अटल सेतूवर घडली भयानक घटना! ब्रीजवर मध्येच थांबला, कारमधून बाहेर पडला आणि...

Man Jumps Off Mumbai Atal Setu : दक्षिण मुंबईला नवी मुंबईशी जोडणाऱ्या अटल सेतूवर एक भयानक घडली आहे. एका व्यक्तीने अटल सेतूवरुन समुद्रात उडी घेत आत्महत्या केली आहे. हा सर्व थरार CCTV कॅमेऱ्यात कैद झाला आहे. यापूर्वी देखील मार्च महिन्यात महिला डॉक्टरने अटल सेतूवरून उडी मारुन आत्महत्या केली होती. 

Add Zee News as a Preferred Source

अटल सेतूवरुन एका व्यक्तीने उडी मारुन आत्महत्या केल्याची घटना बुधवारी 24 जुलै रोजी दुपारी 12.30 दरम्यान घडली. करुतुरी श्रीनिवास (38) असे या व्यक्तीचे नाव. एमटीएचएलच्या बचाव पथकाकडुन आणि सागरी सुरक्षा पोलिसांकडुन त्याचा शोध घेण्यात येत होता. मात्र, त्यांच्या हाती काहीच लागले नाही. श्रीनिवास याने इतक्या टोकाचे पाऊल उचलण्याचे कारण आर्थिक संकट असल्याचा संशय व्यक्त करण्यात येत आहे. 

करुतुरी श्रीनिवास (38) हा डोंबिवलीतील पलावा सीटीत पत्नी आणि पाच वर्षांच्या मुलीसोबत राहत होता. बुधवारी दुपारी 12.35 वाजण्याच्या सुमारास श्रीनिवास याने मुंबईकडून सुमारे साडेतेरा किलोमीटर अंतरावर अटल सेतूवर जाऊन रस्त्यालगत आपली टाटा नेक्सॉन कार कं. एमएच-05 ईव्ही 0849 उभी करुन खवळलेल्या समुद्रात स्वतःला झोकून दिले. अटल सेतूवरील टोल नियंत्रण कक्षाने न्हावा शेवा पोलिसांना याबाबतची माहिती दिल्यानंतर एमटीएचएलच्या बचाव पथकाने आणि सागरी सुरक्षा पोलिसांनी या व्यक्तीचा शोध घेण्यास सुरुवात केली. मात्र श्रीनिवास त्यांना सापडला नाही.  

श्रीनिवास याने आपल्या कारमध्ये फक्त पाकीट ठेवले होते, त्यात त्याचे आधार कार्ड आणि लोढा कंपनीचे ओळखपत्र आढळून आले आहे. त्याच्या कारमधून कोणतीही सुसाईड नोट किंवा त्याचा फोन सापडला नसल्याची माहिती पोलिसांनी दिली. बी टेक अभियंता असलेला श्रीनिवास काही वर्षापुर्वी कुवेतमध्ये कामाला होता.