‘तानी’वर ‘औरंगजेब’ची वाकडी नजर!

www.24taas.com, झी मीडिया, मुंबई
‘तानी’ हा मराठी सिनेमा मल्टिप्लेक्स शोपासून वंचित राहिलाय. अरुण नलावडे आणि केतकी माटेगावकर यांची यात प्रमुख भूमिका आहे. ‘औरंगजेब’ सिनेमाच्या प्रदर्शनामुळे तर ‘तानी’ला एका शोसाठीही मारमार करावी लागतेय.
‘तानी’ हा सिनेमा प्रदर्शित होऊन तीन दिवस झाले. तरीही एकही मल्टिप्लेक्स या सिनेमाचे खेळ लावायला तयार नाही. मुंबईत फक्त एकाच सिनेमागृहात या चित्रपटाचा शो पाहायला मिळतोय. यापूर्वी दोन आठवड्यात प्रदर्शित झालेल्या १६ हिंदी आणि मराठी सिनेमांमुळे मल्टिप्लेक्स उपलब्ध नसल्याचं कारण मल्टिप्लेक्स मालकांनी पुढे केलंय.