आता 1 डिसेंबरपासून तुमचं टीव्ही पाहणेही महागणार

भारतीय दूरसंचार नियामक प्राधिकरण (TRI) च्या नवीन मार्गदर्शक तत्त्वांनुसार आता टीव्ही पाहण्यासाठी आणखी खर्च करावा लागणार आहे.

Updated: Oct 21, 2021, 06:34 PM IST
आता 1 डिसेंबरपासून तुमचं टीव्ही पाहणेही महागणार

मुंबई : भारतीय दूरसंचार नियामक प्राधिकरण (TRI) च्या नवीन मार्गदर्शक तत्त्वांनुसार, लोकांना सोनी, स्टार प्लस, स्पोर्ट्स, झी आणि कलर्स सारख्या चॅनेल पाहण्यासाठी 35-50 टक्के अधिक पैसे द्यावे लागणार आहेत. सध्या या चॅनल्ससाठी तुम्हाला 19 रुपये मोजावे लागतील. आता त्यांची किंमत 24 ते 30 रुपयांच्या दरम्यान असेल. या वाहिन्या कोणत्याही पॅकेजमध्ये समाविष्ट केल्या जाणार नाहीत.

सध्या ग्राहक आपल्या आवडत्या चॅनेलचे कार्यक्रम 300 रुपयांमध्ये पाहतात आणि त्याचा आनंद घेतात, परंतु आता त्यांना किमान 500 रुपये द्यावे लागतील. तुम्हाला आता मनोरंजनासाठी जास्त पैसे खर्च करावे लागतील. घरी बसून टीव्हीवर त्यांचे आवडते कार्यक्रम पाहण्यासाठी थोडे अधिक शुल्क भरावे लागेल. केबल-डीटीएच दर पुढील महिन्याच्या 1 तारखेपासून सुधारित केले जाणार आहेत. नवीन दर 1 डिसेंबरपासून लागू होतील.

लोकांचा कल केबल आणि डीटीएचपेक्षा ओटीटीकडे जास्त जात आहे. तेथे त्यांना कोणत्याही आवडीशिवाय आधीपासून त्यांना आवडणाऱ्या गोष्टी मिळतात. Amazon, Prime video, Hotstar, netflix आणि सोनी लिव्ह सारखे ओटीटी प्लॅटफॉर्म प्रथम तरुणांना नवीनतम कार्यक्रम दाखवत आहेत. हे सर्व स्मार्ट टीव्ही आणि मोबाईलवर उपलब्ध आहे.

सध्या निवडणुकीच्या हंगामात सत्ताधाऱ्यांविरोधात आवाज उठवण्यासाठी विरोधकांना आणखी एक मुद्दा मिळाला आहे. केबल टीव्ही आणि डीटीएच जवळजवळ प्रत्येकाच्या घरात आहेत. साहजिकच, नवीन दरांच्या अंमलबजावणीमुळे लोकांवरील भार वाढणार आहे.