8 Jul 2024, 15:28 वाजता
ठाण्यात पुढील 3 दिवस अनियमीत पाणीपुरवठा
Thane Water : ठाण्यात पुढील तीन दिवस अनियमीत पाणीपुरवठा...नदी पात्रातील गाळामुळे पंपिंग स्टेशनवर परिणाम....मुसळधार पावसाचा ठाण्याच्या पाणी पुरवठ्यावर परिणाम
बातमीचा व्हिडीओ पाहा-
8 Jul 2024, 13:55 वाजता
London Tiger Claws : अफजल खान वधावेळी शिवाजी महाराजांनी वापरलेली हीच वाघनखं असल्याबाबत अनिश्चितता आहे...असं स्पष्टीकरण विक्टोरिया अँड अल्बर्ट म्युझियमने दिलंय...इतिहास संशोधक इंद्रजीत सावंतांनी पत्रव्यवहार केला होता...त्यावरून ही माहिती समोर आलीय असा दावा इंद्रजीत सावंतांनी केलाय...महाराष्ट्र सरकार कोट्यवधी रुपये खर्च करून लंडनमधून छत्रपती शिवाजी महाराज यांनी अफजल खान वधावेळी वापरलेली वाघ नखं आणत असल्याचा दावा केलाय...मात्र, प्रत्यक्षात आणली जाणारी वाघनखे ही छत्रपती शिवाजी महाराज यांनी अफजल खानाच्या वधा वेळी वापरली असल्याचा कोणताच पुरावा नसल्याचे स्पष्टीकरण लंडन स्थित विक्टोरिया अँड अल्बर्ट म्युझियमने दिलंय...इतिहास संशोधक इंद्रजित सावंत यांना केलेल्या पत्र व्यवहारात विक्टोरिया अँड अल्बर्ट म्युझियमने हे स्पष्टीकरण दिलंय...
बातमी पाहा - लंडनहून आणलेली वाघनखं महाराजांची नाहीत? म्युझियमनेच केला मोठा खुलासा
बातमीचा व्हिडीओ पाहा -
8 Jul 2024, 13:04 वाजता
वरळी हिट अँड रन प्रकरणावर विरोधक आक्रमक
Worli Hit And Run Update : वरळी हिट अँड रनप्रकरणी विरोधक आक्रमक झालेत. सरकारची तगडी यंत्रणा असूनही आरोपी अद्यापही फरार आहे. या घटनेबाबत सरकारला गांभीर्य नाही, असा आरोप अंबादास दानवे यांनी केलाय. तर आपल्या नेत्याला वाचवत असाल तर हा कायद्याशी अपराध आहे, असं त्यांनी म्हटलंय. दुसरीकडे विरोधी पक्षनेते विजय वडेट्टीवारांनीही या घटनेवरुन सरकारवर निशाणा साधलाय. या घटनेवर सरकारला उत्तर द्यावं लागेल. राज्यात कायद्याचा धाक राहिला नाही, असं त्यांनी म्हटलंय.
8 Jul 2024, 12:22 वाजता
Vashi Lady : रेल्वेचा खोळंबा, प्रवाशांची गर्दी यातच एक हृदय पिळवटून टाकणारी घटना बेलापूर सीबीडी रेल्वे स्टेशनवर घडली....पनवेलवरून ठाण्याकडे जाणारी लोकल सकाळी नऊच्या दरम्यान बेलापूर-सीबीडी रेल्वे स्टेशनला आली. रेल्वे विस्कळीत असल्यामुळे जी रेल्वे येईल ती पकडण्यासाठी गर्दी होती. याचदरम्यान एका महिलेचा पाय घसरून ती रुळावर पडली. त्यामुळे एकच तारांबळ उडाली. मात्र रेल्वे आणि पोलिस प्रशासनाने काही वेळातच रेल्वे मागे घेतली. महिला रेल्वे रुळामध्ये झोपून राहील्याने तिचा जीव वाचला मात्र महिलेचे दोन्ही पाय वाचू शकले नाहीत. या अपघाताचा थरार कॅमेरात चित्रित झालाय.
बातमी पाहा - Mumbai Rain : लोकल पकडताना महिला पाय घसरुन रुळांवर पडली; अंगावरून ट्रेन गेली, जीव वाचला पण...
