Amravati Lok Sabha Nivadnuk Nikal 2024: अमरावतीत नवनीत राणांचा पराभव, बळवंत वानखेडे विजयी

Amravati Lok Sabha Lok Sabha Election Results 2024 in Marathi: अमरावतीमध्ये भाजपाला मोठा धक्का बसला असून विरोध असतानाही नवनीत राणा यांना उमेदवारी देणं महागात पडलं आहे. नवनीत राणा (Navneet Rana) यांचा अमरावतीमधून पराभव झाला आहे. नवनीत राणा या 20 हजार मतांनी पिछाडीवर आहेत. काँग्रेसचे बळवंत वानखेडे (Balwant Wankhede) यांनी विजयी झाले आहेत.

काँग्रेस उमेदवार बळवंत वानखडे यांनी नवनीत राणा यांना जोरदार धक्का दिला आहे. बळवंत वानखडे हे 20 मतांनी विजय होण्याची शक्यता वर्तवली जात आहे. त्यामुळे बळवंत वानखेडे हे विजयी झाले आहेत. 
बळवंत वानखेडे यांच्या विजयानंतर यशोमती ठाकूर यांच्याकडून जोरदार घोषणाबाजी पाहायला मिळत आहे. तसेच काँग्रेस कार्यकर्त्यांचा जल्लोष पाहायला मिळत आहे. 'धनशक्ती विरुद्ध जनशक्तीचा विजय', अशी प्रतिक्रिया बळवंत वानखडे यांनी दिली आहे. 

अमरावतीमध्ये तिरंगी लढत पाहायला मिळाली. भाजपाकडून नवनीत राणा (Navneet Rana), काँग्रेसकडून बळवंत वानखेडे (Balwant Wankhede) आणि प्रहारकडून दिनेश बूब (Dinesh Boob) मैदानात होते. भाजपाने नवनीत राणा यांनी तिकीट दिल्यानंतर मित्रपक्ष प्रहार संघटनेचे बच्चू कडू यांनी जाहीर विरोध केला होता. यानंतर दिनेश बूब यांना उमेदवारी दिली असल्याने नवनीत राणा यांच्यासाठी सोपी असणारी लढाई कठीण झाली होती. 

नवनीत राणा यांनी 2014 मध्ये राष्ट्रवादी काँग्रेसच्या तिकीटावर निवडणूक लढवली होती. त्यांनी शिवसेनेच्या आनंदराव अडसूळ यांचा पराभव केला होता. त्यानंतर 2019 मध्ये राष्ट्रवादी काँग्रेस आणि काँग्रेसच्या पाठिंब्यावर अपक्ष निवडणूक लढवत पुन्हा एकदा आनंदराव अडसूळ यांचा पराभव केला होता.  अमरावती मतदारसंघात एकूण 18.36 लाख मतदार असून, 64.02 टक्के मतदान झालं आहे. मेळघाट मतदारसंघात सर्वाधिक मतदानाची नोंद झाली.