Kasba Chinchwad Bypoll LIVE Updates : भाजप आणि महाविकास आघाडीने प्रतिष्ठेच्या केलेल्या कसबा आणि चिंचवड विधानसभा मतदारसंघ पोटनिवडणुकीसाठी मोठ्या उत्साहात मतदान होत आहे. पुण्यातील कसबा आणि चिंचवड विधानसभा मतदारसंघ (Pune Bypoll Voting) पोटनिवणूक मतदानासाठी पुणेकरांनी मतदान केंद्रावर सकाळपासूनच गर्दी केली आहे. दरम्यान चिंचवडमध्ये गणेश जगताप आणि माजी नगरसेवक सागर आंघोळकर यांच्यामध्ये धक्काबुक्की झाली.
26 Feb 2023, 08:41 वाजता
Kasba Chinchwad Bypoll LIVE Updates : चिंचवड विधानसभा पोटनिवडणुकीसाठी मतदानाचा उत्साह दिसून येतोय. मविआचे उमेदवार नाना काटे यांनी मतदानाचा हक्क बजावला. याठिकाणी भाजप आणि अपक्ष उमेदवाराचं आव्हान असलं तरी विजय मविआचाच होणार असा विश्वास काटेंनी व्यक्त केलाय. कार्यकर्त्यांचे कष्ट विजयाच्या स्वरुपात दिसतील असंही ते यावेळी म्हणाले.
26 Feb 2023, 08:40 वाजता
Kasba Chinchwad Bypoll LIVE Updates : चिंचवड पोटनिवडणुकीत तिरंगी लढत होतेय. भाजपकडून अश्विनी जगताप, मविआकडून नाना काटे रिंगणात आहेत. तर राहुल कलाटे अपक्ष निवडणूक लढवतायत. तिन्ही उमेदवारांनी विजय आपलाच होणार असा विश्वास व्यक्त केलाय.
26 Feb 2023, 08:39 वाजता
Kasba Chinchwad Bypoll LIVE Updates : कसबा पेठ पोटनिवडणुकीत पैसे वाटपाच्या अनेक तक्रारी पोलिसांना प्राप्त झाल्या आहेत. पोलीस उपायुक्त संदीप गिल यांनी ही माहिती दिलीय. मात्र कोणत्याही दबावाला बळी न पडता मतदान करण्याचं आवाहन पोलिसांनी केलंय.
26 Feb 2023, 07:43 वाजता
Kasba Chinchwad Bypoll LIVE Updates : कसबामध्ये पावने तीन लाख मतदार मतदान करणार आहेत. तर
चिंचवडमध्ये साडेपाच लाखाहून अधिक मतदार आहेत. कसबा मतदारसंघातून 270 मतदान केंद्र आहेत. तर चिंचवडमध्ये या मतदार 510 मतदार केंद्र आहे. मतदान करण्यासाठी मतदारराजा घराबाहेर पडत आहे.
26 Feb 2023, 07:02 वाजता
Kasba Chinchwad Bypoll LIVE Updates :भाजप आणि महाविकास आघाडीने प्रतिष्ठेच्या केलेल्या कसबा आणि चिंचवड विधानसभा मतदारसंघात आज पोटनिवडणूक होणार आहे. आज दोन्ही मतदारसंघात सकाळपासून मतदानाला सुरूवात होणार आहे. पोटनिवडणुकीसाठी रविवारी मतदान होत आहे. त्यामुळे किती मतदार मतदानासाठी येतात याची उत्सुकता आहे. कसब्यात भाजपच्या मुक्ता टिळक यांच्या तर चिंचवडमध्ये भाजपचे लक्ष्मण जगताप यांच्या निधनामुळे पोटनिवडणूक होत आहे. कसबा हा भाजपचा बालेकिल्ला मानला जातो. त्यामुळे त्याला खिंडार फोडण्यासाठी महाविकास आघाडीने प्रचारात शक्तिपणाला लावली होती. कसबा मतदारसंघात भाजपचे हेमंत रासने यांची लढत महाविकास आघाडीकडून काँग्रेसचे रवींद्र धंगेकर यांच्याशी होत आहे. तर चिंचवडमध्ये भाजपच्या अश्विनी जगताप, महाविकास आघाडीतर्फे राष्ट्रवादीचे नाना काटे आणि अपक्ष राहुल कलाटे अशी तिरंगी लढत होत आहे. राहुल कलाटेंच्या बंडखोरीमुळे महाविकास आघाडीची डोकेदुखी वाढलीय.
