24 तासांच्या आत खुलासा सादर करा, वादग्रस्त विधानानंतर संतोष बांगरांना निवडणूक आयोगाची नोटीस
Shivsena MLA Santosh Bangar: संतोष बांगर यांच्या वादग्रस्त विधानाची निवडणूक आयोगाने दखल घेतली आहे.
 "24 तासांच्या आत खुलासा सादर करा, वादग्रस्त विधानानंतर संतोष बांगरांना निवडणूक आयोगाची नोटीस")
Shivsena MLA Santosh Bangar: एकनाथ शिंदे यांच्या शिवसेनेचे आमदार संतोष बांगर यांच्या अडचणीत वाढ होण्याची शक्यता आहे. भर सभेत केलेल्या विधानामुळे ते वादात सापडले आहेत. 'फोन पे करतोच' असं वक्तव्य आमदार बांगर यांनी केलं होतं. त्यामुळे आमदार बांगर यांच्या अडचणीत वाढ होणार आहे. या विधानाची निवडणूक आयोगाने दखल घेतली आहे. काय आहे प्रकार? जाणून घेऊया.
शिवसेनेचे आमदार संतोष बांगर हे नेहमीच आपल्या रोखठोक विधानांसाठी ओळखले जातात. आपल्या रोखठोक भूमिकेमुळे अनेकदा त्यांना अडचणींचा सामना करावा लागलाय. त्यात आता आणखी एकाची भर पडलीय. बाहेरगावी असलेल्या कार्यकर्त्यांची लिस्ट दोन-तीन दिवसांमध्ये द्यावी, त्यांना सांगा गाड्या करा, गाड्यांसाठी जे काही लागतं ते त्यांना फोन पे करतो, त्यांना सांगा येण्या-जाण्याचा जे काही लागते ते आम्हाला सांगा, अस आर्थिक प्रलोभन देणार वक्तव्य आमदार संतोष बांगर यांनी केल्याने खळबळ उडालीय. हिंगोलीच्या कळमनुरी येथे आमदार संतोष बांगर यांनी एका कार्यक्रमात हे विधान केलं आहे.
ठाकरेंच्या शिवसेनेकडून तक्रार
आमदार संतोष बांगर हे येत्या 24 तारखेला आपला उमेदवारी अर्ज शिवसेना शिंदे गटाकडून दाखल करणार आहे.कळमनुरी मध्ये आयोजित एका कार्यक्रमांमध्ये आमदार बांगर यांनी मतदारांना आणण्यासाठी फोन पे ने पाठवा असं वक्तव्य केलं होतं. या वक्तव्यामुळे आचारसंहितेचा भंग केल्याचा आरोप उद्धव ठाकरे गटाने केला आहे. आमदार बांगर यांनी मतदारांना पैशाचं प्रलोभन दिल्याने निवडणूक आयोगाने त्यांच्यावर कारवाई करण्याची मागणी उद्धव ठाकरे यांच्या शिवसेनेचे इच्छुक उमेदवार अजित मगर यांनी केली आहे.
निवडणूक विभागाच्यावतीने आमदार संतोष बांगर यांना त्या वक्तव्याचा खुलासा सादर करण्याची नोटीस बजावली असल्याची माहिती सुत्रांनी दिली आहे. पुढील 24 तासांमध्ये आमदार बांगर यांनी खुलासा सादर करावा असं त्या नोटीसमध्ये म्हटलं आहे.
निवडणूक आयोग तपासणार व्हिडीओ
संतोष बांगर यांच्या वादरग्रस्त विधानाचा व्हिडिओ निवडणूक विभागाच्यावतीने तपासला जातोय. याप्रकरणी लवकरच कारवाई केली जाणार असल्याची माहिती प्रशासकीय सूत्रांनी दिली आहे. निवडणुकीच्या आचारसंहितेचा भंग केल्याप्रकरणी आमदार बांगर यांच्यावर कारवाई करण्याची मागणी ठाकरे गटाचे इच्छुक उमेदवार अजित मगर यांनी केली आहे.
Pravin Dabholkar
"प्रवीण सुरेश दाभोळकर हे 'झी 24 तास' डिजिटलमध्ये चीफ सब एडीटर पदावर कार्यरत आहेत त्यांना मीडिया क्षेत्राचा 14 वर्षांचा अनुभव आहे. वयाच्या 21 व्या वर्षी त्यांनी प्रिंट मीडियातून आपल्या कारकिर्दीची सुरुवात केली. तिथे त्यांना लेखन आणि रिपोर्टिंगचा मौल्यवान अनुभव मिळाला. तेव्हापासून त्यांनी प्रिंट, टीव्ही आणि डिजिटल मीडियासह विविध माध्यमांमध्ये काम केले आहे. संशोधनात्मक अहवाल आणि फिचर रायटिंगकडे त्यांचा कल आहे. वाचकांना माहिती नसलेल्या कथा लोकांसमोर आणण्याची त्यांना आवड आहे. हे करीत असताना सविस्तर तपशील आणि अचूकतेकडे त्यांची कटाक्षाने नजर असते. फावल्या वेळात प्रविण आपल्या आनंदासाठी फिरणे, नवीन गोष्टी आत्मसात करणे आणि सामाजिक कार्यात गुंतलेले असतात. त्यांचे लेखन अनेकदा सामाजिक न्यायाच्या समस्यांबद्दलची त्यांची उत्कटता दर्शवते. तसेच आपल्या लेखणीच्या माध्यमातून समाजात सकारात्मक प्रभाव पाडण्यासाठी ते नेहमी प्रयत्नशील असतात."
...Read More