ताज हॉटेलमध्ये एकाच नंबरच्या दोन कार, चौकशीत समोर आला डोकं चक्रावणारा प्रकार
Two Vehicles With Same Number Plate: मुंबईच्या ताज हॉटेल जवळ एकाच नंबर च्या दोन गाड्या मिळाल्याने खळबळ उडाली होती. दोन्ही नंबर प्लेट टुरिस्ट पसिंगच्या असल्याने नेमका काय प्रकार आहे हे कळून येत नव्हतं.
 "ताज हॉटेलमध्ये एकाच नंबरच्या दोन कार, चौकशीत समोर आला डोकं चक्रावणारा प्रकार")
Two Vehicles With Same Number Plate: एकाच चेहऱ्याच्या दोन व्यक्तींची कथा आपण अनेकदा ऐकली असेल. मात्र, एकाच नंबर प्लेटच्या दोन गाड्या आढळल्याचा धक्कादायक प्रकार सोमवारी कुलाब्यात घडला आहे. कुलाबा परिसरातील ताज हॉटेल परिसरात समान क्रमांकाच्या समान कंपनीच्या दोन गाड्या आढळून आल्यानंतर पोलिसांनी दोन्ही गाडया पोलीस ठाण्यात आणून याचा तपास केला आहे.
पोलिस तपासात धक्कादायक माहिती समोर आली आहे. समान क्रमांकाच्या समान कंपनीच्या दोन गाड्या आढळून आल्यानंतर पोलिसांनी दोन्ही गाडया पोलीस ठाण्यात आणून याचा तपास केला आहे. यात बनावट नंबर प्लेट बनवून एकप्रकारे फसवणूक करणाऱ्या व्यक्ती विरोधात गाडीचे मूळ मालक असलेल्या साकीर अली यांनी तक्रार दिली असून याबाबत आवश्यक ती कारवाई करावी अशी मागणी केली आहे.
साकीर अली यांनी काय सांगितलं
साकीर आली यांनी या प्रकरणावर सविस्तर माहिती दिली आहे. मी नरीमन पॉईंट येथे कार चालवत होतो. मात्र गेल्या आठ महिन्यापासून माझ्याच नंबर असलेली सेम गाडी रस्त्यावर चालत असल्याचे मला समजले. त्याचे सर्व फाईन मला येत होते. एक दोन तीन वेळेला मी ते फाईन भरले पण सातत्याने असे व्हायला लागल्यानंतर मी आरटीओ मध्ये देखील तक्रार केली होती मात्र आरटीओने यावर कोणतेही प्रकारे कारवाई केली नाही, असं ते म्हणाले.
आज मी एका प्रवाशांना ताज हॉटेल येथे सोडण्यात आलो असताना माझ्या शेजारी माझ्याच नंबरची माझ्याच मॉडेलची असलेली एक गाडी मला दिसली. त्यानंतर मी त्या गाडीची चौकशी करण्यासाठी त्याच्याजवळ गेलो असता चावी काढून घेण्याचा प्रयत्न केला. मात्र याचवेळी त्याने पळ काढण्याचा प्रयत्न केला. मात्र आजूबाजूचे टॅक्सी चालक आणि पोलिसांनी सतर्कता दाखवून त्याला ताब्यात घेतले. सध्या त्याच्यावर कुलाबा पोलीस स्थानकात गुन्हा दाखल करण्याचे काम सुरू आहे, अशी माहिती साकीर अली यांनी दिली.
आरोपीचे कारचे हफ्ते थकल्यामुळं त्याने गाडीचा नंबर बदलला असल्याचे पोलिस चौकशीत सांगितले. त्याचा कारचा नंबर MH 01 EE 2383 असा आहे. मात्र मात्र कर्जाचे हप्ते थकल्यामुळे MH 01 EE 2388 असा नंबर बदलून घेतल्याचे तो सांगत आहे.
Mansi kshirsagar
मानसी क्षीरसागर झी 24 डिजीटलमध्ये सब एडिटर म्हणून कार्यरत आहेत. त्यांन मीडिया क्षेत्राचा 9 वर्षांचा अनुभव आहे. महाराष्ट्रा टाइम डिजीटल या वृत्तसंस्थेपासून कारकिर्दीची सुरुवात केली. राजकीय, मनोरंजन आणि अर्थ (infrastructure) या विषयात विशेष रुची आहे. त्याचबरोबर, बातमीमागची बातमी म्हणजेच घडामोडींचा विश्लेषणात्मक कव्हरेज करण्याची विशेष आवड. इन्फ्रास्ट्रक्चर आणि गुन्हे या बातम्यांमध्ये हातखंडा.
...Read More