26 Feb 2023, 07:00 वाजता
Kasba Chinchwad Bypoll LIVE Updates : चिंचवडमध्ये तिरंगी लढत होत आहे आणि कसबामध्ये दुहेरी लढत होणार आहे. कसबा मतदार संघात भाजप उमेदवार हेमंत रासने यांच्या विरोधात काँग्रेसचे रविंद्र धंगेकर निवडणूक लढवत आहेत. तर चिंचवडमध्ये दिवंगत आमदार लक्ष्मण जगताप यांच्या पत्नी अश्विनी जगतात मैदानात उतरल्या आहेत. तर त्यांच्या विरोधात महाविकास आघाडीचे उमेदवार नाना काटे आणि अपक्षचे राहुल कलाटे निवडणुकीच्या आखाड्यात उतरले आहेत. त्यामुळे मतदार कोणाला कौल देणार, याकडे राज्याचे लक्ष लागले आहे.
Maharashtra | Two assembly constituencies Chinchwad and Kasba Peth of Pune district to go for bypoll today, preparations underway pic.twitter.com/mUV1vwwdYr
— ANI (@ANI) February 26, 2023
26 Feb 2023, 06:56 वाजता
Kasba Chinchwad Bypoll LIVE Updates : अजितदादांला कितपत राजकारण बारामतीच्या बाहेर कळतं हे मला माहित नाही आणि मला बोलायची गरज नाही. अजितदादांनी बारामतीच्या बाहेर दुसऱ्यांचं बारसं (नाव ठेवायला) करायला जाऊ नये. अजित पवारांनी माझ्या फद्यात पडू नये नाहीतर पुण्यात जाऊन त्यांचे मी बारा वाजवेन, असा थेट इशारा नारायण राणे यांनी अजित पवार (Nanaryan Rane On Ajit Pawar) यांना दिला आहे.
26 Feb 2023, 06:55 वाजता
Kasba Chinchwad Bypoll LIVE Updates : कसबा आणि चिंचवड (Kasbha Chinchwad By Election) मध्ये आम्ही जिंकणार आहोत असा विश्वास उपमुख्यमंत्री देवेंद्र फडणवीस (Devendra Fadnavis) यांनी व्यक्त केला आहे. तसंच आम्ही जिंकणार माहिती असल्याने रडीचा डाव सुरु असल्याचा आरोप फडणवीसांनी केला आहे. नागपुरात (Nagpur) प्रसारमाध्यमांशी बोलताना त्यांनी आदित्य ठाकरेंवरही (Aditya Thackeray) टीका केली. तसंच अजित पवारांवर (Ajit Pawar) टीका करताना आपल्या लोकांना संदेश देण्यासाठी असे बोलावे लागते असा टोला त्यांनी लगावला.
26 Feb 2023, 06:48 वाजता
Kasba Chinchwad Bypoll LIVE Updates : कसबा पेठ मतदारसंघाच्या पोटनिवडणुकीच्या मतदान केंद्राच्या 100 मीटर परिघात सर्व दुकाने आणि व्यावसायिक प्रतिष्ठाने आज बंद राहणार आहेत. पुणे पोलिसांचे सहआयुक्त संदीप कर्णिक यांनी मतदान केंद्राजवळ कायदा व सुव्यवस्थेची स्थिती निर्माण होण्याची शक्यता असल्याने हा निर्णय घेतला आहे. कसबा पेठ आणि चिंचवड विधानसभा पोटनिवडणुकीसाठी 2 मार्चला मतमोजणी होणार आहे.
26 Feb 2023, 06:47 वाजता
Kasba Chinchwad Bypoll LIVE Updates : पुण्यातल्या पोटनिवडणुकीत महाविकास आघाडीकडून बोगस मतदान होण्याची शक्यता आहे, अशी तक्रार भाजपनं पोलिसांकडे केलीय. शरद पवारांच्या उपस्थितीत राष्ट्रवादीच्या मुस्लीम नेत्याने केलेल्या वक्तव्यानंतर बोगस मतदान होईल.. असं भाजपनं म्हटलंय. बोगस मतदान होणाऱ्या संभाव्य मतदान केंद्रांची यादी भाजप शिष्टमंडळाने पुणे पोलीस आयुक्तांना दिलीय.
