मुकेश अंबानींकडून या अलिशान हॉटेलची खरेदी; एक रात्रीच्या मुक्कामाचा खर्च लाखोंमध्ये

मुंबई : उद्योगपती मुकेश अंबानी आता हॉटेल व्यवसायात उतरले आहेत. त्याची कंपनी रिलायन्स इंडस्ट्रीज आता न्यूयॉर्कमधील प्रीमियम लक्झरी हॉटेल मंदारिन ओरिएंटल विकत घेणार आहे. अब्जाधीश उद्योगपती मुकेश अंबानी यांच्या रिलायन्स इंडस्ट्रीज (RIL) ने सांगितले की, त्यांनी न्यूयॉर्कमधील मंदारिन ओरिएंटल हे प्रीमियम लक्झरी हॉटेल $ 9815 दशलक्षमध्ये खरेदी करण्याचा करार केला आहे.  या हॉटेलमध्ये सर्व लक्झरी सुविधा आहेत.

हा करार सुमारे $981 दशलक्ष ( 728 कोटी रुपये) असेल. मंदारिन ओरिएंटल त्याच्या बॉलरूम, पंचतारांकित स्पा आणि जेवणाच्या क्षेत्रांसाठी ओळखले जाते. आयरिश अभिनेता लियाम नीसन आणि अमेरिकन अभिनेत्री लुसी लियू येथे नियमित भेट देतात. रिलायन्स इंडस्ट्रीज हे अधिग्रहण त्यांच्या एका उपकंपनीमार्फत करणार आहे.

हॉटेलमध्ये 248 खोल्या

2003 मध्ये मँडरिन ओरिएंटल हॉटेलचे बांधकाम करण्यात आले. हे 80 कोलंबस सर्कलमध्ये स्थित आहे.  या हॉटेलमध्ये 248 खोल्या आणि सुट आहेत. 

हे हॉटेल इतके महाग आहे की त्याच्या ORIENTAL SUITE रूममध्ये एका रात्रीच्या मुक्कामाचे शुल्क (14000 USD) म्हणजेच 10 लाख रुपयांपेक्षा जास्त आहे. ही खोली 52 व्या मजल्यावर आहे. तर सर्वात स्वस्त खोली $745 (म्हणजे सुमारे 55 हजार रुपये) आहे.

रिलायन्स इंडस्ट्रीजने शनिवारी स्टॉक एक्सचेंजला माहिती दिली की, रिलायन्स इंडस्ट्रीजची पूर्ण मालकीची उपकंपनी असलेल्या रिलायन्स इंडस्ट्रियल इन्व्हेस्टमेंट्स अँड होल्डिंग्स लिमिटेड (RIIHL) ने कोलंबस सेंटर कॉर्पोरेशनचे संपूर्ण शेअर भांडवल ताब्यात घेण्यासाठी करार केला आहे.

केमन आयलंडमध्ये स्थापन झालेल्या या कंपनीचा मँडरीन ओरिएंटलमध्ये 73.37 टक्के हिस्सा आहे. हा करार $981 दशलक्ष पेक्षा जास्त किमतीचा असेल.

एका वर्षापेक्षा कमी कालावधीत रिलायन्सकडून प्रसिद्ध हॉटेलचे हे दुसरे अधिग्रहण आहे. गेल्या वर्षी एप्रिलमध्ये रिलायन्सने यूकेमधील स्टोक पार्क लिमिटेडचे ​​अधिग्रहण केले.