आयफा : अॅन्ड दी अॅवॉर्ड गोज टू...

www.24taas.com, झी मीडिया, मकाऊ
चित्रपटसृष्टीतील महत्त्वाचा मानला जाणारा पुरस्कार म्हणजे आंतरराष्ट्रीय भारतीय चित्रपट पुरस्कार. नुकतीच, आयफा २०१३ च्या पुरस्काराच्या विजेत्यांची घोषणा करण्यात आलीय. यावर्षीच या चौद्याव्या पुरस्कार सोहळ्यात 'बर्फी' या चित्रपटाने सर्वाधिक पुरस्कार मिळवत बाजी मारलीय. बर्फीला सर्वोत्कृष्ट दिग्दर्शक, सर्वोत्कृष्ट अभिनेता आणि सर्वोत्कृष्ट चित्रपट यांसोबतच अनेक पुरस्कार मिळाले आहेत.
अभिनेता रणबीर कपूर याला 'बर्फी'साठी सर्वोत्कृष्ट अभिनेता तर 'कहानी'साठी अभिनेत्री विद्या बालन हिला सर्वोत्कृष्ट अभिनेत्रीचा पुरस्कार प्रदान करण्यात आला. तसेच अन्नू कपूर यांना विकी डोनर चित्रपटासाठी सर्वोत्कृष्ट सहाय्यक अभिनेत्याचा पुरस्कार देण्यात आला.