Viral Video : जीवघेणे स्टंट करण्याचं धाडस करू नका, प्रसिद्धीसाठी जीवघेणे स्टंट कशासाठी?

मुंबई : बातमी आहे एका व्हायरल व्हीडिओची. चित्रपटातील स्टंट पाहून त्यालाही स्टंट करायचा होता. झटपट प्रसिद्धीसाठी त्याने चालत्या गाडीवर स्टंट केला. पण त्याचा हा स्टंट फसला आणि भलतंच होऊन बसलं.  असं काय घडलं त्याच्यासोबत चला. (fact check viral polkhol young man stunt on running van you dont no try this stunt)

रात्रीची वेळ होती. रस्ते सुनसान होते. रस्त्यावर गाड्यांची वर्दळ नव्हती. त्याचवेळी हा स्टंटमन गाडीवर स्टंट करत होता. पुश अप मारत होता. गाडी वेगाने चालली होती.कोणीतरी आपल्या स्टंटचा व्हिडिओ बनवत आहे हे पाहून याला आणखीनच जोर आला. पुश अप मारल्यानंतर हा चालत्या गाडीवर उभा राहिला. जसा काय हा शक्तिमानच.

बराच वेळ झाला याचा जीवघेणा स्टंट सुरू होता. आता पुन्हा एकदा पहा कशाप्रकारे हा जीवाशी खेळतोय. गाडीवरून पडू याची याला भीतीच नाही. बिनधास्तपणे हा स्टंट करतोय. पण याचा स्टंट फसला आणि गाडीवरून खाली कोसळला आणि थेट हॉस्पिटलच्या खाटेवर जाऊन झोपला.

या व्हीडिओत फक्त हा स्टंट करताना दिसतोय. पण आता जे हाती फोटो लागलेत त्यावरून त्याच्यावर उपचार सुरू असल्यास कळतंय. गंभीर जखमी झालाय. 

हा व्हीडिओ गोमती नगर लखनऊचा असल्याचं बोललं जातंय. फक्त प्रसिद्धीसाठी यांना हा स्टंट केला पण याच्या हा स्टंट चांगलाच महागात पडला. हा व्हीडिओ आता व्हायरल होत असून असे स्टंट करू नका असं आवाहन पोलिसांनी केलंय.