73 व्या वर्षी ही महिला शोधत आहे जीवनसाथी, Matrimonial Adv झाली व्हायरल

कर्नाटकच्या (Karnataka) म्हैसूर येथे राहणाऱ्या एका महिलेने लग्नासाठी जाहिरात दिली आहे. 

Updated: Apr 10, 2021, 09:32 AM IST
73 व्या वर्षी ही महिला शोधत आहे जीवनसाथी, Matrimonial Adv झाली व्हायरल

मुंबई : कर्नाटकच्या (Karnataka) म्हैसूर येथे राहणाऱ्या एका महिलेने लग्नासाठी जाहिरात दिली आहे. तसे, जाहिरात करणे सामान्य आहे, परंतु ही बाब एक विशेष ठरली आहे, कारण महिलेचे वय. मॅट्रिमोनियल जाहिरातीच्या (Matrimonial Adv) माध्यमातून जीवनसाथी शोधणार्‍या या महिलेचे वय 73 वर्षे आहे. सरकारी नोकरीतून सेवानिवृत्त झालेल्या महिलेच्या  या निर्णयाबद्दल आणि उत्साहाची जोरदार सर्वत्र चर्चा होत आहे. लोक म्हणतात की वयाच्या या टप्प्यावर पुन्हा संसाराचा विचार करणे ही एक मोठी गोष्ट आहे.

सोशल मीडियावर व्हायरल Social Media 

'टाइम्स ऑफ इंडिया'मध्ये प्रसिद्ध झालेल्या वृत्तानुसार जाहिरातीतील महिलेने सांगितले की, मी एक 73 वर्षीय निवृत्त शिक्षक आहे. मी माझ्यापेक्षा वयस्क असलेल्या निरोगी ब्राम्हण वराचा शोध घेत आहे. माझ्याबरोबर वेळ घालवण्यासाठी मला जोडीदाराची गरज आहे. वर्तमानपत्रात प्रसिद्ध झालेली ही जाहिरात सोशल मीडियावरही व्हायरल होत आहे. लोक विविध प्रकारे प्रतिक्रिया व्यक्त करत आहेत. काहींनी त्या महिलेला शुभेच्छा दिल्या आहेत, तर काहींनी फसवणूक टाळण्याचा सल्ला दिला आहे.

कुटुंबात कोणीही उरले नाही

वयाच्या या टप्प्यावर महिलांना एकटेपणा जाणवत आहे. तिने सांगितले की, आता त्याच्या कुटुंबात (Family) कोणीही उरलेले नाही. तिच्या पतीपासून आधीच घटस्फोट झाला आहे आणि आईवडिलांच्या मृत्यूनंतर ती पूर्णपणे एकटी झाली आहे. महिलेच्या म्हणण्यानुसार, ती एकटी घाबरली आहे, म्हणूनच तिने जीवनसाथीचा शोध सुरु केला आहे. जेणेकरून उर्वरित आयुष्य एखाद्याबरोबर तिचे अनुभव शेअर करण्यात घालवता येईल.

तर दुसरे लग्न नाही (Marriage)

या महिलेने सांगितले की, त्यांचे विवाहित जीवन अत्यंत वेदनादायक आहे. विवाहानंतर वाट्याला दु:ख आले आणि त्यानंतर घटस्फोटामुळे होणाऱ्या दु: खामुळे त्यानी दुसरे लग्न करण्याचा विचार केला नाही. परंतु वयाच्या शेवटच्या टप्प्यावर, त्यांना जोडीदाराची आवश्यकता भासत आहे. ज्याच्याशी त्या आपले सुख आणि दुःख शेअर करु शकतात, ज्याच्याशी त्या एकाकीपणावर मात करण्यासाठी बोलू शकतात.

तरुणांना निर्णय आवडला (Youth liked Decision)

महिलेचे हे धाडसी पाऊल तरुणांना चांगलेच पसंत पडले आहे. त्यांचे मत आहे की वयाच्या 73 व्या वर्षी लग्नाची इच्छा व्यक्त करून त्या महिलेने समाजातील सांस्कृतिक रूढी मोडण्याचा प्रयत्न केला आहे. त्याचवेळी, सामाजिक कार्यकर्ती रुपा हसन म्हणतात की, स्त्रीने अत्यंत सावधगिरीने पुढे जायला हवे, कारण गुन्हेगार त्यांच्या भावनांनी खेळून त्यांचे नुकसान करु शकतात.