पोस्टाच्या 'या' स्कीममध्ये फक्त 50 हजार जमा करा आणि मिळवा 3300 रुपये पेन्शन

Post Office MIS Scheme: पोस्टातील गुंतवणुकीकडे सर्वात सुरक्षित गुंतवणूक म्हणून पाहिलं जातं. मुद्दल सुरक्षित असल्याने गुंतवणूकदार निश्चिंत असतो. पोस्ट ऑफिसही वेळोवेळी ग्राहकांच्या हिताच्या योजना लागू करत असते. असा एका पोस्ट ऑफिसच्या योजनेबद्दल सांगणार आहोत. या स्किममध्ये तुम्ही एकरकमी पैसे जमा करता आणि महिना पेन्शनसारखं व्याज मिळतं. मुदत संपल्यानंतर एकरकमी पैसे देखील मिळतात.

ही योजना काय आहे?
पोस्ट ऑफिसच्या या योजनेचं नाव आहे मासिक उत्पन्न योजना (MIS). या योजनेत किमान 1000 आणि 100 च्या पटीत पैसे जमा केले जाऊ शकतात. यामध्ये तुम्ही जास्तीत जास्त 4.5 लाख रुपये जमा करू शकता. ही मर्यादा एकाच खात्यासाठी आहे. त्याच वेळी, संयुक्त खात्यासाठी कमाल मर्यादा 9 लाख रुपये आहे. या योजनेअंतर्गत जास्तीत जास्त तीन लोक संयुक्त खाते उघडू शकतात. मूल अल्पवयीन असल्यास त्याच्या पालकांच्या नावे खाते उघडता येते. आम्ही तुम्हाला सांगतो की 10 वर्षांनंतर पोस्ट ऑफिस एमआयएस खाते मुलाच्या नावाने देखील उघडले जाऊ शकते.

किमान 1000 रुपये जमा करता येतात

या योजनेत मासिक मिळकत  आहे. सध्या, व्याज दर 6.6 टक्के आहे, जो साध्या व्याजाच्या आधारावर उपलब्ध आहे. व्याजाची गणना वार्षिक आधारावर केली जाते. परंतु, जर खातेदाराने यामध्ये मासिक व्याजाचा दावा केला नाही. तर त्याला या पैशावर अतिरिक्त व्याजाचा लाभ मिळत नाही.

5 वर्षांची मुदत

या पोस्ट ऑफिसच्या या योजनेची मुदत 5 वर्षे आहे. तुम्ही हे खाते उघडल्यानंतर एक वर्षापर्यंत पैसे काढू शकत नाही. जर तुम्हाला ते 1-3 वर्षांत बंद करायचे असेल, तर तुमच्या मूळ रकमेपैकी २% वजा केले जातील. त्याच वेळी, 3-5 वर्षांत खाते बंद केल्यास 1 टक्के दंड कापला जाईल.

4.5 लाख जमा केल्यावर दरमहा 2475 रुपये

एमआयएस कॅल्क्युलेटरनुसार, जर एखाद्याने या खात्यात एकदा 50 हजार रुपये जमा केले तर त्याला प्रत्येक महिन्याला 275 रुपये म्हणजेच पाच वर्षांसाठी दरवर्षी 3300 रुपये मिळतील. म्हणजेच पाच वर्षांत त्याला एकूण 16500 रुपये व्याज म्हणून मिळतील. त्याचप्रमाणे एखाद्याने 1 लाख जमा केल्यास त्याला दरमहा 550 रुपये, दरवर्षी 6600 रुपये आणि पाच वर्षांत 33000 रुपये मिळतील. या योजनेत 4.5 लाख जमा केल्यास मासिक 2475 रुपये, वार्षिक 29700 रुपये आणि पाच वर्षांत 148500 रुपये व्याज मिळेल.

जर एखाद्या खातेदाराचा मुदतपूर्तीपूर्वी मृत्यू झाला तर ते खाते बंद केले जाते. अशा परिस्थितीत मूळ रक्कम वारसाला परत केली जाते. या योजनेत कलम 80C अंतर्गत कपातीचा लाभ मिळणार नाही. पोस्ट ऑफिसमधून पैसे काढल्यावर किंवा व्याज उत्पन्नावर देखील टीडीएस कापला जात नाही. तथापि, हे व्याज उत्पन्न पूर्णपणे करपात्र आहे.