील्ड सॅल्मन, ग्रीन बीन्स आणि पास्ता खाते.

वेटलिफ्टिंग

वेटलिफ्टर्सच्या आहारात प्रथिनांना सर्वाधिक महत्त्व असते.  वेटलिफ्टर्सना स्नायू वाढवण्यासाठी आणि राखण्यासाठी प्रथिनांची गरज असते.  याशिवाय वेटलिफ्टर्ससाठी कार्बोहायड्रेट्स आणि कॅलरीजही खूप महत्त्वाच्या असतात. ऑलिम्पिक वेटलिफ्टर मॉर्गन किंगने एलनुसार तो नाश्त्यात गोड बटाटे आणि कॉफी पितात. दुपारच्या जेवणात चिकन, ब्रोकोली आणि अक्रोड घेतो आणि रात्रीच्या जेवणात तो सॅलड, चिकन खातो.