8 Jul 2024, 11:11 वाजता
आंबेरी पुलाला मोठं भगदाड
Sindhudurga Rain : सिंधुदुर्गात काल दिवसभर पडलेल्या मुसळधार पावसाचा फटका आंबेरी मार्गाला बसलाय. कुडाळ इथल्या माणगाव खोऱ्यातील आंबेरी पुलाला भलं मोठं भगदाड पडलं. हा मार्ग आता पूर्णतः बंद झालाय. नवीन बांधण्यात आलेला पुल अद्यापही वाहतुकीसाठी खुला करण्यात आला नसल्याने आंबेरी मार्गावरील माणगाव खोऱ्यातील तब्बल २७ गावांचा येण्याजाण्याचा मार्ग बंद झालाय. नव्याने बांधण्यात आलेला पुल लवकरात लवकर वाहतुकीसाठी खुला करावा अशी मागणी स्थानिकांनी केलीय
बातमीचा व्हिडीओ पाहा -
8 Jul 2024, 11:08 वाजता
पुण्यात पुन्हा हिट अँड रनची घटना
Pune Hit And Run : मुंबईतली घटना ताजी असतानाच आता पुण्यात पुन्हा एकदा हिट अँड रनची घटना घडलीये. जुन्या पुणे-मुंबई महामार्गावर हॅरिस ब्रीजच्याखाली भरधाव वेगात असलेल्या कारचालकानं दोन पोलिसांना उडवलं. रात्री पावणे दोन वाजेच्या सुमारास गस्त घालण्यासाठी दोन पोलिस कॉन्स्टेबल दुचाकीवरून जात असताना समोरुन कारचालकानं जोरदार धडक दिली. यात एका पोलिस कॉन्स्टेबलचा जागीच मृत्यू झालाय. समाधान कोळी असं त्यांचं नाव आहे. तर दुसरे संजोग शिंदे हे गंभीर जखमी झालेत. अपघातानंतर कारचालक फरार झालाय. दोन्ही पोलिस कॉन्स्टेबल खडकी पोलीस ठाण्यात बीट मार्शल म्हणून कार्यरत होते. या घटनेवरून पुण्यात हिट अँड रनचं सत्र सुरूच असल्याचं दिसून येतंय. आता या घटनेवर आळा कधी बसणार? असा प्रश्न निर्माण झालाय.
बातमीचा व्हिडीओ पाहा -
8 Jul 2024, 10:56 वाजता
मुंबईत मुसळधार पावसाचा आमदारांना फटका
Mumbai Rain: मुंबईतील मुसळधार पावसाचा मंत्री आणि आमदारांना फटका बसलाय...लांब पल्ल्याची एक्स्प्रेस बंद पडल्याने 7 आमदार ट्रेनमध्येच अडकले...उशीर झाल्यामुळे आमदारांना ट्रॅकवरून चालण्याची वेळ आली...ट्रेनमधून उतरून आमदार मंत्र्यांनी ट्रॅकवरून पायी प्रवास केला...अधिवेशन सुरू असल्याने वेळेत पोहोचण्यासाठी आमदारांनी पायी चालत मार्ग काढला...यामध्ये मंत्री अनिल पाटील, आमदार मिटकरी, संजय गायकवाड असे 7 आमदार ट्रेनमध्येच अडकले होते...
बातमीचा व्हिडीओ पाहा -
8 Jul 2024, 09:43 वाजता
मुंबईत आज अतिमुसळधार पावसाचा इशारा
Mumbai Rain Alert : मुंबईत आज अतिमुसळधार पावसाचा इशारा हवामान विभागानं दिलाय. रात्रभर पडणा-या पावसामुळे मुंबईकरांचे हाल सुरू आहेत. रस्त्यावर पाणी साचलंय. शाळा-कॉलेजेसना सुट्टी जाहीर करण्यात आलीय. अनेकांच्या घरात पाणी शिरलंय. महानगरपालिकेचे कर्मचारी वेगवगळ्या ठिकाणी कार्यरत झालेत. हवामान विभागानं आजही अतिमुसळधार पावसाचा अंदाज व्यक्त केलाय. त्यामुळे यंत्रणा सतर्क झालीय. अफवांवर विश्वास ठेवू नका. तसेच गरज असेल तरच घराबाहेर पडा, असं आवाहन महानगरपालिकेच्या प्रशासनानं केलंय.
बातमीचा व्हिडीओ पाहा -
8 Jul 2024, 09:11 वाजता
कोल्हापुरात पावसाची दमदार हजेरी
Kolhapur Rain : कोल्हापूर जिल्ह्यात देखील गेल्या 24 तासांत मुसळधार पाऊस झालाय. हे. त्यामुळे जिल्ह्यातील सर्वच नद्या दुथडी भरून वाहू लागल्यात. पंचगंगा नदीचे पाणी पात्राबाहेर पडलंय. सद्या पंचगंगा नदीची पाणीपातळी 32 फूट 2 इंच झालीय. एका रात्रीत दीड फूट पाणी वाढलंय. जिल्ह्यातील 50 बंधारे पाण्याखाली गेलेत. तर 14 धरण क्षेत्रात ढगफुटीसदृश्य पाऊस झालाय.
बातमीचा व्हिडीओ पाहा -
8 Jul 2024, 08:24 वाजता
अलिबागच्या नेहुली खंडाळा परिसरात जोरदार पाऊस
Alibagh Rain Fall : अलिबाग तालुक्यातील नेहुली खंडाळा परिसरात पहाटे 3 वाजण्याच्या सुमारास जोरदार पाऊस झाला. गावातील 6 ते 7 घरांमध्ये पावसाचं पाणी शिरलं. या घरात साधारण दीड फुटापर्यंत पाणी शिरलं. घरातील अन्नधान्य आणि अन्य वस्तू भिजून मोठं नुकसान झालं. पावसामुळे गावा जवळचा नाला ओसंडून वाहू लागला आणि त्याचं पाणी गावात शिरलं. गावातील रस्त्याला नाल्याचं स्वरूप आलं
बातमीचा व्हिडीओ पाहा -
