Weather Update : आणखी तीव्र होणार 'ऑक्टोबर हिट'च्या झळा; नेमका किती दूर आहे हिवाळा?
Weather Update : देशातील बहुतांश भागांमधून पावसानं काढता पाय घेतलेला असतानाच आता काही भागांमध्ये अचानकत पावसानं हजेरीही लावली आहे.
 "Weather Update : आणखी तीव्र होणार 'ऑक्टोबर हिट'च्या झळा; नेमका किती दूर आहे हिवाळा?")
Weather Update : महाराष्ट्रातील विदर्भ, मराठवाडा आणि मुंबईसह उपनगरीय भागांतून पावसानं काढता पाय घेतला आहे. असं असलं तरीही कोकणात मात्र काही भागांमध्ये अद्यापही अधूनमधून पावसाच्या सरींची बरसता होताना दिसत आहे. इथं पावसानं परतीचा प्रवास सुरु केलेला असतानाच तिथं आता तापमानवाढ होत असल्यामुळं ऑक्टोबर हिटच्या झळा चांगल्याच जाणवू लागल्या आहेत. किंबहुना येत्या काळात ही तापमानवाढ आणखी तीव्र होणार असून, हिवाळा कधी सुरु होतोय याचीच विचारणा होताना दिसणार आहे.
उन्हासोबत वातावरणात आर्द्रतेची पातळी वाढली असल्यामुळं सकाळ आणि दुपारच्या वेळी तापमानात वाढ झाल्याचं निदर्शनास येत आहे. ज्यामुळं नागरिकांना अनेक अडचणींचा सामना करावा लागत आहे. हवामानात झालेल्या या बदलामुळं सध्या हवामान विभागाकडून नागरिकांना काळजी घेण्याचं आवाहनही करण्यात येत आहे.
हवामान विभागाच्या माहितीनुसार येत्या काही दिवसांमध्ये देशातील केरळ भागामध्ये किनारपट्टी क्षेत्रात पावसाच्या सरींची अधूनमधून हजेरी असणार आहे. तर, पश्चिमी विक्षोभामुळं चेन्नई, आंध्रमध्येसुद्धा पावसाची हजेरी पाहायला मिळणार आहे.
हिमाचल प्रदेश आणि उत्तराखंडमध्ये मैदानी क्षेत्रांमध्ये पावसाच्या तुरळक सरी बरसतील. तर, याच भागांमधील पर्वतीय क्षेत्रांमध्ये बर्फवृष्टी होण्याची शक्यता हवामान विभागानं वर्तवली आहे.
हेसुद्धा वाचा : Maharastra Politics : शरद पवारांच्या सभांना दादा देणार उत्तर; कोंडी करण्यासाठी अजित पवारांची नवी स्ट्रॅटेजी!
सध्या पर्यटनाच्या मोसमाला सुरुवात होत असल्यामुळं या दरम्यान देशाच्या उत्तरेकडे दाणाऱ्यांना उत्तम हवामानाचा अनुभव घेता येणार असल्याचीच चिन्हं आहेत.
पुढील 24 तासांसाठी देशातील हवामानाचा अंदाज
खासगी हवामान संस्था 'स्कायमेट'च्या अंदाजानुसार पुढील 24 तासांमध्ये कर्नाटकच्या किनारपट्टी भागासह उत्तर केरळ, दक्षिण कर्नाटकचा अंतर्गत भाग आणि नजीकच्या पट्ट्यामध्ये पावसाच्या सरींची बरसात होणार आहे. तर, पूर्वोत्तर भारत, उप हिमालय क्षेत्र, पश्चिम बंगाल, आंध्रचा किनारपट्टी भाग, तामिळनाडू येथे मध्यम स्वरुपातील पावसाच्या सरी बरसतील. पण, किनाऱ्यालगतच्या भागात हवेत आर्द्रतेचं प्रमाणही जास्त असणार आहे.
Sayali Patil
सायली पाटील या 'झी 24 तास डिजीटल'मध्ये सिनियर सब एडिटर पदावर कार्यरत असून, त्यांना पत्रकारिता क्षेत्रातील 11 वर्षांचा अनुभव आहे. त्यांनी 'लोकमत', 'लोकसत्ता' या वृत्तपत्रांसाठी काम केलं. 'लोकसत्ता'मधील 'VIVA' या जीवनशैली विषयावर आधारित पुरवणीसाठी त्यांनी लिखाण केलं पुढे त्यांनी लोकसत्ता डिजीटलसाठी काम केलं. त्यांनी 'एबीपी माझा' च्या डिजीटल टीमसोबत कामाचा अनुभव घेत 2021 मध्ये पुन्हा एकदा 'झी 24 तास डिजीटल'मध्ये रुजू होत विविध विषयांवरील बातम्यांमध्ये योगदान दिलं. मनोरंजन आणि Lifestyle विषयांतील सुरुवातीचा अनुभव आणि त्यानंतर राजकारण, आरोग्य, प्रवास, राज्यस्तरीय बातम्यांमध्येही त्यांचा हातखंड आहे. सिनेमांचं समीक्षण, राष्ट्रीय स्तरावरील वृत्त, जागतिक स्तरावरील घडामोडी, हवामान वृत्त आणि खगोलशास्त्राश, पुरातत्त्वं विभागाच्या संशोधनासंदर्भातील बातम्यांमध्ये त्यांना विशेष रुची आहे. भटकंती, सिनेमा, विज्ञान, खाद्यसंस्कृती हे त्यांच्या विशेष आवडीचे विषय आहेत.
...Read More