कॉलेजमध्ये पुन्हा रणधुमाळी

www.24taas.com,झी मीडिया, मुंबई
कॉलेजमध्ये आता निवडणुकांचे फड रंगणार आहेत. विद्यापीठांमध्ये निवडणुका घेण्याचे राज्य शासनाने ठरविले आहे. त्याबाबत विविध पक्षनेत्यांशी चर्चा करण्यात येत आहे. येत्या १५ दिवसांत या बाबतचा प्रस्ताव तयार करण्यात येईल, अशी माहिती उच्च व तंत्रशिक्षण मंत्री राजेश टोपे यांनी गुरुवारी विधानसभेत दिली.
विद्यापीठ विद्यार्थी संघाची निवडणूक पूर्वीप्रमाणे सुरू होणार आहे. राज्य सरकार याबाबत सकारात्मक आहे. तसा प्रस्ताव राज्य मंत्रिमंडळासमोर मान्यतेसाठी आणला जाईल, असे राजेश टोपे यांनी स्पष्ट केले. विद्यार्थी संघाच्या निवडणुकीवरील बंदी उठविण्याची मागणी करीत राष्ट्रवादीचे जितेंद्र आव्हाड यांनी लक्षवेधी सूचना मांडली होती.