'एवढे घाणेरडे विचार'; राहुल गांधी आणि अभिनेत्रीचा फोटो शेअर केल्याने प्रीती गांधींना फटकारले

काँग्रेसचे (Congress) माजी अध्यक्ष आणि केरळमधील वायनाडचे खासदार राहुल गांधी (Rahul Gandhi) यांची भारत जोडो यात्रा (bharat jodo yatra ) सध्या तेलंगणात (telangana) आहे. यादरम्यान राहुल गांधी (Rahul Gandhi) अनेकांना भेटत आहेत. या भेटीत राहुल गांधी यांचा एक फोटो समोर आला जो सोशल मीडियावर (Social Media) चर्चेचा विषय ठरला आहे. राहुल गांधी हे अभिनेत्री आणि कार्यकर्त्या पूनम कौरसोबत (poonam kaur) एका फोटोत दिसले. यावेळी त्यांनी पूनमचा हातही धरला होता. भाजपच्या (BJP) प्रीती गांधी यांनी ट्विटरवर हा फोटो पोस्ट केल्यानंतर चर्चांना उधाण आले. प्रीती गांधी (priti gandhi) यांनी फोटोसोबत एक कॅप्शन लिहिले, ज्यावर पूनमसह सर्व नेत्यांनी आक्षेप घेतला आहे. (Bharat Jodo Yatra picture of Rahul Gandhi and South Indian actress Poonam Kaur viral on social media)

राहुल गांधी आणि पूनम कौर यांचा फोटो शेअर करताना प्रीती गांधींनी "आजोबांच्या पावलावर पाऊल टाकत आहे," असे कॅप्शन दिले आहे. काँग्रेसच्या अनेक नेत्यांनी प्रीतीवर हल्ला चढवला आहे. पूनम कौर यांनीही प्रतिक्रिया दिली आहे. ''हे अपमान करण्यासारखे आहे. पंतप्रधान महिला शक्तीबद्दल बोलत होते. सरांनी माझा हात धरला तेव्हा मी जवळजवळ पडणारच होते," असे पूनम कौर म्हणाल्या.

Following the footsteps of his great grand father!! pic.twitter.com/iAFMrOyg6w

— Priti Gandhi - प्रीति गांधी (@MrsGandhi) October 29, 2022

प्रीती गांधी यांनी हा फोटो शेअर केल्यानंतर ट्विटरवर यूजर्सनी त्यांना लक्ष्य केले आहे.  प्रीतीच्या या पोस्टवर काँग्रेस नेते अभिषेक दत्त म्हणाले की, मला तुमच्या पती आणि मुलांबद्दल वाईट वाटते. तुमच्या गरीब मानसिकतेमुळे बिचाऱ्यांना लाज वाटली असेल. त्याचवेळी काँग्रेसच्या आमदार दीपिका पांडे म्हणाल्या की, 'एक महिला असून एवढे वाईट विचार. हे फक्त भाजपमध्येच शिकवले जाते. किमान ते आपल्या पूर्वजांच्या पावलावर पाऊल ठेवून भारताला एकसंध करण्याचा प्रयत्न करत आहेत. पण तुमच्या पक्षाच्या अनेक खासदार आणि आमदारांवर बलात्कार आणि छळाचे गुन्हे दाखल आहेत. जर तुम्ही बोललात तर प्रत्येकाचे नाव लिहा.' प्रीती गांधींचे हे ट्विट काही वेळातच व्हायरल झाले त्यामुळे अनेकांनी त्यांना ट्रोल करण्यास सुरुवात केली आहे. महिलाविरोधी विचार ही संघांची परंपरा आहे, असे ट्विट उत्तर प्रदेश काँग्रेस सेवादलाने केले आहे.

कोण आहेत पूनम?

अभिनेत्री पूनम यांचा जन्म हैदराबादमध्ये झाला आणि नंतर तिथेच वाढली. त्यानंतर हैदराबाद पब्लिक स्कूलमधून पूनम यांनी शिक्षण घेतले. तिने नॅशनल इन्स्टिट्यूट ऑफ फॅशन टेक्नॉलॉजी (NIFT), दिल्ली येथून फॅशन डिझायनिंगचा कोर्स केला आहे. 2006 मध्ये शिक्षण घेतल्यानंतर त्या चित्रपटांकडे वळला. पूनम कौर मायाजलम या तेलगू चित्रपटात दिसली आहे. याशिवाय निक्की आणि नीरज इ.मध्येही त्या दिसल्या. पूनमला 2008 मध्ये सर्वोत्कृष्ट सहाय्यक अभिनेत्रीचा पुरस्कारही मिळाला आहे.