 "देवाक् काळजी! जादा गाड्या, आरक्षित तिकिटांचं काय? एसटी कामगारांच्या आंदोलनामुळं प्रवासी बुचकळ्यात")
MSRTC ST Bus Epmloyees Strike : गणेशोत्सवाच्या तोंडावर प्रवाशांची वाढती संख्या आणि त्यांच्या गरजा लक्षात घेत एसटी महामंडळाकडून दरवर्षीप्रमाणं यंदाही जादा गाड्या चालवण्याचा निर्णय घेण्यात आला. प्रवाशांनाहीही दमदार प्रतिसाद देत एसटी बसच्या तिकिटांचं आरक्षण केलं. पण, आता मात्र हेच प्रवासी आरक्षण तिकीटापासून अगदी त्यांच्या जादा गाड्यांच्या वेळा आणि त्या गाड्यांच्या प्रवासाबद्दल साशंक दिसत आहेत. कारण ठरतंय ते म्हणजे एसटी कर्मचाऱ्यांचं कामबंद आंदोलन.
एसटी महामंडळाच्या गणपती विशेष जादा गाड्यांमध्ये 4200 एकत्रित आरक्षण आणि 700 हून अधिक वैयक्तिक आरक्षण असून, 4,5 आणि 6 सप्टेंबरला गाड्या मोठ्या प्रमाणात कोकणाच्या दिशेनं निघणार आहेत. पण, प्रत्यक्षात मात्र कामगारांच्या आंदोलनामुळं आता चाकरमान्यांचे हाल होत असल्याचच चित्र समोर येत आहे. मुंबई सेंट्रल आणि तत्सम आगारांतूनही एसटी बस निघण्यात दिरंगाई, तर काही आगारांमधून एकही एसटी निघत नसल्यामुळं तिथं प्रवाशांची गर्दी ओढावण्यास सुरुवात झाली आहे.
| बुधवार | गुरुवार | शुक्रवार |
| मुंबई - 337 | मुंबई - 1365 | मुंबई - 110 |
| ठाणे - 472 | ठाणे - 1881 | ठाणे - 96 |
| पालघर - 187 | पालघर - 372 | पालघर - 70 |
कोट्यवधींचं नुकसान
राज्यभरात एसटी कर्मचाऱ्यांच्या आंदोलनाचा फटका एसटीच्या महसुलावर झाला आहे. एसटी कर्मचाऱ्यांच्या या आंदोलनामुळे एसटीचा दिवसभरात अंदाजे 14 ते 15 कोटी रुपयांचा महसूल बुडाला आहे.
)